រាជធានីភ្នំពេញ ៖ នារីម្នាក់ជាប់ពាក់ព័ន្ធករណីឆបោកលក់ម៉ាសតាមអនឡាញ នៅព្រឹកថ្ងៃទី២៥ កុម្ភៈនេះ ត្រូវបានលោក គុជ គឹមឡុង ព្រះរាជអាជ្ញារងបាននិងកំពុងធ្វើការសាកសួរ ដើម្បីចោទប្រកាន់ជាផ្លូវការ…
រាជធានីភ្នំពេញ ៖ នារីម្នាក់ជាប់ពាក់ព័ន្ធករណីឆបោកលក់ម៉ាសតាមអនឡាញ នៅព្រឹកថ្ងៃទី២៥ កុម្ភៈនេះ ត្រូវបានលោក គុជ គឹមឡុង ព្រះរាជអាជ្ញារងបាននិងកំពុងធ្វើការសាកសួរ ដើម្បីចោទប្រកាន់ជាផ្លូវការ រឿងឆបោកប្រាក់តាមអនឡាញ ក្រោមរូបភាពប្រកាសលក់ម៉ាសពាក់ការពារផ្លូវដង្ហើម ក្នុងសង្គមហ្វេស
ប៊ុក បានប្រាក់រាប់ម៉ឺនដុល្លារអាមេរិក ។ នារីសង្ស័យឈ្មោះអិឹុង ហ្គិចហួង អាយុ២១ឆ្នាំ ត្រូវបាន កម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលក្រសួងមហាផ្ទៃ ឃាត់ខ្លួនកាលពីថ្ងៃទី២២កុម្ភៈ ឆ្នាំ២០២០ នៅក្នុងរាជធានីភ្នំពេញ ។
ការឃាត់ខ្លួនជនសង្ស័យរូបនោះ ត្រូវបានលោកវរសេនីយ៍ទោ ឡេង ប៊ុនហួរ នាយករងការិយាល័យនគរបាលព្រហ្មទណ្ឌ កម្រិតស្រាល ក្រសួងមហាផ្ទៃ ឲ្យដឹងថា នៅថ្ងៃទី២២ កុម្ភៈ ជនរងគ្រោះ ដែលជាដើមបណ្តឹងបានចាប់ខ្លួនជនសង្ស័យយកមក ប្រគល់ឲ្យសមត្ថកិច្ច ពាក់ព័ន្ធ ករណីប្រកាសលក់ម៉ាសពាក់ការពារ យ៉ាងច្រើនសន្ធឹកសន្ធប់ ដែលមានតម្លៃរហូតដល់ជាង៤០.០០០ដុល្លារអាមេរិក ។ ការចាប់ឃាត់ខ្លួន នោះគឺបាន ធ្វើឡើង បន្ទាប់ពី ជនសង្ស័យទទួលយកប្រាក់ពី ជនរងគ្រោះ អស់ហើយ ប៉ុន្តែ មិនទទួលបានទំនិញ(ម៉ាស)គ្រប់ចំនួន ហើយថែមទាំងបានរត់គេចទៀតផង ។
លោកឡេង ប៊ុនហួរ បន្តថា នារីសង្ស័យបានបង្កើតគណនីហ្វេសប៊ុក ចំនួនបី ដើម្បីឆបោក ប្រាក់ពីជនរងគ្រោះ ដោយបានដើរតួ ជាថៅកែម៉ាស់ និងថា ខ្លួនមានម៉ាសលក់ ចង់ត្រូវការ(កុម្ម៉ង់)យកប៉ុន្មានម៉ាសក៏មាន ដែរ គ្រាន់តែតម្រូវឲ្យអតិថិជនដែលទិញវេលុយឲ្យមុនតាមវីង ទំនិញនោះនឹងបានភ្លាម ។ ដោយការជឿទុកចិត្ត នឹងស្របពេលស្រុកទេសកំពុងជួប នូវភាពភ័យខ្លាចរឿងជម្ងឺឆ្លងនោះផង អាជីវករម្នាក់ៗ បានកំម៉ងទិញឡាយតាមអនឡាញ ដើម្បីទុកយកចំណេញ ទើបជនរងគ្រោះជាដើមបណ្តឹងប្រមាណ៤.៥នាក់ បានផ្ញើ លុយ តាមវីងជាបន្ទាប់ ឲ្យទៅជនសង្ស័យ លុះពេលជនសង្ស័យបាន លុយ ហើយគាត់គេចខ្លួនបាត់ នឹងបិទអាខោនហ្វេសប៊ុក ផ្តាច់ការទាក់ទងទៀតផង ទីបំផុតដូចបោះចោលប្រាក់ជាង៤ម៉ឺនដុល្លារអាមេរិកទៅ ។
ប៉ុន្តែដោយជនរងគ្រោះបានសហការគ្នា នឹងតាមរកឃើញជនសង្ស័យ ក៏ចាប់ឃាត់ខ្លួន យកទៅប្រគល់ ឲ្យ សមត្ថកិច្ចចាត់ការតាមផ្លូវច្បាប់ ។ ដូចអង្គហេតុខាងលើនេះហើយបានជាស្ថាប័នអយ្យការធ្វើការចោទប្រកាន់ជនសង្ស័យជាផ្លូវការ នឹងបានចាត់បញ្ជូនទៅចៅក្រមស៊ើបសួរ ដើម្បីសម្រេចឃុំខ្លួនដាក់ពន្ធនាគារជាបណ្តោះអាសន្ន ៕
ចែករំលែកព័តមាននេះ