ខេត្តព្រះសីហនុ ៖ សេចក្តីរាយការណ៍ឲ្យដឹងថា ចិននៅក្រុងព្រះសីហនុទៀតហើយ រឿងខ្ចីលុយលេងល្បែងចាញ់អស់ប្រាក់រៀងៗខ្លួន បង្កើតគំនិតចាប់ចិនដូចគ្នាបង្ខាំងជម្រិតទារប្រាក់ តែត្រូវបានសមត្តកិច្ចបង្ក្រាប នឹងចាប់ខ្លួនជនសង្ស័យ៣នាក់ និងរំដោះជនរងគ្រោះបានម្នាក់ ។
សេចក្តីរាយការណ៍បន្តថា កាលពីវេលាម៉ោង១០ព្រឹកថ្ងៃទី២៥ កុម្ភៈ ឆ្នាំ២០២០ មានជនជាតិចិនម្នាក់ បានទៅប្តឹងសមត្តកិច្ចនគរបាលព្រហ្មទណ្ឌខេត្តព្រះសីហនុ ស្តីពីជនជាតិចិនមួយក្រុម បានធ្វើសកម្មភាពចាប់បង្ខាំងមិត្តភក្ដិរបស់គេទុក ដើម្បីបង្ខាំងជម្រិតទារប្រាក់ ។
ក្រោយពីទទួលបានពាក្យបណ្តឹងនោះភ្លាម លោកឧត្តមសេនីទោ ជួន ណារិន្ទ ស្នងការនគរបាលខេត្តព្រះសីហនុ បានដាក់បទបញ្ជាទៅស្នងការរងទទួលផែនព្រហ្មទណ្ឌ ឲ្យប្រើប្រាស់កម្លាំងជំនាញចុះបើកាការស៊ើបអង្កេតជាន្ទាន់ ដើម្បីស្វែងរកមុខសញ្ញាចាប់ខ្លួននាំទៅផ្តន្ទាទោសតាមផ្លូវច្បាប់ ។ បន្ទាប់មកកម្លាំងសមត្ថកិច្ចនគរបាលព្រហ្មទណ្ឌខេត្ត បានសហការជាមួយនគរបាល.ក្រុងព្រះសីហនុ ក្រោមការសម្រប សម្រួលពីស្ថាប័នអយ្យការអមសាលាដំបូងខេត្ត បានចុះទៅឆែកឆេរទីតាំងមួយកន្លែងនៅចំណុចសណ្ឋាគារ អា លីយ៉ា ជាន់ទី៣ បន្ទប់លេខ៨៣១៣ ស្ថិតនៅភូមិ៤ សង្កាត់៤ ក្រុង-ខេត្តព្រះសីហនុ ក៏បានធ្វើការឃាត់ខ្លួនក្រុមជនឧក្រិដ្ឋចំនួន៣ នាក់ក់ នឹងរំដោះជនដែលជាចំណាប់ខ្មាំម្នាក់ នៅក្នុងបន្ទប់សណ្ឋាគារនោះ ។
ជនសង្ស័យទាំង៣នាក់ ១-ឈ្មោះ Xia Da Li ភេទប្រុស អាយុ៣៥ឆ្នាំ កាន់លិខិតឆ្លងដែនលេខ EF២៣៧៤៧៩២ មានតួនាទីយាមជនរងគ្រោះ ស្នាក់នៅ ភូមិ៤ សង្កាត់៤ ក្រុង-ខេត្តព្រះសីហនុ ២-ឈ្មោះ Yan Lei ភេទប្រុស អាយុ៣៦ឆ្នាំ កាន់លិខិតឆ្លងដែនលេខ EG៥១៨២៦០៩ ជាសន្តិសុខសណ្ឋាគារ ស្នាក់នៅ មិនពិតប្រាកដ និង៣-ឈ្មោះ Zhou Ji Yu ភេទប្រុស អាយុ៣២ឆ្នាំ កាន់លិខិតឆ្លងដែនលេខ (គ្មាន) មុខរបរយាមជនរងគ្រោះ ស្នាក់នៅមិនពិតប្រាកដ ។ ចំណែកជនរងគ្រោះឈ្មោះ Zhang Cong ភេទប្រុស អាយុ២៩ ឆ្នាំ កាន់លិខិតឆ្លងដែនលេខ E ៣៧១៤៩៣៩ មុខរបរទេសចរណ៍ ស្នាក់នៅភូមិ៤ សង្កាត់ ៤ ក្រុង.ខេត្តព្រះសីហនុ (របួសជាំពេញខ្លួន) ។
ក្នុងនោះសមត្តកិច្ចក៏បានធ្វើការដកហូតវត្ថុតាងមាន ៖
-ខ្នោះដៃ ១ គូរ និងកូនសោរខ្មោះចំនួន ៤
-ដំបងឆក់ ២ ដើម ។
-ស្នាអាវរុំស្កុត ១ (សម្រាប់វាយធ្វើទារុណកម្ម) ។
-លិខិតខ្ចីប្រាក់ចំនួន ៧ សន្លឹក (មានស្នាមផ្ដិតមេដៃខ្ចីប្រាក់) និងលិខិតខ្ចីប្រាក់មិនទាន់សសេរ ៨ សន្លឹក ។
-កាត ៨ សន្លឹក ។
-ស៊ីមកាត ៣ ។
-តាំប៉ុងផ្ដិតមេដៃ ១ ។
ដើមចម បណ្តាលឲ្យចិនចាប់បង្ខាំងជនជាតិចិនដូចគ្នាដើម្បីទុកជម្រិតទារប្រាក់នោះ តាមចម្លើយរបស់ជនសង្ស័យ នឹងស្តាប់ការបំភ្លឺជនពីសំណាក់ជនរងគ្រោះ នៅចំពោះមុខសមត្តកិច្ចថា មុនកើតហេតុពួកគេបាននាំគ្នាទៅលេងល្បែងនៅក្នុងកាស៊ីណូមួយឈ្មោះ ប៉ ឡាយ ស្ថិតនៅក្រុងព្រះសីហនុ ។ ពេលលេងទៅជនរងគ្រោះបានចាញ់អស់ប្រាក់ពីខ្លួន ហើយក៏ចាប់ផ្តើម(សេះដាច់ប្រើសេះជិះតាម)ជនរងគ្រោះក៏បែកគំនិតខ្ចី នឹងចងការ ប្រាក់ពីជនសង្ស័យ ដើម្បីលេងស្រង់ដើមវិញ តែទីបំផុតក៏ចេញ់អស់ខោ ។
បន្ទាប់ពីលេងចាញ់អស់ហើយ ជនសង្ស័យចាប់ផ្តើមទារប្រាក់របស់គេវិញ ហើយជនរងគ្រោះគ្មានលុយសង ទើបកើតជារឿងចាប់បង្ខាំងទុក នឹងធ្វើទារុណកម្ម ដើម្បីជម្រិតទារប្រាក់នោះ ។ ជនសង្ស័យទាំង៣ នាក់ នឹងវត្ថុតាងពាក់ពន្ធបទល្មើសបង្ខាំងទុកជម្រិតទារប្រាក់ សមត្តកិច្ចបាន នឹងកំពុងរៀបចំសំណុំរឿងបញ្ជូនទៅកាន់សាលាដំបូងខេត្តតាមនីតិវិធី ៕
ចែករំលែកព័តមាននេះ