ការប្រជុំមួយប្រភេទដែល Steve Jobs ចូលចិត្តបំផុត !
លោកមហាសេដ្ឋី ស្ទីវ ចបស៍ (Steve Jobs) ដែលជាអតីតនាយកប្រតិបត្តិរបស់ក្រុមហ៊ុន Apple ចូលចិត្តដើរបណ្តើរ ចាប់ផ្តើមកិច្ចប្រជុំជាមួយនឹងបុគ្គលិក ឬដៃគូសហការបណ្តើរ…
លោកមហាសេដ្ឋី ស្ទីវ ចបស៍ (Steve Jobs) ដែលជាអតីតនាយកប្រតិបត្តិរបស់ក្រុមហ៊ុន Apple ចូលចិត្តដើរបណ្តើរ ចាប់ផ្តើមកិច្ចប្រជុំជាមួយនឹងបុគ្គលិក ឬដៃគូសហការបណ្តើរ…
លោកមហាសេដ្ឋី ស្ទីវ ចបស៍ (Steve Jobs) ដែលជាអតីតនាយកប្រតិបត្តិរបស់ក្រុមហ៊ុន Apple ចូលចិត្តដើរបណ្តើរ ចាប់ផ្តើមកិច្ចប្រជុំជាមួយនឹងបុគ្គលិក ឬដៃគូសហការបណ្តើរ ។ ជាទូទៅលោក ចូលចិត្តដើរនៅទីសារធារណៈដែលនៅជិតក្រុមហ៊ុន ។
ការស្រាវជ្រាវមួយរបស់សាកលវិទ្យាល័យ University of Hong Kong បានប្រទះឃើញថា ការដើរជាមួយមនុស្សជួយឲ្យមនុស្សកាន់តែជិតស្និទ្ធគ្នាទោះជាពួកគេមិនធ្លាប់បានស្គាល់គ្នាពីមុនមកក៏ដោយពិតមែនក្តី ហើយទោះបីជាពួកគេមិននិយាយស្តីអ្វីក៏ដោយ ។ ហើយវាអាចកើតមានឡើងក្នុងកំឡុងពេលមិនដល់ ៥នាទីផង ។
អ្នកស្រាវជ្រាវខាងលើបានលើកឡើងពីការស្រាវជ្រាវមុនៗដែលបានប្រទះឃើញថា មនុស្សដែលធ្វើចលនាដូចគ្នាក្នុងពេលតែមួយជួយពង្រឹងទំនាក់ទំនងរវាងគ្នានិងគ្នា ហើយការសន្ទនាបណ្តើរ ដើរបណ្តើនេះក៏មានឥទ្ធិពលដូចគ្នាដែរ ។
អ្នកស្រាវជ្រាវបានប្រើប្រាស់បច្ចេកវិទ្យា ដើម្បីវាស់វែងការដើររបស់អ្នកចូលរួម និងបានប្រទះឃើញថា អ្នកចូលរួមភាគច្រើនដើរឲ្យទាន់គ្នា ឬស្របគ្នាទោះជាពួកគេជាមនុស្សដែលមិនស្គាល់គ្នាពីមុន ឬមិនត្រូវបានអនុញ្ញាតឲ្យនិយាយគ្នាក្នុងកំឡុងពេលដើរពិតមែនក្តី ។ លើសពីនេះទៅទៀត ទស្សនៈដែលពួកគេមានទៅលើអ្នកដែលពួកគេដើរជាមួយបានប្រសើរឡើងបន្ទាប់ពីពួកគេបានដើរជាមួយគ្នាហើយបានពី ៣ ទៅ ៤នាទី ។ អ្នកដែលបាននិយាយគ្នាក្នុងកំឡុងពេលដើរកាន់តែចូលចិត្តគ្នាលើសពីនោះថែមទៀត ។
លោក ចបស៍ ជាមនុស្សដែលត្រូវបានស្គាល់ថាជាមនុស្សពូកែបញ្ចុះបញ្ចូលអ្នកដទៃ និងមានសមត្ថភាពឲ្យអ្នកដទៃគាំទ្រទស្សនៈវិស័យរបស់លោក ។ លោកក៏មានការយល់ដឹងយ៉ាងច្រើនពីការទំនាក់ទំនងជាមួយមនុស្សដែរ ។ ការដើរជាវិធីល្អមួយដែលជំរុញគំនិតច្នៃប្រឌិត ហើយវាជាវិធីកាន់តែល្អទៅទៀតក្នុងការបង្កើតទំនាក់ទំនងជាមួយអ្នកដទៃ ។ ប្រសិនបើអ្នកធ្លាប់ដើរចម្ងាយឆ្ងាយជាមួយមនុស្សណាម្នាក់ទៀត នោះអ្នកប្រហែលជាធ្លាប់មានបទពិសោធន៍នេះខ្លួនឯងហើយ ៕ កែសម្រួលដោយ ៖ សុឃាក់
ចែករំលែកព័តមាននេះ