រាជធានីភ្នំពេញ ៖ ផ្សែងហុយខ្មួលខ្មាញ់ពេញក្នុងហាងបង្កជាអណ្តាតភ្លើងឆេះបន្ទប់ផ្ទះបាយភោជនីយដ្ឋានចិនយីហោ ម៉ីង ម៉ិន បង្កជាការភ្ញាក់ផ្អើលដល់សន្តិសុខយាមនៅក្នុងហាងរាយការណ៍ប្រាប់សមត្ថកិច្ចទាក់ ទងហៅរថយន្តពន្លត់អគ្គីភ័យទីក្រុងកោះពេជ្រ ចេញមកជួយអន្តរាគមន៍បាញ់ពន្លត់ភ្លាមៗ កាលពីវេលាម៉ោង១២និង១៥នាទីរំលងអធ្រាត្រឈានចូលថ្ងៃទី២៨ ខែកុម្ភៈ…
រាជធានីភ្នំពេញ ៖ ផ្សែងហុយខ្មួលខ្មាញ់ពេញក្នុងហាងបង្កជាអណ្តាតភ្លើងឆេះបន្ទប់ផ្ទះបាយភោជនីយដ្ឋានចិនយីហោ ម៉ីង ម៉ិន បង្កជាការភ្ញាក់ផ្អើលដល់សន្តិសុខយាមនៅក្នុងហាងរាយការណ៍ប្រាប់សមត្ថកិច្ចទាក់ ទងហៅរថយន្តពន្លត់អគ្គីភ័យទីក្រុងកោះពេជ្រ ចេញមកជួយអន្តរាគមន៍បាញ់ពន្លត់ភ្លាមៗ កាលពីវេលាម៉ោង១២និង១៥នាទីរំលងអធ្រាត្រឈានចូលថ្ងៃទី២៨ ខែកុម្ភៈ ឆ្នាំ២០២០ នៅចំណុចភោជនីយដ្ឋានចិនយីហោ «ម៉ីងម៉ិន» មានទីតាំងនៅតាមបណ្តោយផ្លូវ សបិត ភូមិ១៤ ក្រុម៧៨ សង្កាត់ទន្លេបាសាក់ ខណ្ឌចំការមន ។
ម្ចាស់ហាងខាងលើឈ្មោះ វ៉ាង ជីង ភេទប្រុស អាយុ៤០ឆ្នាំជាជនជាតិចិន ។
យោងតាមប្រភពព័ត៌មានពីសន្តិសុខយាមនៅភោជនីយដ្ឋានកើតហេតុខាងលើ ឈ្មោះ ឈួន សុភ័ក្ដ្រ បានប្រាប់អោយដឹងថា មុនកើតហេតុ គឺហាងបានបិទទ្វារ ហើយគាត់ដេកយាមនៅមុខហាង លុះដល់វេលាម៉ោងកើតហេតុ ស្រាប់តែធុំក្លិនឈ្ងៀម និងមានផ្សែងហុយពេញក្នុងហាង គាត់ក៏រាយកាណ៏ទៅមេការហាងទាក់ទងទៅសមត្ថកិច្ចមូលដ្ឋានដើម្បីហៅរថយន្តពន្លត់អគ្គីភ័យទីក្រុងកោះពេជ្រចេញមកជួយអន្តរាគមន៍បាញ់ទឹកពន្លត់ភ្លាមៗទាន់ពេលវេលា។
ក្នុងប្រតិបត្តិការបាញ់ពន្លត់ខាងលើមានរថយន្តពន្លត់អគ្គីភ័យមកចំនួន៣គ្រឿង ក្នុងនោះរថយន្តពន្លត់អគ្គិ ភ័យរបស់ស្នងការរាជធានីភ្នំពេញ១គ្រឿង, រថយន្តពន្លត់អគ្គិភ័យរបស់OCIC និងរថយន្តពន្លត់អគ្គិ ភ័យរបស់ទីក្រុងកោះពេជ្រចំនួន២គ្រឿង ដោយប្រើប្រាស់ទឹកអស់ចំនួន១គ្រឿង ហើយភ្លើងបានរលត់ទៅវិញនៅវេលាម៉ោង១២និង៤០នាទីយប់ថ្ងៃដដែល។
បើតាមការសន្និដ្ឋានរបស់មេការហាងបានប្រាប់អោយដឹងថា មូលហេតុសង្ស័យមកពីឆ្លងចរន្តអគ្គីសនីម៉ាស៊ីនកំដៅសាច់ ទើបបណ្តាលអោយមានអគ្គីភ័យឆាបឆេះបែបនេះ។ ចំពោះសម្ភារៈដែលរងការខូច ខាតរួមមានទូក្លាស្សេសាច់និងបន្លែចំនួន២គ្រឿង និង សម្ភារៈផ្ទះបាយទាំងស្រុង ៕ (កែសម្រួលដោយ ៖ ធីតា)
ចែករំលែកព័តមាននេះ