សាខា​ពន្ធដារ​ខេត្ត​រក​ឃើញ​រថយន្ត​ជាង​៤០០​គ្រឿង​មិន​បាន​បង់ពន្ធ​ផ្លូវ​ប្រចាំឆ្នាំ​២០១៩


ខេត្ត​ព្រះ​សីហ​នុ ៖ លោក សន ស៊ី​ផល ប្រធាន​សាខា​ពន្ធដារ​ខេត្ត​ព្រះ​សីហ​នុ បានឱ្យ​ដឹង​នៅ​ព្រឹ​ថ្ងៃ​ទី​២៦ ខែកុម្ភៈ ឆ្នាំ​២០២០ នេះ​ថា មន្ត្រី​សាខា​ពន្ធដារ​ខេត្ត​ព្រះ​សីហ​នុ បាន​ចុះ​ត្រួតពិនិត្យ​ពន្ធ​លើ​មធ្យោបាយ​ដឹក​ជញ្ជូន​ប្រចាំឆ្នាំ​២០១៩ នៅ​ផ្លូវ​អូរ​១ និង​ផ្លូវ​ឃ្លាំង​លើ ក្នុង​រយៈពេល​២៥​ថ្ងៃ​កន្លង​មកនេះ​បាន​រក​ឃើញ​រថយន្ត​គ្រប់​ប្រភេទ​ជាង​៤០០​គ្រឿង ដែល​មិន​បាន​បំពេញ​កាតព្វកិច្ច​បង់ពន្ធ​ផ្លូវ​ជូន​រដ្ឋ​ឡើយ ។

លោក​ប្រធាន​សាខា​ពន្ធដា​ខេត្ត​ព្រះ​សីហ​នុ​បាន​បន្ត​ឲ្យ​ដឹង​ទៀត​ថា ការ​ចុះ​ត្រួតពិនិត្យ​ក្នុង​ពេលវេលា​ខាងលើ​មន្ត្រី​ជំនាញ​ពន្ធដារ​បាន​រក​ឃើញ​រថយន្ត​ចំនួន​៤៤១​គ្រឿង បាន​បង់ពន្ធ​ជូន​រដ្ឋ​ចំនួន​២០០,៦៩០,០០០​រៀល ក្នុង​នោះ​ពិន័យ​លើ​រថយន្ត​ចំនួន​៤៣៩​គ្រឿង ស្មើនឹង​ទឹកប្រាក់​ចំនួន ១៩៦,១៩០,០០០​រៀល ។

លោក សន ស៊ី​ផល បាន​បញ្ជាក់​ឲ្យ​ដឹង​ទៀត​ថា សកម្មភាព​ត្រួតពិនិត្យ​ពន្ធ​ផ្លូវ​លើ​រថយន្ត​ប្រចាំឆ្នាំ​២០១៩ ដែល​មិន​បាន​បង់ពន្ធ​ផ្លូវ​ក្នុង​ខេត្ត​ព្រះ​សីហ​នុ បាន​ធ្វើ​ឡើងជា​រៀង​រាល់​ឆ្នាំ ហើយ​ឆ្នាំ​នេះ​ក៍​មិន​ខុស​ពី​បណ្តារ​ឆ្នាំ​កន្លង​មក​ដែរ យើង​អនុវត្ត​រយ​:​ពេល​២​ខែ គឺ​ចាប់ពី​ខែកុម្ភៈ រហូត​ដល់​ខែមីនា ឆ្នាំ​២០២០ ក្នុង​ប្រតិបត្តិការ​ចុះ​ត្រួតពិនិត្យ​ពន្ធ​ផ្លូវ​ប្រចាំឆ្នាំ​២០១៩ មន្ត្រី​សាខា​ពន្ធដារ​ខេត្ត​ព្រះ​សីហ​នុ បាន​សហ ការ​ជាមួយ​កម្លាំង​នគរបាល​ចរាចរណ៍​ផ្លូវគោក​ខេត្ត​និង​កម្លាំង​កងរាជអាវុធហត្ថ​ខេត្ត​ព្រះ​សីហ​នុ ។

លោក​ប្រធាន​សាខា​ពន្ធដារ​ខេត្ត​ព្រះ​សីហ​នុ ក៍បាន​ធ្វើការ​អំពាវនាវ​ដល់​បងប្អូន​ប្រជាពលរដ្ឋ ដែល​មាន​យានយន្ត ត្រូវ​ចូលរួម​បំពេញ​កាតព្វកិច្ច​បង់ពន្ធ​ផ្លូវ​ឱ្យ​បាន​គ្រប់​គ្នា តាម​ទីតាំង​ដែល​អគ្គនាយក​ពន្ធដារ​សហការ​ជាមួយ​និង​ធនាគារ មាន​ដូច​ជា ធនាគារ​អេ​ស៊ី​លី​ដា ធនាគារ​ការ​ណា​ឌី​យ៉ា ធនាគារ​សាធារណៈ ។​ល​។ ចៀសវាង​ការ​ផាកពិន័យ ខាតបង់​ថវិកា និង​ពេលវេលា ព្រោះ​មន្ត្រី​របស់​យើង​នៅ​រង់ចាំ​បម្រើសេវា​ជូន​បងប្អូន​គ្រប់ពេលវេលា ។

លោក​ប្រធាន​សាខា​ពន្ធដារ​ខេត្ត​ព្រះ​សីហ​នុ បាន​បញ្ជាក់​ថា ការ​ចុះ​ត្រួតពិនិត្យ​ពន្ធ​ផ្លូវ​ប្រចាំឆ្នាំ ២០១៨​កន្លង​មក​លើ​រថយន្ត​គ្រប់​ប្រភេទ​ដែល​ធ្វើ​ចរាចរណ៍​ក្នុង​ខេត្ត​ព្រះ​សីហ​នុ មន្ត្រី​សាខា​ពន្ធដារ​ខេត្ត​ព្រះ​សីហ​នុ រក​ឃើញ​រថយន្ត​ចំនួន ៦៦៥​គ្រឿង​មិន​បាន​ចូលរួម​មក​បំពេញ​កាតព្វកិច្ច​បង់ពន្ធ​លើ​មធ្យោបាយ​របស់​ខ្លួន​ជូន​រដ្ឋ ត្រូវ​បាន​ធ្វើការ​ផាកពិន័យ​ផង​ដែរ ៕ (​កែសម្រួល​ដោយ ៖ ធីតា​)

ព្រឹត្តិការណ៍សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ