សមាជិកសភាម៉ាឡេស៊ីនឹងជួបគ្នានៅថ្ងៃច័ន្ទនេះ ដើម្បីដោះស្រាយភាពជាប់គាំងនយោបាយរបស់ប្រទេស បន្ទាប់ពីព្រះមហាក្សត្រ មិនបានរកឃើញបេក្ខជនណាមួយដែលមានសំឡេងភាគច្រើនច្បាស់លាស់ ដើម្បីក្លាយជានាយករដ្ឋមន្ត្រីបន្ទាប់។ ការបោះឆ្នោតបណ្តោះអាសន្ននឹងត្រូវគេសម្រេច ប្រសិនបើគ្មាននរណាម្នាក់ទទួលបានការគាំទ្រភាគច្រើនពីសមាជិកសភ ២២២រូប នៅថ្ងៃទី២ ខែមីនា ដើម្បីក្លាយជានាយករដ្ឋមន្ត្រីនោះទេ។
គណបក្សអង្គការរួបរួមជាតិម៉ាឡេ (The United Malays National Organization) ដែលជាគណបក្សប្រឆាំងធំជាងគេ បានប្រាប់មេដឹកនាំរបស់ខ្លួន ឱ្យត្រៀមសម្រាប់ការបោះឆ្នោតដោយស្នើថា សមាជិកសភារបស់ពួកគេនឹងមិនប្រមូលផ្តុំនៅពីក្រោយបេក្ខជនណាមួយ នៅសប្តាហ៍ក្រោយដែលមិនមែនជាសមាជិករបស់ពួកគេនោះទេ។
ថ្ងៃផុតកំណត់នៅថ្ងៃច័ន្ទ នឹងកំណត់ឆាកសម្រាប់ភាពវឹកវរនយោបាយជាច្រើនថ្ងៃទៀត ខណៈដែលគណបក្សនីមួយៗខិតខំធ្វើអ្វីគ្រប់យ៉ាងដើម្បីអាចទទួលការគាំទ្រ។ ការគ្រប់គ្រងនៃសេដ្ឋកិច្ច ដែលកំពុងកើនឡើងក្នុងល្បឿនយឺតបំផុតក្នុងរយៈពេលមួយទសវត្សរ៍ដោយលោក Mahathir បានប្រកាសកាលពីថ្ងៃព្រហស្បតិ៍នូវកញ្ចប់ថវិកាចំនួន ២០ពាន់លានរីងហ្គីដ ដែលស្មើនឹង ៤.៨ពាន់លានដុល្លារ ដើម្បីឆ្លើយតបនឹងផលប៉ះពាល់នៃការផ្ទុះឡើងនៃជំងឺកូរ៉ូណាថ្មី។
គួរបញ្ជាក់ផងដែរថា លោកអតីតនាយករដ្ឋមន្ត្រីម៉ាឡេស៊ី Mohamad Mahathir ទើបតែបានលាលែងពីតំណែង ប៉ុន្តែត្រូវបានតែងតាំងដោយព្រះមហាក្សត្រជានាយករដ្ឋមន្ត្រីបណ្តោះអាសន្នរហូតដល់មានមេដឹកនាំថ្មីលេចចេញមក។ លោកបាននិយាយកាលពីថ្ងៃពុធថា លោកនឹងវិលត្រឡប់មកកាន់អំណាចវិញ ប្រសិនបើសមាជិកសភានឹងគាំទ្រលោក ហើយចង់ឱ្យមានរដ្ឋាភិបាលដែលមិនកាន់ជើងគណបក្សណាមួយ៕ ប្រភព៖ bangkokpost
ចែករំលែកព័តមាននេះ