រាជធានីភ្នំពេញ ៖ នៅថ្ងៃនេះសម្តេចតេជោបានមានប្រសាសន៍ទាក់ទងនឹងការប្រជុំអាស៊ាន-អាមេរិក ដែលថ្មីៗនេះប្រធានាធិប អាមេរិកបានពន្យាពេលនៃកិច្ចប្រជុំពិសេសកំពូលអាស៊ាន-អាមេរិក ហើយក្នុងនោះក៏មានការវិភាគ និងលើកឡើងនូវមតិខុសៗគ្នា តែហេតុផលយ៉ាងណានោះមានតែអាមេរិកខ្លួនឯងទេ ជាអ្នកដឹង ។ នេះបើយោងតាមផេកសម្តេចជោចេញផ្សាយមុនេះ ។
សម្តេចតេជោបន្តទៀតថា មានមតិខ្លះលើកឡើងថា អាមេរិកបានចាត់ទុករឿងជំងឺកូវិដ១៩ គឺជារឿងសំខាន់ក្នុងការពន្យានៃកិច្ចប្រជុំនេះ និងជាការប្រយុទ្ធប្រឆាំងទប់ស្កាត់ជំងឺនេះ ។ ក៏ប៉ុន្តែក៏មានការលើកឡើងថា អាមេរិកពន្យាការប្រជុំដោយសារមេដឹកនាំអាស៊ានមួយចំនួនមិនទៅចូលរួមក្នុងកិច្ចប្រជុំនោះ ដូចជា ប្រធាធិបតីនៃប្រទេសហ្វីលីពីន , នាយករដ្ឋមន្ត្រីម៉ាឡេស៊ី និងនាយករដ្ឋមន្ត្រីឥណ្ឌូនេស៊ី ដែលប្រទេសទាំង៣នេះ អាចតំណាងជាងពាក់កណ្តាលនៃប្រជាពលរដ្ឋអាស៊ានទៅហើយ ។
ដោយកន្លងមកប្រធានាធិបតីអាមេរិកក៏បានអវត្តមានក្នុងកិច្ចប្រជុំអាស៊ានចំនួន០៣ដងរួចមកហើយ ដោយបានអោយតំណាងរបស់ខ្លួនទៅជំនួស ។ តែទោះជាយ៉ាងណាក៏ដោយ សម្តេចតេជោនាយករដ្ឋមន្ត្រីកម្ពុជាគិតថា ហេតុផលទី១ ជាមូលហេតុចម្បងដែលអាមេរិកសម្រេចពន្យានៃកិច្ចប្រជុំដ៏សំខាន់នេះ គឺការប្រយុទ្ធប្រឆាំងជំងឺកូរ៉ូណា មិនមែនអាមេរិកមិនយកចិត្តទុកដាក់ជាមួយនឹងប្រទេសអាស៊ាននោះទេ ៕
ចែករំលែកព័តមាននេះ