រាជធានីភ្នំពេញ ៖ បុរសជាកម្មករម្នាក់បានលួចមានស្រីថ្មីនៅក្បែរបន្ទប់ជួលរបស់ខ្លួន និងបានចូលទៅប្រលោមស្នេហ៍ប្រុងនឹងធ្វើអីៗ តែត្រូវបានប្រពន្ធតាមទាន់ មានទំនាស់គ្នាបែកផ្សែង ដែលហេតុការណ៍ នេះ បង្កអោយមានការភ្ញាក់ផ្អើល កាលពីវេលាម៉ោងប្រមាណ៣រំលងអធ្រាត្រចូលថ្ងៃទី០២ ខែមីនា ឆ្នាំ ២០២០ នៅបន្ទប់ជួល ខណ្ឌឬស្សីកែវ រាជធានីភ្នំពេញ ហើយភាគីទាំង២នាក់មានទំនាស់ពាក្យសំដីគ្នាតាំងពីយប់រហូតដល់វេលាម៉ោង១២និង៥០នាទីថ្ងៃត្រង់ ។
បុរសជាប្តីដែលលួចមានស្រីនៅក្បែររបងផ្ទះនោះឈ្មោះ យុំ សីហា អាយុ២៦ឆ្នាំ ជាកម្មករលីសែង មានប្រពន្ធឈ្មោះ កុត ដានី អាយុ២៨ឆ្នាំ មានកូនតូច២នាក់ ស្នាក់នៅបន្ទប់ជួល ក្បែរកន្លែងកើតហេតុ មានស្រុកកំណើតភូមិព្រៃទទឹង ឃុំព្រៃទទឹង ស្រុកមេសាង ខេត្តព្រៃវែង ។ ចំណែកនារីដែលជាស្រីស្នេហ៍ អាយុ៣៤ឆ្នាំ មានប្តីហើយ និងមានកូន២នាក់ ស្នាក់នៅបន្ទប់កើតហេតុខាងលើ ។
តាមព័ត៌មានបានអោយដឹងថា នៅវេលាម៉ោប្រមាណ២យប់ចូលថ្ងៃទី០២ ខែមិនានេះ បុរសជាប្តីឈ្មោះ យុំ សីហា បានត្រឡប់មកពីធ្វើការជាកម្មករលីសែង ហើយក៏បាននាំបងប្អូនផឹកនៅក្បែរផ្ទះ ។ បន្ទប់ពីផឹកហើយ បុរសរូបនោះបានលួចចូលទៅក្នុងបន្ទប់របស់ស្រីស្នេហ៍របស់ខ្លួន ដែលមានទំនាក់ទំនងស្នេហាលួចលាក់ជាយូរមកហើយ ។ ខណៈនោះស្រីជាប្រពន្ធក៏បានទៅទាន់បង្កអោយមានការភ្ញាក់ផ្អើល និងមានទំនាស់គ្នាបែកផ្សែង ។
តាមស្ត្រីឈ្មោះបុរសខាងលើបានអោយដឹងថា នាងតាមដានប្តីលួចទាក់ទងគ្នាជាមួយស្រីថ្មីដែលជាអ្នកក្បែរគ្នាជាយូរមកហើយ ។ នៅយប់មុនពេលកើតហេតុនាងបានលូនក្រោមរថយន្តចាំមើលប្តីមានស្រីអស់ជាច្រើនម៉ោង ហើយបន្ទាប់ពីចប់ផឹកបានឃើញប្តីចូលទៅក្នុងបន្ទប់នាងនោះក៏បាននាំបងប្អូនទៅចាប់ប្តីកំហួចនោះតែម្តង ។ មុនដំបូងនាងប្រុងចាក់សោបន្ទប់ពីក្រៅ តែបន្ទប់នោះអត់មានសាយ៉ុវ(គន្លឹះទ្វារ) ប្តីក៏បានរត់ចេញបាត់ ។
ស្ត្រីជាប្រពន្ធរូបនោះបានអោយដឹងទៀតថា នាងនឹងប្តីបានរៀបការពេញច្បាប់អស់រយៈពេលប្រមាណ១០ឆ្នាំ មកហើយ តែមិនបានចុះសំបុត្រអាពាហ៍ពិពាហ៍នោះទេ ។ ចំណងស្នេហ៍បានកូន២នាក់ កូនស្រីបងអាយុ៦ឆ្នាំ និងកូនប្រុសប្អូនអាយុ១ឆ្នាំ ១ខែ ។ រយៈពេលប្រមាណ២ខែមកហើយមិនចុះសម្រុងគ្នាមិននឹកស្មានថា ប្តីលួចមានស្រីថ្មីដែលជាអ្នកជិតគ្នាខាងធ្លាប់ផឹកស៊ីជាមួយគ្នាបែបនេះសោះ ។
តាមបុរសជាប្តីបានអោយដឹងថា ខ្លួនមានទំនាក់ទំនងស្នេហាជាមួយស្រីស្នេហ៍ រយៈពេលប្រមាណកន្លះខែមកហើយ ។ រយៈពេលប្រមាណ៣ថ្ងៃមុនស្រីស្នេហ៍ក៏មានទំនាស់គ្នាជាមួយប្តី ហើយប្តីក៏បានលក់ម៉ូតូចែកគ្នានាំកូនទៅស្រុកអស់ ។ នៅវេលាម៉ោងប្រមាណ៣ទៀបភ្លឺខ្លួនបានចូលទៅក្នុងបន្ទប់ជួបសួរនាំនាង បើលែងលះគ្នាសុខចិត្តរស់នៅជាមួយខ្លួនទេ ? ស្រាប់តែប្រពន្ធទៅទាន់តែម្តង ។
តាមស្រីស្នេហ៍អោយដឹងថា នាងទើបតែឈ្លោះលែងលះប្តីបាន៣ថ្ងៃ ហើយនៅយប់នោះឈ្មោះ យុំ សីហា ក៏បានចូលទៅក្នុងបន្ទប់សួរនាំ និងសុំរស់នៅជាមួយគ្នា ស្រាប់តែស្ត្រីជាប្រពន្ធបានចូលទៅរករឿងចាប់បោចសក់ ។ ស្រីស្នេហ៍រូបនោះបានអោយដឹងថា នៅយប់នោះនាងមិនបានធ្វើអីៗជាមួយប្តីរបស់គេនោះទេ ។
តាមព័ត៌មានអោយដឹងទៀតថា បន្ទាប់ពីតាមប្តីទាន់មានស្រីក៏មានទំនាស់គ្នា ហើយស្ត្រីជាប្រពន្ធបានទាមទារជំងឺចិត្ត៥ពាន់ដុល្លារ មុនដំបូងខាងស្រីស្នេហ៍បានឯកភាពតែព្រឹកឡើងនាងថា គ្មានលុយនោះទេ ហើយពួកគេទាំង២មានទំនាស់គ្នាបែកផ្សែងតាំងពីយប់រហូតដល់ថ្ងៃត្រង់ ។
តាមអ្នកជិតបានអោយដឹងដែរ បុរសរូបនោះមិនគួរទៅលួចទាក់ទង់ស្រី និងទៅដេកជាមួយស្រីនោះនៅបន្ទប់ក្បែរបែបនេះទេ ។ ម្យ៉ាងទៀតពួកគេទាំងសងខាងជាអ្នកក្បែរខាងនឹងធ្លាប់ផឹកស៊ីជាមួយគ្នាទៀត ។ អ្វីដែលគួរអោយចាប់អារម្មណ៍ មុនពេលដែលចូលបន្ទប់ស្រីស្មេហ៍នោះបុរសរូបនោះបានដោះសាយ៉ូវទ្វារ និងយកស្បែកជើងទុកក្នុងផ្ទះកុំអោយប្រពន្ធដឹង និងចាក់សោទ្វារ ។ បន្ទាប់ពីមានទំនាស់គ្នា បុរសជាប្តីទំនងជាដឹងកំហុស ហើយបានសន្យាថា នឹងឈប់ទាក់ទងជាមួយស្រីទៀតហើយ ៕
ចែករំលែកព័តមាននេះ