ខេត្តបន្ទាយមានជ័យ ៖ ប្រជាកសិករបានឱ្យដឹងកាលពីថ្ងៃទី២៤ ខែកុម្ភៈ ឆ្នាំ២០២០ កន្លងទៅនេះថា ប្រជាកសិករនាំគ្នាដាំដំណាំពោតដំណើម២ប្រភេទមាន ពោតសេវា និងពោត៨៨ នេះជាប្រភេទពោតដែលកសិករពេញនិយមដាំ ហើយងាយស្រួលរកទីផ្សារលក់ ហើយឆ្នាំនេះគឺប្រជាកសិករដាំពោតដំណើបលក់បានតំលៃប្រសើរជាងឆ្នាំមុន តែប្រជាកសិករនាំគ្នាតិចជាងឆ្នាំមុនដោយខ្វះទឹកសម្រាប់ដាំដុះ។
ប្រជាកសិករបានបញ្ជាក់ថា ភាគច្រើនប្រជាកសិរដែលដាំពោតនៅលើដីស្រែទទួលផលល្អជាង ព្រោះដីស្រែក្រោយពេលដែលបង្កបង្កើនផលស្រូវហើយភ្ជួរដាំពោតបន្តរយៈពេលជាង២ខែទទួលផល។ ជាក់ស្តែងឆ្នាំនេះពោតដំណើបបានតំលៃប្រសើរជាងឆ្នាំមុន បើដី១រ៉ៃស្មើនឹង១.៦០០ម៉ែត្រការ៉េ អាចទទួលផលពី៣ទៅ៤ស្លឹក ក្នុង១ស្លឹកស្មើនឹង៤០០ផ្លែ បើ១ផ្លូនស្មើនឹង៤០ផ្លែ លក់បានតំលៃជិត២លានរៀល។
ប្រជាកសិករបានបញ្ជាក់បន្តថា ឆ្នាំនេះពោតដំណើបបានតំលៃប្រសើរជាងឆ្នាំមុន តែប្រជាកសិករដាំតិចជាងឆ្នាំមុន ព្រោះខ្វះទឹកដាំដុះ ហើយមានដង្កូវ តែប្រើប្រាស់ថ្នាំអាចការពារនិងទទួលផល បើលក់ម៉ៅអោយឈ្មួញមកទិញដល់កន្លែងដាំក្នុងផ្ទៃដី១រ៉ៃលក់បានតំលៃជិត២លានរៀល ហើយបើអាចស្ងោរយកទៅលក់តាមផ្សារដោយខ្លួនឯងក្នុង១រ៉ៃលក់បានជិត៣លានរៀល បើនិយាយរួម គឺទទួលបានតម្លៃប្រសើរជាងឆ្នាំមុន៕ (កែសម្រួលដោយ ៖ ធីតា)
ចែករំលែកព័តមាននេះ