អ្នកបង្កើត iPod អរគុណ Steve Jobs ដែលបានបង្រៀនពីការទំនាក់ទំនងជាមួយមនុស្ស
លោក ថូនី ហ្វាដេល (Tony Fadell) គឺជាឪពុករបស់ iPod ឬអ្នកបង្កើតរបស់ឧបករណ៍ស្តាប់បទចម្រៀងមួយដែលធ្លាក់ត្រូវបានលក់ដោយ Apple ។…
លោក ថូនី ហ្វាដេល (Tony Fadell) គឺជាឪពុករបស់ iPod ឬអ្នកបង្កើតរបស់ឧបករណ៍ស្តាប់បទចម្រៀងមួយដែលធ្លាក់ត្រូវបានលក់ដោយ Apple ។…
លោក ថូនី ហ្វាដេល (Tony Fadell) គឺជាឪពុករបស់ iPod ឬអ្នកបង្កើតរបស់ឧបករណ៍ស្តាប់បទចម្រៀងមួយដែលធ្លាក់ត្រូវបានលក់ដោយ Apple ។ ក្នុងបទសម្ភាសន៍មួយនាពេលថ្មីៗនេះ លោកបានចែករំលែកថា មេរៀនសំខាន់ជាងគេដែលលោកបានរៀនសូត្រពីលោក ស្ទីវ ចបស៍ (Steve Jobs) ដែលជាអតីតនាយកប្រតិបត្តិរបស់ Apple គឺការនិទានរឿង ។
លោក ចបស៍ បានអនុវត្តតាមរូបមន្តងាយមួយដែលអ្នកក៏អាចរៀនសូត្របានដើម្បីជួយធ្វើឲ្យអ្នកឈានមុខអ្នកដទៃក្នុងការធ្វើបទបង្ហាញបន្ទាប់របស់អ្នកដែលមានដូចខាងក្រោមនេះ៖
១. លក់ក្តីសុបិន
មិនមាននរណាដែលគ្រាន់តែទិញផលិតផលមួយទេ ពួកគេទិញដំណោះស្រាយសម្រាប់បញ្ហាដែលពួកគេកំពុងជួបប្រទះ ។ លោក ចបស៍ ក៏លក់ដំណោះស្រាយដែរ ប៉ុន្តែមានចំណុចពិសេសមួយដែលធ្វើឲ្យលោកជោគជ័យជាងមនុស្សដទៃ ។ លោកធ្លាប់បាននិយាយថា «ពួកយើងជឿជាក់ថាមនុស្សដែលមានក្តីសុបិនអាចផ្លាស់ប្តូរពិភពលោកឲ្យល្អប្រសើរជាងមុនបាន ហើយមនុស្សទាំងនោះជាអតិថិជនរបស់ពួកយើង» ។
ដូច្នេះអ្នកត្រូវដឹងឲ្យច្បាស់ជាមុនសិនថានរណាជាអតិថិជនដែលនឹងទិញផលិតផលពីអ្នក? តើពួកគេមានក្តីសង្ឃឹមនិងក្តីសុបិនអ្វី? តើពួកគេចង់បានអ្វីក្នុងមុខរបររបស់ពួកគេ? បន្ទាប់មកបង្កើតផលិតផលដែលជួយឲ្យក្តីសុបិនរបស់ពួកគេក្លាយជាការពិត ។
២. បង្កើតសត្រូវ
រឿងនិទានដែលល្អមានអ្នកក្លាហាន តួអង្គចិត្តដែលទុច្ចរិត និងឧបសគ្គផ្សេងៗដែលធ្វើឲ្យទស្សនិកជនចាប់អារម្មណ៍និងចង់តាមដានបន្ត ។ លោកចបស៍បានប្រើចំណុចទាំងនេះក្នុងការធ្វើបទបង្ហាញរបស់លោក ។
ជាទូទៅលោកតែងតែចាប់ផ្តើមការធ្វើបទបង្ហាញដោយណែនាំពីតួអង្គដែលមានក្នុងរឿង និងបកស្រាយពីតួអង្គទុច្ចរិតដែលជាឧបសគ្គសម្រាប់មនុស្ស ។ បន្ទាប់មកលោកបង្កើតជាជម្លោះរវាងអ្នកក្លាហាន និងតួអង្គទុច្ចរិតខាងលើ មុននឹងបង្ហាញពីអ្នកក្លាហានដែលជាផលិតផលលោកព្យាយាមលក់ឲ្យទៅអតិថិជន ។
នៅទីបញ្ចប់នៅរឿង អ្នកក្លាហានឈ្នះសង្គ្រាមនិងបានផ្លាស់ប្តូរពិភពលោក ហើយមនុស្សជួបតែសុភមង្គលចាប់ពីពេលនោះតទៅ ៕ កែសម្រួលដោយ ៖ សុឃាក់
ចែករំលែកព័តមាននេះ