ឡាន​ដឹក​ឥដ្ឋ​ដាច់​ហ្វ្រាំង​បុក​រះ​បន្តបន្ទាប់​នៅ​ស្តុ​ប​កែង​ផ្លូវជាតិ​លេខ​៦


រាជធានី​ភ្នំពេញ ៖ រថយន្ត​ដឹក​ឥដ្ឋ​មួយ​គ្រឿង ដែល​អ្នកបើកបរ​អះអាង​ថា ដាច់​ហ្វ្រាំង ក៏​បាន​បើក​បោះពួយ​វាង​យានយន្ត​ដែល​ឈប់​ស្តុ​ប​ឡើង​ចិញ្ចើម​ផ្លូវ​ទៅ​បុក​បង្គោល​ស្លាក​សញ្ញា​បាក់​ដាច់​និង​ប៉ះ​ម៉ូតូ​នគរបាល​មួយ​គ្រឿង ហើយ​រថយន្ត​ក៏​បាន​ជ្រុល​ឆ្លង​ទៅ​ផ្លូវ​បញ្ច្រាស​បុក​រ៉ឺ​ម៉ក​ម៉ូតូ​កង់​បី និង​ឡើង​ចិញ្ចើម​ផ្លូវ​បុក​បង្គោល​ស្លាក​គណបក្ស​ប្រជាជន​ខណ្ឌ​ជ្រោយចង្វារ បណ្តាល​ឱ្យ​បាក់​ជាប់​ទៅ​មុខ​លែង​រួច ។ ទោះបីជា​យ៉ាងណា ចាត់ទុកជា​សំណាង ដែល​ពុំ​បណ្តាល​អោយ​មនុស្ស​ណា​រង​របួស ។

គ្រោះថ្នាក់​ខាងលើ​នេះ​បង្ក​អោយ​មានការ​ភ្ញាក់ផ្អើល​កាលពី​វេលា​ម៉ោង​១០​និង​៣០​នាទី​ព្រឹក​ថ្ងៃ​ទី​២៨ ខែកុម្ភៈ ឆ្នាំ​២០២០ នៅ​ចំណុច​ស្តុ​ប​មហាវិថី​ឈ្នះ​ឈ្នះ កែវ​ផ្លួ​វ​ជាតិ​លេខ​៦ ស្ថិត​ក្នុង​សង្កាត់​បាក់​ខែង ខណ្ឌ​ជ្រោយចង្វារ ។

រថយន្ត​មួយ​គ្រឿង​ដែល​បុក​រះ​ខាងលើ​នោះ​ម៉ាក​ហ៊ី​យ៉ា​ន់​ដាយ ពណ៌​ខៀវ ពាក​ស្លាក​លេខ ភ្នំពេញ ៣A-៤១២១ ជា​រថយន្ត​ដឹក​ឥដ្ឋ បើកបរ​ដោយ​ឈ្មោះ​ញ៉ែ​ម ណា​ង ភេទ​ប្រុស អាយុ ២១​ឆ្នាំ ស្នាក់​នៅ​ឡឥដ្ឋ គឹ​ម តា​យ ក្នុង​ឃុំ​ព្រែ​អញ្ចាញ ស្រុក​មុខកំពូល ខេត្តកណ្តាល​។

តាម​សាក្សី​បានអោយ​ដឹង​ថា នៅ​មុន​ពេល​កើតហេតុ គេ​ឃើញ​រថយន្ត​បាន​ធ្វើ​ដំណើរ​តាម​មហាវិថី​ឈ្នះ​ឈ្នះ ក្នុង​ទិស​ដៅ​ពី​លិចទៅ​កើត ។ នៅ​ពេល​មក​ដល់​ស្តុ​ប​កែង​ផ្លូវជាតិ​លេខ​៦ ស្រាប់តែ​រថយន្ត​មួយ​គ្រឿង​ក៏​បាន​បើក​ឡើង​ចិញ្ចើម​ផ្លូវ​វាង​អ្នកដំណើរ ដែល​កំពុង​តែ​ឈប់​ស្តុ​ប​។

តាម​សាក្សី​បានអោយ​ដឹង​ទៀត​ថា ខណៈនោះ​គេ​ឃើញ​រថយន្ត​ក៏​បាន​ជ្រុល​ទៅ​បុក​បង្គោល​ស្លាក​សញ្ញា​ឈប់ បាក់​ដាច់​ត្រឹម​គល់ និង​ប៉ះ​ម៉ូតូ​នគរបាល​ដែល​ឈប់​ចត​នៅ​លើ​ចិញ្ចើម​។​ដោយសារ​តែ​ល្បឿន​លឿន រថយន្ត​នោះ​មិន​ឈប់​នោះ​ទេ ក៍បាន​បើក​កាត់មុខ​យានយន្ត ដែល​កំពុង​តែ​ឈប់​ស្តុ​ប​ជ្រុល​ឆ្លងផ្លូវ​ទៅ​បុក​រ៉ឺ​ម៉ក​ម៉ូតូ​កង់​បី​មួយ​គ្រឿង ហើយ​រថយន្ត​ក៏​បាន​ជ្រុល​ឡើង​ចិញ្ចើម​ផ្លូវ​បុក​បង្គោល​ស្លាក​គណៈបក្ស​ប្រជាជន​ខណ្ឌ​ជ្រោយចង្វារ បណ្តាល​អោយ​បាក់​ធ្លាក់ ហើយ​ជាប់​ទៅ​មុខ​លែង​រួច​។ ភ្លាម​ៗ​នោះ អ្នកបើកបរ​ត្រូវ​បាន​កម្លាំង​នគរបាល​ឃាត់ខ្លួន ។ នៅ​ក្នុង​គ្រោះថ្នាក់​នេះ​ពុំ​បណ្តាល​អោយ​មនុស្ស​ណា​ម្នាក់​រង​របួស​ឡើយ គឺ​គ្រាន់តែ​បណ្តាល​អោយ​ម៉ូតូ​១​គ្រឿង រ៉ឺម៉កម៉ូតូ​កង់​​បី​​មួយ​គ្រឿង​និង​បង្គោល​ស្លាក​សញ្ញា​ឈប់ ព្រមទាំង​ស្នាក់​គណបក្ស​បាន​រង​ការ​ខូចខាត​តែ​ប៉ុណ្ណោះ​។

តាម​ប្រភព​ពី​អ្នកបើកបរ​រថយន្ត​ដឹក​ឥដ្ឋ​ខាងលើ​បានអោយ​ដឹង​ថា នៅ​មុន​ពេល​កើតហេតុ​គាត់​បាន​បើករថយន្ត​មក​ពី​ទំលាក់​ឥដ្ឋ​អោយ​ម៉ូយ​នៅ​ម្តុំ​មន្ទីរពេទ្យ​ព្រះ​កុសុមៈ លុះ​ពេល​ត្រឡប់​មក​វិញ​ជិត​ដល់​ស្តុ​ប ស្រាប់តែ​រថយន្ត​ដាច់​ហ្វ្រាំង​ជាន់​មិន​ស៊ី​ក៍​ទាញ​ចង្កូត​គេច​ម៉ូតូ​និង​រថយន្ត ដែល​ឈប់​ស្តុ​ប ក៍បាន​បុក​រះ​តែ​ម្តង​។

ក្រោយ​ពេល​កើតហេតុ រថយន្ត​និង​អ្នកបើកបរ ត្រូវ​បាន​នគរបាល​ចរាចរណ៍ បញ្ជូន​ទៅ​កាន់​ការិយាល័យ​ចរាចរណ៍​ផ្លូវគោក​ដើម្បី​ដោះស្រាយ​សងការ​ខូចខាត​៕ (​កែសម្រួល​ដោយ ៖ ធីតា​)

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ