រាជធានីភ្នំពេញ ៖ បន្ទាប់ពីមានការលើកឡើងចំពោះការដើរដួលបាត់បង់ជីវិតជនបរទេសប៉ុន្មានថ្ងៃមកនេះថា ដោយសារកើតជំងឺកូវីដ១៩នោះ សម្តេចតេជោ ហ៊ុនសែន នាយករដ្ឋមន្ត្រីបានហៅអ្នកដែលបង្ហោះសារបំផុសថា មានអ្នកដួលស្លាប់កន្លងមកនេះ គឺជាជនទុច្ចរិតហើយនៅហៅថា ជាក្រុមភេវករ…
រាជធានីភ្នំពេញ ៖ បន្ទាប់ពីមានការលើកឡើងចំពោះការដើរដួលបាត់បង់ជីវិតជនបរទេសប៉ុន្មានថ្ងៃមកនេះថា ដោយសារកើតជំងឺកូវីដ១៩នោះ សម្តេចតេជោ ហ៊ុនសែន នាយករដ្ឋមន្ត្រីបានហៅអ្នកដែលបង្ហោះសារបំផុសថា មានអ្នកដួលស្លាប់កន្លងមកនេះ គឺជាជនទុច្ចរិតហើយនៅហៅថា ជាក្រុមភេវករ ។ ថ្លែងក្នុងពិធីប្រគល់សញ្ញាបត្រជូននិស្សិតសាកលវិទ្យាល័យអាស៊ីអឺរ៉ុប ១,៥៨៩នាក់ ដែលពិធីនេះធ្វើឡើងនៅវិទ្យាស្ថានជាតិអប់រំ រាជធានីភ្នំពេញ នាព្រឹកថ្ងៃទី០២ ខែមីនានេះ ។
សម្តេចបញ្ជាក់ថា ៖«ព្រោះការបំផុសព័ត៌មានដូចជា ការដួលស្លាប់ដោយជំងឺកូវីដនោះគ្មាននោះទេ ដោយសារជំងឺនេះគ្មានការដួលស្លាប់នោះទេកុំឆ្ងល់ ។ វាមិនមែនដើរត្រុកៗហើយដាច់សរសៃឈាមស្លាប់នោះទេ ។ មនុស្សគង់តែស្លាប់ទេ ប៉ុន្តែខ្លះស្លាប់ក៏ទម្លាក់ទៅលើជំងឺកូវីដ ។ ជំងឺត្រូវស្លាប់ ទោះបីជាអត់មានជំងឺកូវីដក៏ស្លាប់ដែរ» ។ សម្តេចតេជោ អំពាវនាវទៅកាន់អ្នកបំផុសព័ត៌មានថា បើបំផុសព័ត៌មានមិនពិតអីញ្ចឹង តើទទួលបានអ្វីមកវិញ ។ ផ្ទុយទៅវិញបានត្រឹមតែបង្កការភ័យខ្លាចចំពោះប្រជាពលរដ្ឋ និងសម្រាប់ក្រុមគ្រួសារខ្លួនតែប៉ុណ្ណោះ ។
សម្តេចមានជំនឿចិត្តថា ប្រជាពលរដ្ឋមិនមានការកត់ស្លុតរហូតដល់គ្រប់គ្រងខ្លួនមិនបាននោះទេ ទោះបីជាពេលដំបូងឡើងនូវការចម្លងជំងឺកូវីដ១៥ លើជនជាតិចិនបានធ្វើឲ្យម៉ាស់ឡើងថ្លៃដែលនាំឲ្យមានរឿងម្តង ។ ប៉ុន្តែបន្ទាប់ពីនេះមកធ្វើឲ្យប្រជាពលរដ្ឋសាបរលាបហើយ ។ សម្តេចគូសបញ្ជាក់ថា បើសិនប្រជាពលរដ្ឋម្នាក់ៗដឹងខ្លួនឯងថា ខ្លួនឈប់ឬអត់ ហើយបន្តអានាម័យជាមួយសាប៊ូ ឬលាងអាល់កុល និងអានាម័យផ្ទះសម្បែងជារឿងល្អ ។
ចំណុចនេះសម្តេចក៏បានអំពាវនាវឲ្យមនុស្សម្នាក់ៗធ្វើការវាយបកចំពោះព័ត៌មានមិនពិត ដោយចាំតែក្រសួងសុខាភិបាលបកស្រាយ ឬនាយករដ្ឋមន្ត្រីនិយាយមិនគ្រប់គ្រាន់នោះទេ ។ សម្តេចបញ្ជាក់ថា ៖«ម្នាក់ៗត្រូវធ្វើជាសកម្មជនប្រឆាំងព័ត៌មានក្លែងក្លាយ ។ ព្រោះជាសុខភាពផ្ទាល់ខ្លួន! បើគេថា ខ្មែរឈឺអស់ហើយ អីញ្ចឹងដាច់គុណ ឬពលរដ្ឋម្នាក់ថា យើងគ្មានឈឺនោះទេ ។ គេថា ប្រជាជនថា ឈឺអស់ហើយ យើងម្នាក់ៗមានរួចហើយតបវិញថា មិនឈឺនោះទេ » ។ សម្តេចក៏បានលើកឡើងថា ទោះបីជាគ្មានជំងឺកូវីដ ក៏មានជំងឺផ្តាសាយផងដែរ ។
សូមជម្រាបថា ការលើកឡើងរបស់ប្រមុខរាជរដ្ឋាភិបាលបន្ទាប់ពីមានម្ចាស់គណនេយ្យហ្វេសប៊ុកបានបង្ហោះពីការដើរដួលស្លាប់ជនបរទេសជាបន្តបន្ទាប់ថា ជាជំងឺកូវីដ ៕
ចែករំលែកព័តមាននេះ