អាមេរិក ៖ តាមប្រភពព័ត៌មាន CNN បានឱ្យដឹងថា សហរដ្ឋអាមេរិកបានប្រកាសពីការបាត់បង់ជីវិតដំបូងរបស់ប្រជាជនខ្លួនដោយសារឆ្លងវីរុសកូរ៉ូណាថ្មី កាលពីព្រឹកថ្ងៃអាទិត្យនេះ បុរសរងគ្រោះម្នាក់រស់នៅរដ្ឋវ៉ាស៊ីនតោន មានអាយុជាង៥០ឆ្នាំ និងមានបញ្ហាសុខភាពស្រាប់។…
អាមេរិក ៖ តាមប្រភពព័ត៌មាន CNN បានឱ្យដឹងថា សហរដ្ឋអាមេរិកបានប្រកាសពីការបាត់បង់ជីវិតដំបូងរបស់ប្រជាជនខ្លួនដោយសារឆ្លងវីរុសកូរ៉ូណាថ្មី កាលពីព្រឹកថ្ងៃអាទិត្យនេះ បុរសរងគ្រោះម្នាក់រស់នៅរដ្ឋវ៉ាស៊ីនតោន មានអាយុជាង៥០ឆ្នាំ និងមានបញ្ហាសុខភាពស្រាប់។
មន្ត្រីសុខភាពនៅក្នុងតំបន់ បានដឹងពីករណីនេះកាលពីថ្ងៃសុក្រ។ លោកប្រធានាធិបតី ដូណាល់ត្រាំ បានថ្លែងនៅក្នុងសន្និសីទសារព័ត៌មានមួយថា ជនជាតិអាមេរិកមិនគួរភ័យស្លន់ស្លោពីការបាត់បង់ជីវិតនោះទេ ហើយថាខណៈពេលដែលករណីឆ្លងវីរុសនេះច្រើនទៀតនៅអាមេរិកទំនងជាមានកម្រិតគ្រោះថ្នាក់ទាប សម្រាប់មនុស្សមានសុខភាពធម្មតា។
លោក Trump បាននិយាយថា «បុគ្គលដែលមានសុខភាពល្អគួរតែអាចជាសះស្បើយឡើងវិញ ហើយយើងគិតថានោះនឹងជាសេចក្តីថ្លែងការណ៍ ដែលយើងអាចធ្វើបានជាមួយនឹងភាពប្រាកដប្រជាដ៏អស្ចារ្យនាពេលឥឡូវនេះ ហើយយើងបានស៊ាំជាមួយបញ្ហានេះហើយ»។
លោក Robert Redfield ប្រធានមជ្ឈមណ្ឌលគ្រប់គ្រងនិងបង្ការជម្ងឺសហរដ្ឋអាមេរិក មានប្រសាសន៍ថា អ្នកជំងឺម្នាក់នោះប្រហែលជាឆ្លងតាមអ្នកផ្សេងទៀតនៅក្នុងសហគមន៍។
លោក Redfield បានប្រាប់អ្នកយកព័ត៌មាននៅសេតវិមាននៅថ្ងៃនេះថា «ការស៊ើបអង្កេតនៅពេលនេះមិនបង្ហាញភ័ស្តុតាងណាមួយទាក់ទងនឹងការធ្វើដំណើរ ឬ ប្រភពទំនាក់ទំនងដែលប្រាកដមួយនៅឡើយទេ»៕ ដកស្រង់ចេញពីវ៉េបសាយ ៖ CNN (កែសម្រួលដោយ ៖ ធីតា)
ចែករំលែកព័តមាននេះ