Cristiano Ronaldo កំពុងស្ថិតក្នុងការតាមដានដោយក្រុមគ្រូពេទ្យ
Cristiano Ronaldo ស្ថិតក្នុងចំណោមកីឡាករ Juventus ដែលត្រូវតាមដានដោយក្រុមគ្រូពេទ្យ ក្រោយផ្ទុះវីរុស Covid-19 ។ យោងតាមរបាយការណ៍ពី The…
Cristiano Ronaldo ស្ថិតក្នុងចំណោមកីឡាករ Juventus ដែលត្រូវតាមដានដោយក្រុមគ្រូពេទ្យ ក្រោយផ្ទុះវីរុស Covid-19 ។ យោងតាមរបាយការណ៍ពី The…
Cristiano Ronaldo ស្ថិតក្នុងចំណោមកីឡាករ Juventus ដែលត្រូវតាមដានដោយក្រុមគ្រូពេទ្យ ក្រោយផ្ទុះវីរុស Covid-19 ។
យោងតាមរបាយការណ៍ពី The Sun បានឱ្យដឹងថា ក្រុមកីឡាករ Juventus កំពុងស្ថិតក្រោមការតាមដានពីក្រុមគ្រូពេទ្យ និងបានសម្រេចលុបចោលការហ្វឹកហាត់ទាំងអស់ ខណៈដែលក្រុមយុវជនអាយុក្រោម ២៣ឆ្នាំរបស់ពួកគេទាំងអស់ ត្រូវដាក់ឱ្យនៅដាច់ដោយឡែកពីគេ ដើម្បីធ្វើការតាមដានដោយសារការភ័យខ្លាចនៃវីរុស COVID-19 ។
សូមរំលឹកថា កាលពីប៉ុន្មានថ្ងៃមុន ក្លិប US Pianese នៅលីគ Serie C ដែលមានកីឡាករបីនាក់ រួមទាំងមន្ត្រីក្លិបត្រូវបានធ្វើតេស្តថា មានសញ្ញាវិជ្ជមានចំពោះវីរុសថ្មីនេះ។ ស្របពេលដែលក្រុម Juventus U23 ធ្លាប់បានលេងជាមួយក្រុមនេះ ខណៈដែលសមាជិកក្នុងក្រុម Juventus U23 ខ្លះ បានចូលរួមការហ្វឹកហាត់ជាមួយក្រុមឈុតធំ ដែលមានតារាឆ្នើម Cristiano Ronaldo ក្នុងនោះផងដែរ។
រហូតមកដល់ពេលនេះ គ្មានកីឡាករណាម្នាក់ក្នុងក្រុម Juventus រកឃើញថាមានរោគសញ្ញានៃវីរុស Covid-19 នោះទេ។ ប៉ុន្តែការហាមឃាត់នេះ នឹងត្រូវបន្តរហូតដល់មានការជូនដំណឹងបន្ថែមទៀត៕ (កែសម្រួលដោយ ៖ ធីតា)
ចែករំលែកព័តមាននេះ