ផែនដីមានព្រះច័ន្ទទីពីរ ដែលមានទំហំតូចប្រហែលប៉ុនរថយន្តធម្មតាមួយ ។ នេះ បើយោងតាមតារាវិទូដែលបានប្រទះឃើញវត្ថុដែលកំពុងហោះជុំវិញភពផែនដីរបស់យើង ។ ក្រុមអ្នកស្រាវជ្រាវបានសង្កេតឃើញដោយក្រុមអ្នកស្រាវជ្រាវ Kacper Wierzchos និង Teddy Pruyne ក្នុងការស្ទង់មតិ Catalina Sky ដែលឧបត្ថម្ភថវិកាដោយអង្គការណាសា ក្នុងរដ្ឋ Arizona នៅយប់ថ្ងៃទី១៥ ខែកុម្ភៈ ។
លោក Wierzchos បានសរសេរនៅលើអ៊ីនធឺណេតថា៖ «ព័ត៌មានសំខាន់! ផែនដីមានវត្ថុវិលជុំវិញជាបណ្តោះអាសន្ន ដែលអាចជាអាចម៍ផ្កាយខ្នាតតូចឈ្មោះថា 2020 CD3 ដែលទំនងជាអាចម៍ផ្កាយប្រភេទ C ។
នៅក្នុងសេចក្តីប្រកាសមួយបាននិយាយថា៖«គ្មានការទាក់ទងទៅនឹងវត្ថុសិប្បនិម្មិតដែលត្រូវបានគេរកឃើញនោះទេ» ដោយបញ្ជាក់ថា វាទំនងជាអាចម៍ផ្កាយចាប់យកដោយកម្លាំងទំនាញផែនដី ។ សហគ្រិនផ្នែកបច្ចេកវិទ្យាលោក Elon Musk បាននិយាយថា វត្ថុដែលមានទំហំប៉ុនឡានមិនមែនជា Telsa Roadster ដែលគាត់បានបើកដំណើរការ នៅទីអវកាសនៅឆ្នាំ២០១៨ ដែលបច្ចុប្បន្នកំពុងធ្វើដំណើរជុំវិញព្រះអាទិត្យនោះទេ ។ គាត់បានសរសេរថា៖ «វាមិនមែនជារបស់ខ្ញុំទេ។»
ព្រះច័ន្ទទីពីរនេះ មិនស្ថិតនៅក្នុងគន្លងដែលមានស្ថេរភាពនៅជុំវិញភពផែនដីទេ ហើយទំនងជាមិនមានរយៈពេលយូរទេ។ អ្នកស្រាវជ្រាវ Fedorets នៅមហាវិទ្យាល័យ Queen’s University Belfast នៅអៀរឡង់ខាងជើង បានប្រាប់ទស្សនាវដ្តី New Scientist ថា៖ «វាកំពុងធ្វើដំណើរឆ្ងាយពីប្រព័ន្ធព្រះចន្ទនៅពេល ដែលអាចនឹងបាត់ខ្លួននៅខែមេសាវិញ៕»
ចែករំលែកព័តមាននេះ