ប្រទេសចិន ៖ អាជ្ញាធរសុខាភិបាលចិនថ្លែងកាលពីថ្ងៃទី២៨ ខែកុម្ភៈថា បានទទួលព័ត៌មានទាក់ទិននឹងអ្នកឆ្លងវីរុស COVID-19 ថ្មី៣២៧នាក់ និងអ្នកបាត់បង់ជីវិតថ្មី៤៤នាក់នាថ្ងៃទី២៧កុម្ភៈ ក្នុងតំបន់៣១កម្រិតខេត្តនៃផ្នែកចិនដីគោក។
ក្នុងចំណោមអ្នកបាត់បង់ជីវិតថ្មី ៤១នាក់ក្នុងខេត្តហ៊ូប៉ី ២នាក់នៅក្រុងប៉េកាំង និងម្នាក់ក្នុងអង្គភាពផលិតកម្មនិងសំណង់ខេត្តស៊ីនជាំង។ ក្នុងថ្ងៃទី២៧កុម្ភៈសរុបមានអ្នកសង្ស័យថ្មីថាឆ្លងវីរុស៤៥២នាក់ត្រូវបានរាយការណ៍ ហើយមនុស្ស៣.៦២២នាក់បានជាសះស្បើយចាកចេញពីមន្ទីរពេទ្យ។
ចំនួនករណីអ្នកជំំងឺធ្ងន់បានចុះថយ៣៩៤នាក់ទៀត មកនៅត្រឹម៧.៩៥២នាក់។ នាចុងថ្ងៃទី២៧កុម្ភៈសរុបចំនួនអ្នកឆ្លងមាន៧៨.៨២៤នាក់នៅចិនដីគោក រួចចំនួនសរុបនៃអ្នកបាត់បង់ជីវិតដោយសារជំងឺនេះ ឡើងដល់២.៧៨៨នាក់។ សរុបអ្នកជំងឺឆ្លងវីរុសCOVID-19ដែលចេញពីមន្ទីរពេទ្យក្រោយជាសះស្បើយមានដល់៣៦.១១៧នាក់។
នាចុងថ្ងៃទី២៧កុម្ភៈក្នុងតំបន់រដ្ឋបាលពិសេសហុងកុងមានអ្នកឆ្លងវីរុសនេះឡើងដល់៩៣នាក់ក្នុងនោះ២នាក់បានបាត់បង់ជីវិត ១០នាក់នៅម៉ាកាវនិង៣២នាក់នៅតៃវ៉ាន់ក្នុងនោះបាត់បង់ជីវិតម្នាក់។ អ្នកជំងឺ២៦នាក់នៅហុងកុង ៨នាក់នៅម៉ាកាវនិង៦នាក់នៅតៃវ៉ាន់បានចាកចេញពីមន្ទីរពេទ្យក្រោយជាសះស្បើយ៕ ដកស្រង់ចេញពីវេបសាយ ៖ xinhuanet (កែសម្រួលដោយ ៖ បុប្ផា)
ចែករំលែកព័តមាននេះ