នៅពេលនិយាយដល់ប្រទេសម៉ាឡេស៊ីគេនឹងនឹកឃើញដល់បុរសខ្លាំងម្នាក់ ។ នោះ គឺលោក មហាធៀរ មហាម៉ាត់ (Mahathir Mohamad) ដែលជាមេដឹកនាំពិភពលោកមានវ័យចំណាស់ជាងគេបំផុតក្នុងវ័យ៩៣ឆ្នាំ ។…
នៅពេលនិយាយដល់ប្រទេសម៉ាឡេស៊ីគេនឹងនឹកឃើញដល់បុរសខ្លាំងម្នាក់ ។ នោះ គឺលោក មហាធៀរ មហាម៉ាត់ (Mahathir Mohamad) ដែលជាមេដឹកនាំពិភពលោកមានវ័យចំណាស់ជាងគេបំផុតក្នុងវ័យ៩៣ឆ្នាំ ។ លោកបានធ្វើអោយពិភពលោកមានការចាប់អារម្មណ៍កាន់តែខ្លាំងទៀត ចំពោះនយោបាយនៃប្រទេសម៉ាឡេស៊ី និងរូបលោកផ្ទាល់នៅពេលថ្មីៗនេះបន្ទាប់ពីលោកបានលាលែងពីតំណែងនាយករដ្ឋមន្ត្រី ហើយមិនបានប៉ុន្មានផង លោកក៏ប្រកាសចង់ធ្វើនាយករដ្ឋមន្ត្រីជាថ្មីទៀត ។
តើលោកម៉ហាធៀរមានជីវិតតាំងពីកុមារភាព ជីវិតការងារ និងនយោបាយបែបណា?
ជីវិតកុមារភាពរបស់មហាធៀរ
លោក មហាធៀរ មហាម៉ាត់ កើតក្នុងឆ្នាំ១៩២៥ នៅទីក្រុង Alor Setar ប្រទេសម៉ាឡេស៊ី ។ គាត់ គឺ ជាវេជ្ជបណ្ឌិត មុនពេលក្លាយខ្លួនជាអ្នកនយោបាយជាមួយគណបក្ស UMNO ហើយក៏បានឡើងពីសមាជិកសភារហូតដល់នាយករដ្ឋមន្ត្រី ។ លោក មហាធៀរ មហាម៉ាត់ បានក្លាយជានាយករដ្ឋមន្ត្រីទីបួនរបស់ប្រទេសម៉ាឡេស៊ី ដែល បាន ឡើង កាន់តំណែងពីឆ្នាំ១៩៨១ ដល់ឆ្នាំ២០០៣ ។ លោកបានធ្វើឱ្យប្រសើរឡើងនូវ សេដ្ឋកិច្ច និងជាជើងឯកនៃប្រទេសកំពុងអភិវឌ្ឍន៍ ។
ក្នុងអំឡុងពេល ២២ឆ្នាំ របស់លោកនៅក្នុងតំណែង លោកបានធ្វើឱ្យសេដ្ឋកិច្ចរីកចម្រើន និងជាសកម្មជនដ៏អស្ចារ្យសម្រាប់ប្រទេសកំពុងអភិវឌ្ឍន៍ ប៉ុន្តែលោកក៏បានដាក់កម្រិត យ៉ាងតឹងរ៉ឹងលើសេរីភាពស៊ីវិលផងដែរ។ លោកបានលាឈប់ពីតំណែងនៅឆ្នាំ ២០០៣ ។ មហាធៀរ មហាម៉ាត់ កើតនៅថ្ងៃទី២០ ខែធ្នូ ឆ្នាំ ១៩២៥ នៅ Alor Setar ក្នុងរដ្ឋ Kedah ភាគខាងជើងប្រទេសម៉ាឡេស៊ី ។ គ្រួសាររបស់គាត់មានភាពថ្លៃថ្នូរ ហើយឪពុករបស់គាត់ គឺជាគ្រូបង្រៀនដែលគួរឱ្យគោរពនៅសាលាភាសាអង់គ្លេស ។ បន្ទាប់ពីបញ្ចប់ការសិក្សានៅសាលាវេយ្យាឥស្លាម និងបញ្ចប់ការសិក្សាពីមហាវិទ្យាល័យក្នុងតំបន់ លោក មហាធៀរ បានចូលរៀនសាលាពេទ្យនៅសាកលវិទ្យាល័យម៉ាឡាយ៉ា (Malaya) ប្រទេសសិង្ហបុរី ។ គាត់ជាគ្រូពេទ្យកងទ័ពមុនពេល គាត់បើកកន្លែងព្យាបាលឯកជន មួយនៅអាយុ ៣២ឆ្នាំ ។
ការចូលប្រឡូកក្នុងឆាកនយោបាយ
លោក មហាធៀរ ជាសកម្មជននៅក្នុងគណបក្ស UMNO ដែលជាគណបក្សនយោបាយធំជាងគេរបស់ប្រទេសម៉ាឡេស៊ី ហើយត្រូវបានគេបោះឆ្នោតជ្រើសរើសជាក្រុមបង្កើតគោលនយោបាយ គឺក្រុមប្រឹក្សាជាន់ខ្ពស់ ។ ដោយមានការគាំទ្រពីគណបក្ស UMNO លោកបានឈ្នះអាសនៈមួយនៅក្នុងសភាតំណាងរាស្ត្រនៅឆ្នាំ ១៩៦៤ ។ លោកបាននិពន្ធសៀវភៅមួយដែលមានឈ្មោះថា The Malay Dilemma ដោយទាមទារឱ្យមានសកម្មភាពវិជ្ជមានសម្រាប់ជនជាតិដើមភាគតិចម៉ាឡេស៊ី និងឋានៈស្មើគ្នាជាមួយជនជាតិចិន-ម៉ាឡេស៊ី ខណៈពេលដែលគាត់ក៏បានរិះគន់លើ «សេដ្ឋកិច្ចថយក្រោយរបស់ម៉ាឡេស៊ី» ផងដែរ ។ គំនិតទាំងនេះបានធ្វើឱ្យនាយករដ្ឋមន្ត្រី អាប់ឌុល រ៉ាម៉ាម៉ាន់ (Abdul Rahman) និង UMNO ហាមឃាត់សៀវភៅ និងបណ្តេញ លោកមហាធៀរចេញពីគណបក្ស ។
លោកនាយករដ្ឋមន្ត្រី អាប់ឌុល រ៉ាម៉ាម៉ាន់ បានលាលែងពីតំណែងក្នុងឆ្នាំ ១៩៧០ ហើយបន្ទាប់ ពីលោក មហាធៀរ ត្រូវបានតែងតាំងជាថ្មីនៅគណបក្ស UMNO ក្នុងឆ្នាំ ១៩៧២ អាជីពនយោបាយរបស់គាត់បានចាប់ផ្តើមឡើង។ គាត់ត្រូវបានគេបោះឆ្នោតជ្រើសរើសជាសមាជិកសភានៅឆ្នាំ ១៩៧៣ ហើយត្រូវបានតំឡើងឋានៈជាគណៈរដ្ឋមន្ត្រីក្នុងឆ្នាំ ១៩៧៤ និងបានក្លាយជាឧបនាយករដ្ឋ មន្ត្រីក្នុងឆ្នាំ ១៩៧៦ ៕ រឿងនេះនឹងមាននៅវគ្គបន្តទៀត សូមតាមដានជាមួយកោះសន្តិភាពបន្តទៀត ៕
ចែករំលែកព័តមាននេះ