ឆែលស៊ី (Chelsea)ត្រូវមានការងារធ្ងន់នៅជើងទី២
ការប្រកួតវគ្គជម្រុះ១៦ក្រុមជើងទី១ ក្នុងក្របខណ្ឌ Champions League បានបញ្ចប់២គូទៀត កាលពីយប់មិញ ដោយមានឈ្នះ និងស្មើ។ ក្នុងនោះក្រុមតំណាងអង់គ្លេស Chelsea…
ការប្រកួតវគ្គជម្រុះ១៦ក្រុមជើងទី១ ក្នុងក្របខណ្ឌ Champions League បានបញ្ចប់២គូទៀត កាលពីយប់មិញ ដោយមានឈ្នះ និងស្មើ។ ក្នុងនោះក្រុមតំណាងអង់គ្លេស Chelsea បានទទួលរងបរាជ័យក្នុងផ្ទះខ្លួនដោយក្រុមតំណាងអាល្លឺម៉ង់ Bayern Munich ក្នុងលទ្ធផល ៣-០។ ៣គ្រាប់របស់ក្រុមភ្ញៀវរកបានដោយកីឡាករ Serge Gnabry ២គ្រាប់ម្នាក់ឯងនៅនាទី ៥១ និង ៥៤ ខណៈគ្រាប់ទី៣សម្រេចបានដោយកីឡាករ Robert Lewandowski នៅនាទី៧៦។
ដោយឡែក១គូទៀត ធ្វើឡើងក្នុងកីឡដ្ឋាន San Paolo ដែលជាការជួបគ្នារវាងក្រុមតំណាងអ៊ីតាលី Napoli និងក្រុមតំណាងអេស្ប៉ាញ Barcelona បានបញ្ចប់ទៅដោយលទ្ធផលស្មើគ្នា ១-១។ ១គ្រាប់របស់ម្ចាស់ផ្ទះធ្វើបានដោយកីឡាករ Dries Mertens នៅនាទី៣០ ខណៈ១គ្រាប់តាមស្មើរបស់ក្រុមភ្ញៀវធ្វើបានដោយកីឡាករ Antoine Griezmann នៅនាទី៥៧។
Chelsea នឹងត្រូវធ្វើដំណើរទៅកាន់ទឹកដី Allianz Arena របស់ Bayern នៅថ្ងៃទី១៧ ខែមិនា ខណៈដែល Barcelona នឹងបើកទ្វារកីឡដ្ឋាន Camp Nou របស់ខ្លួននៅថ្ងៃទី១៨ ខែមិនា ដើម្បីទទួលក្រុម Napoli សម្រាប់ការប្រកួតជើងទី២ ។
ចែករំលែកព័តមាននេះ