យោងទៅតាមសេចក្តីរាយការណ៍មួយបានឱ្យដឹងថា កីឡាករលេងក្នុងលីគអុីតាលី Serie C ម្នាក់ ត្រូវបានគេធ្វើរោគវិនិច្ឆ័យថា មានផ្ទុកវីរុស Covid-19 ដោយធ្វើឱ្យរូបគេក្លាយជាកីឡាករបាល់ទាត់អាជីពដំបូងគេ ដែលឆ្លងវីរុសនេះ។
យោងតាមកាសែតអុីតាលី La Nazione បានរាយការណ៍ថា កីឡាករបាល់ទាត់វ័យ២២ឆ្នាំម្នាក់ ដែលមិនត្រូវបានបង្ហាញឈ្មោះ ប៉ុន្តែលេងឱ្យក្រុម Pianese ASD ដែលមានមូលដ្ឋានក្នុងតំបន់ Tuscany ភាគខាងលិចប្រទេស ត្រូវបានរកឃើញថាមានផ្ទុកវីរុសថ្មីនេះ។
របាយការណ៍ដដែលបានអះអាងថា កីឡាករបាល់ទាត់រូបនេះបានស្ម័គ្រចិត្ត ដើម្បីទទួលការធ្វើរោគវិនិច្ឆ័យនេះ បន្ទាប់ពីរូបគេមានអាការៈក្តៅខ្លួន និងមានអារម្មណ៍ថាមិនស្រួល មុនពេលចាប់ផ្តើមការប្រកួតទល់នឹងក្រុម Juventus U-23 កាលពីថ្ងៃអាទិត្យ មុនពេលក្រុមគ្រូពេទ្យសំរេចចិត្តធ្វើតេស្ត ហើយបញ្ជាក់ថា មានសញ្ញាវិជ្ជមាន។ ដកស្រង់ចេញពីគេហទំព័រ Metro។
ចែករំលែកព័តមាននេះ