សហរដ្ឋអាមេរិក ៖ អាជ្ញាធរមូលដ្ឋានគូសបញ្ជាក់ថា ការបាញ់ប្រហារក្នុងរោងចក្រស្រាបៀរដ៏ល្បីល្បាញមួយនៅក្រុង MILWAUKEE ក្នុងរដ្ឋវីស្កុនស៊ីន សហរដ្ឋអាមេរិក បណ្ដាលឲ្យមនុស្សបាត់បង់ជីវិត៥នាក់ កាលពីថ្ងៃទី២៦ ខែកុម្ភៈ ឆ្នាំ២០២០។
ក្នុងសន្និសីទសារព័ត៌មានមួយប្រមុខប៉ូលិសក្រុងMILWAUKEEលោកALFONSO MORALESរៀបរាប់ថា មនុស្សជាង១.០០០នាក់ស្ថិតនៅក្នុងរោងចក្រនោះនាដើមរសៀល ពេលជនសង្ស័យជាបុរសអាយុ៥១ឆ្នាំម្នាក់ បានបាញ់ប្រហារ ហើយប្រហែលជាបាញ់ផ្តាច់ជីវិតខ្លួនឯងជាក្រោយ។ មនុស្ស៥នាក់ដែលសុទ្ធតែជានិយោជិតរោងចក្រ បានត្រូវបាត់បង់ជីវិតដោយសារគ្រាប់កាំភ្លើងរបស់ជននេះ។
ប្រធានាធិបតីអាមេរិកលោកដូណាល់ ត្រាំ ជាអ្នកដំបូងគេ ដែលលើកពីតុល្យការនោះ នៅឯសេតវិមាន។ លោកពោលថា ឃាតករដ៏សាហាវម្នាក់បាញ់ប្រហារក្នុងរោងចក្រ ស្រាបៀររបស់ក្រុមហ៊ុន MOLSON COORS ដោយឆក់យកជីវិតមនុស្ស៥នាក់ និងធ្វើឲ្យរបួសមនុស្សដទៃៗទៀត ដែលមួយចំនួនស្ថិតក្នុងសភាពធ្ងន់ធ្ងរ។ នេះជារឿងដ៏សែនទារុណមួយ។ យើងសូមចូលរួមរំលែកទុក្ខជាមួយប្រជាជនរដ្ឋវីស្កុនស៊ីននិងក្រុមគ្រួសារជនរងគ្រោះ។
យោងតាមបណ្ដាសារព័ត៌មានក្នុងស្រុកថា ខ្មាន់កាំភ្លើងជាមនុស្សត្រូវដេញចេញពីការងារនាពេលមុននេះ ដោយក្រុមហ៊ុនស្រាបៀរនោះ ដែលល្បីនៅសហរដ្ឋអាមេរិកក្រោមម៉ាកCOORSនិង MILLER៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ