ខេត្តបាត់ដំបង ៖ ពង្រឹងច្បាប់ចរាចរណ៍បន្ថែមទៀតនៅកម្ពុជា ដែលអត្រាគ្រោះថ្នាក់បានធ្លាក់ចុះ៣០%ហើយនៅខែកុម្ភៈ ឆ្នាំ២០២០ ។ នេះជាប្រសាសន៍សម្ដេចក្រឡាហោម ស ខេង ឧបនាយករដ្ឋមន្ត្រី…
ខេត្តបាត់ដំបង ៖ ពង្រឹងច្បាប់ចរាចរណ៍បន្ថែមទៀតនៅកម្ពុជា ដែលអត្រាគ្រោះថ្នាក់បានធ្លាក់ចុះ៣០%ហើយនៅខែកុម្ភៈ ឆ្នាំ២០២០ ។ នេះជាប្រសាសន៍សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អញ្ជើញជាអធិបតីក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០១៩ និងលើកទិសដៅការងារឆ្នាំ២០២០ របស់រដ្ឋបាលខេត្តបាត់ដំបង និងក្រុមការងាររាជរដ្ឋាភិបាលចុះមូលដ្ឋាន នាព្រឹកថ្ងៃទី២៦ កុម្ភៈ ឆ្នាំ២០២០ នៅក្នុងមហោស្រពស្ទឹងសង្កែ ក្រុងខេត្តបាត់ដំបង ដោយមានមន្ត្រីរាជការចំនួន១,១០០នាក់ មកពីគ្រប់ស្ថាប័នបានចូលរួម ។
លោកងួន រតនៈ អភិបាលខេត្តបាត់ដំបង បានមានមតិស្វាគមន៍ និងអានរបាយការណ៍សកម្មភាព និងលទ្ធផលរបស់ក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបងប្រចាំឆ្នាំ២០១៩កន្លងមក ដោយបានផ្តោតលើការងារសន្តិសុខ សណ្តាប់ធ្នាប់ ទប់ស្កាត់បញ្ហាគ្រឿងញៀន, វិស័យអប់រំ, វិស័យដោះស្រាយរៀបចំលើការងារផ្តល់សេវាកម្មដែនដី នគរូបនីយកម្ម សំណង់ និងសុរិយោដី,បញ្ហាអនាម័យសំរាមក្នុងក្រុងបាត់ដំបង, សុខុមាលភាព តាមគោលនយោបាយគាំពាមាតា និងទារក, ចំរុញលើកស្ទួយវិស័យកសិកម្មបន្ថែមទៀត, ប្រព័ន្ធធារាសាស្ត្រ ការគ្រប់គ្រងដីសាធារណះរបស់រដ្ឋ ដីចំណីផ្លូវ ប្រឡាយ អាទឹក ទំនប់ទឹក, និងពង្រីកផែនការសកម្មភាពសម្រាប់ក្រុងបាត់ដំបង លើប្រធានបទទីក្រុងឆ្លាតបន្តទៅមុខទៀត ។
បន្ទាប់មកសម្តេចក្រឡាហោម ស ខេង បានលើកឡើងថា រាជរដ្ឋាភិបាល រៀបចំជំរុញវគ្គពិសេស ដើម្បីបណ្តុះបណ្តាលជំនាញផ្នែកប្រយុទ្ធប្រឆាំងគ្រឿងញៀនបន្ថែមទៀត ដើម្បីទប់ស្កាត់ការរីករាលដាលកើនឡើងថ្មីៗទៀត ហើយដើម្បីអនុវត្តច្បាប់ឲ្យមានប្រសិទ្ធភា ពនិងកាត់បន្ថយគ្រោះថ្នាក់ចរាចរណ៍ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានប្រកាសធានាការពារមន្ត្រីនគរបាលចរាចរណ៍ដែលចាប់មន្ត្រីថ្នាក់ធំជាងខ្លួនដែលមិនគោរពច្បាប់ចរាចរណ៍ ដែលក្នុងឆ្នាំ២០១៩បន្តរហូតមកដល់ក្នុងខែមករា ឆ្នាំ២០២០កន្លងមក គ្រោះថ្នាក់ចរាចរណ៍បានសម្លាប់មនុស្សចំនួនច្រើនព្រោះថាខែមករា ទើបតែមានការថយចុះនៅក្នុងខែកុម្ភះ ឆ្នាំ២០២០នេះប្រមាន៣០%តែប៉ុណ្ណោះ ដូច្នោះយើងត្រូវតែពង្រឹងច្បាប់ចរាចរណ៍បន្ថែមទៀត ។
សម្តេចក្រឡាហោម បានលើកបន្តទៀតថា យើងយកការអនុវត្តច្បាប់សំខាន់ បន្ទាប់មកយើងយកការអប់
រំ ព្រោះការអប់រំកន្លងមក ប្រើកម្លាំងច្រើនតែមិនមានប្រសិទ្ធភាពទេ ដូច្នេះមានតែយកការអនុវត្តច្បាប់ជាធំវិញ ដោយច្បាប់ធ្វើឡើងសម្រាប់ជួយជីវិតមនុស្ស គ្រប់ៗគ្នា មិនមែនសម្រាប់អ្នកណាម្នាក់ មិនមែនសម្រាប់ក្មេង ចាស់ ប្រុស ស្រី អ្នកតូច អ្នកធំនោះទេ គឺប្រជាជនទាំងអស់នៅក្រោមច្បាប់ ។
ចែករំលែកព័តមាននេះ