ព្រះបរមគ្រូទ្រង់ហាមមិនឲ្យសេពសុរានោះឡើយ ព្រោះជារបស់នាំឲ្យស្រវឹង នាំឱ្យកើតរោគ ខ្សោយបញ្ញា កើតវិបល្លាស នាំឲ្យខូចចិត្ត ដ្បិតមនុស្សយើងសព្វថ្ងៃនេះមានជាតិស្រវឹងនៅពេញខ្លួនទៅហើយ ។
ស្រវឹងព្រោះលោភៈ គឺការជាប់ជំពាក់ ឬចំណង់ចង់បាន នេះជាស្រវឹងប្រការ១, ស្រវឹងព្រោះទោសៈ គឺសេចក្ដីក្រោធខឹង នេះជាស្រវឹងប្រការ១ និងស្រវឹងព្រោះមោហៈ គឺសេចក្ដីល្ងង់វង្វេងពុំស្គាល់ខុសត្រូវ នេះជាស្រវឹងប្រការ ១ ។
ស្រវឹងទាំងអស់នេះ តែងមាននៅគ្រប់មនុស្សជាយូរមកហើយ ថែមទាំងសេពទឹកស្រវឹងចូលទៅបន្ថែមទៀត ស្រវឹងថ្មីនេះក៏នាំស្រវឹងចាស់លោភៈ ទោសៈ មោហៈឲ្យកាន់តែមានកម្លាំងខ្លាំងក្លា ឡើង នេះហើយជាហេតុនាំឱ្យមានបាប ។ សាន សារិន
ចែករំលែកព័តមាននេះ