រាជធានីភ្នំពេញ ៖ ស្ត្រីដែលជាប់ពន្ធនាគារហើយកូនបានបាត់បង់ជីវិតក្នុងពន្ធនាគារត្រូវបានតុលាការសម្រេចបានឲ្យមានសេរីភាពវិញហើយ នេះបើតាមគណៈកម្មាធិការសិទ្ធិមនុស្ស (គ.ស.ម.ក) ។ យោងតាមសេចក្តីរបស់គណៈកម្មាធិការសិទ្ធិមនុស្សកម្ពុជាស្តីពីលទ្ធផលកិច្ចអន្តរាគមន៍ជំនួយផ្នែកច្បាប់ ។
ករណីស្លាប់របស់ទារិកាអាយុ៥ខែ ដែលរស់នៅជាមួយនៅមណ្ឌលអប់រំកែប្រែទី២ (ម២) បានឲ្យដឹងថា ក្រោយពីបានទទួលស្តីពីការបាត់បង់ជីវិតរបស់ទាយិការអាច៥ខែដែលរស់នៅជាមួយនៅមណ្ឌលអប់រំទី២ (ម២) នៅមន្ទីរពេទ្យមិត្តភាពខ្មែរសូវៀត ដោយសារជំងឺរលាក់សួតធ្ងន់ធ្ងរ គណៈកម្មាធិការសិទ្ធិមនុស្សកម្ពុជា បានចាត់ក្រុមការងារស៊ើបអង្កេតដោយផ្ទាល់នៅនឹងកន្លែង និងសម្រេចផ្តល់មេធាវីការពារក្តីតាមការស្នើសុំរបស់ស្ត្រីជាប់ឃុំដែលជាម្តាយទារិកាដោយឥតគិតថ្លៃ កាលពីថ្ងៃទី១៩ ខែកុម្ភៈ ឆ្នាំ២០២០កន្លងមក ។
ប្រភពបានបន្តថា ក្រោមកិច្ចអន្តរជាគមន៍នៃសម្របសម្រួលពីក្រុមមេធាវីសិទ្ធិមនុស្ស គ.ស.ម.ក ជាមួយតំណាងអយ្យការ និងពន្ធនាគារ ថ្ងៃទី២៨ ខែកុម្ភៈ ឆ្នាំ២០២០ ស្ត្រីជាប់ឃុំត្រូវបានដោះលែងឲ្យមានសេរីភាពដោយទោសក្នុងពន្ធនាគារ រយៈពេល៨ខែ១០ថ្ងៃ ត្រូវបានអនុវត្តចប់ដោយគិតចាប់ពីថ្ងៃឃុំខ្លួន ហើយទោសដែលនៅសល់ត្រូវព្យួរ ។
គណៈកម្មាធិការសិទ្ធិមនុស្សកម្ពុជាបានស្វាគមន៍នូវការសម្រេចរបស់តុលាការ និងសូមថ្លែងអំណរគុណដល់គ្រប់ភាគីពាក់ព័ន្ធ រួមមានពន្ធនាគារ ស្ថាប័នអយ្យការ និងតុលាការដែលបានផ្តល់កិច្ចសហការតាមការស្នើសុំរបស់គណៈកម្មាធិការសិទ្ធិមនុស្សកម្ពុជាក្នុងដំណើរការនៃការស៊ើបអង្កេត និងការពន្លឿនដំណើរការនៃសំណុំរឿងតាមនីតិវិធីច្បាប់ ។
ជាមួយគណៈកម្មាធិការសិទ្ធិមនុស្សកម្ពុជាបានបង្ហាញក្តីសង្ឃឹមថាស្ត្រីជាប់ឃុំត្រូវបានដោះលែងឲ្យមានសេរីភាពនឹងខិតខំកែប្រែកសាងខ្លួនឈប់ពាក់ព័ន្ធជាមួយគ្រឿងញៀន និងក្លាយជាពលរដ្ឋក្នុងសង្គម ៕
ចែករំលែកព័តមាននេះ