រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានអះអាងរហូតមកដល់ពេលនេះមិនមានសាលាណាមួយប្រកាសបិទទ្វារមិនឲ្យសិស្សទៅរៀនដោយសារខ្លាចជំងឺកូវីដ១៩នោះទេ ទោះបីជាបណ្តាប្រទេសមួយចំនួនបានកំពុងបិទទ្វារសាលារៀនបណ្តោះអាសន្នក្តី ។
សម្តេចតេជោហ៊ុនសែន បានថ្លែងក្នុងថ្លែងក្នុងពិធីប្រគល់សញ្ញាបត្រជូននិស្សិតសាកលវិទ្យាល័យអាស៊ីអឺរ៉ុបជាង១ពាន់នាក់ នាព្រឹកថ្ងៃទី០២ ខែមីនា ឆ្នាំ២០២០ នៅវិទ្យាស្ថានជាតិអប់រំយ៉ាងដូច្នេះថា ៖«ឥឡូវនេះយើងមិនទាន់ដាក់ឲ្យសាលារៀនណាមួយត្រូវបិទទ្វារនោះទេ ក្នុងពេលប្រទេសមួយចំនួនបានឲ្យបិទទ្វារសាលារៀន ហើយនៅតាមបណ្តាក្រុមហ៊ុនអនុញ្ញាតឲ្យបុគ្គលិកមួយចំនួនធ្វើការពីផ្ទះតាមអនឡាញ» ។ សម្តេចបន្តថា សកលវិទ្យាល័យមួយចំនួននៅប្រទេសចិនបានរៀនតាមរយៈអនឡាញ ហើយពេលនេះដែលនិស្សិតខ្មែរយើងមកស្រុកខ្មែរនៅពេលចូលឆ្នាំនេះក៏នឹងចាប់ផ្តើមរៀនតាមប្រព័ន្ធអនឡាញផងដែរ ។ អីញ្ចឹងក្រសួងអប់រំត្រូវធ្វើការទំនាក់ទំនងលើបញ្ហានេះ ។
សម្តេចបន្ថែមថា ដើម្បីដំណើរការរៀនសូត្រចិនបានរៀបចំឲ្យនិស្សិតកម្ពុជាយើងរៀនតាមរយៈប្រព័ន្ធអនឡាញ ។ អីញ្ចឹងសម្រាប់កម្ពុជាយើងមិនទាន់ដល់ដំណាក់កាលនេះទេ ។ ហើយការជួបជុំនៅតែអនុញ្ញាតឲ្យធ្វើដោយមិនទាន់ដល់កម្រិតបំបែកមិនមានការជួបជុំគ្នានោះទេ ប៉ុន្តែត្រូវមាការប្រុងប្រយ័ត្ន ។ សម្តេចតេជោបានបញ្ជាថា គ្រប់មាត់ច្រកចេញចូលទាំងអស់ត្រូវមានការប្រុងប្រយ័ត្ន ហើយត្រួតពិនិត្យមនុស្សចេញចូល ប៉ុន្តែសុំបញ្ហា និងសោកស្តាយចំពោះប្អូនស្រីម្នាក់ថា កូនស្រីមករៀននៅខាងក្រៅមិនបានពិនិត្យ ។ ផ្ទុយទៅវិញគាត់មានការយល់ច្រឡំថា មិនបានពិនិត្យដោយសារឧបករណ៍ទៅពិនិត្យផ្ទៃមុខ ឬក្បាល តែគេបានពិនិត្យតាមម៉ាស៊ីនស្គៀនរួចហើយដោយពេលដើរឆ្លងកាត់គេដឹងជាការស្រេចដោយអ្នកដែលមានកម្តៅខ្លាំងគេនិងយកទៅពិនិត្យព្យាបាល ។
ជាមួយគ្នានោះដែរ សម្តេចតេជោ ក៏បានលើកឡើងថា សោយសារជំងឺកូវីដ១៩នេះបានធ្វើឲ្យបញ្ហាសេដ្ឋកិច្ចលើពិភពបានកំពុងអង្រួនហើយ ដោយទីផ្សារនៅគ្រប់ទ្វីបទាំងអស់អត់មានទីផ្សារណាមួយឡើងនោះទេ គឺដំក្បាលចុះចង្វាក់ផលិតកម្មមួយចំនួនត្រូវបានបិទ ព្រោះវត្ថុធាតុដើមភាគច្រើននាំមកពីចិន ។ បើនិយាយវិស័យកាត់ដេរនៅកម្ពុជាមានចំនួន៦០ភាគរយ ដូច្នេះបានយើងស្នើមិត្តចិនបញ្ជូនមកកម្ពុជាឲ្យបានកុំឲ្យមានការព្យួរ ឬផ្អាកការងារកម្មករ ។ ប្រមុខរាជរដ្ឋាភិបាលក៏បានអះអាងថា វិស័យប៉ះពាល់មុនគេ គឺវិស័យទេសចរណ៍ ។ ដូច្នេះស្នើសុំប្រជាពលរដ្ឋខ្មែរដែលចូលចិត្តទៅលេងនៅក្រៅប្រទេសបង្វែរមកលេងស្រុកខ្មែរវិញដើម្បីឲ្យស្គាល់ស្រុកខ្មែរឲ្យបានអស់សិន ៕
ចែករំលែកព័តមាននេះ