សម្តេច​តេ​ជោ ៖ មន្ត្រី​ទាំងអស់​កុំ​ធ្វើ​ជា​មន្ត្រី​គ្រាប់​ល្ពៅ


រាជធានី​ភ្នំពេញ ៖ សម្តេច​តេ​ជោ ហ៊ុន សែន នាយក​រដ្ឋមន្ត្រី​បាន​ផ្តាំ​ទៅ​កាន់​មន្ត្រី​ទាំងអស់​កុំ​ធ្វើ​ជា​មន្ត្រី​គ្រាប់​ល្ពៅ​ឲ្យ​សោះ ។ ថ្លែង​ក្នុង​ពិធី​ប្រគល់​សញ្ញាបត្រ​ដល់​និស្សិត​បញ្ចប់​ការ​សិក្សា នៅ​សាលា​ភូមិន្ទ​រដ្ឋបាល នា​ព្រឹក​ថ្ងៃ​ទី​២៥ ខែកុម្ភៈ​នេះ នៅ​វិទ្យាស្ថាន​ជាតិ​អប់រំ​យ៉ាង​ដូច្នេះ​ថា ៖ មន្ត្រី​ទាំងអស់​ត្រូវ​ខិតខំ ហើយ​កុំ​ធ្វើ​ជា​មន្ត្រី​គ្រាប់​ល្ពៅ​ឲ្យ​សោះ ។

សម្តេច​បាន​លើកយក​រឿង​គ្រាប់​ល្ពៅ​ថា ៖«​ខ្ញុំ​នៅ​តែ​និទានរឿង​មន្ត្រី​គ្រាប់​ល្ពៅ​មួយ​ឆ្នាំ​និទាន​ម្តង​ៗ ។ អ្វី​ជា​មន្ត្រី​គ្រាប់​ល្ពៅ ? មន្ត្រី​គ្រាប់​ល្ពៅ គឺ​មានរឿង​មួយ​ដំណាល​ថា មាន​ព្រះរាជា​មួយ​អង្គ​ចង់​ដឹង​អំពី​មន្ត្រី​របស់​ខ្លួន​យ៉ាងម៉េច ? ថ្ងៃមួយ​ព្រះរាជា​ក៏​បាន​យក​គ្រាប់​ល្ពៅ​មក ដើម្បី​ផ្តល់​ឲ្យ​មន្ត្រី​មាន​ឧបរាជ មហាឧបរាជ «…» មន្ត្រី​ខ្លះ​បាន​ទាញ​យក​គ្រាប់​ល្ពៅ​ច្រើន និង​ខ្លះ​យក​តិច​ទៅ​ដាំ ។ មួយ​រយៈពេល​ក្រោយមក ព្រះ​អង្គ​គិត​ថា ដល់​ពេល​ប្រមូល​ផល​ល្ពៅ​ក៏​កោះហៅ​មន្ត្រី​ទាំងនោះ​មក​វិញ ។ ពេល​នោះ​កើត​ចេញ​ជា​មនុស្ស​៤​ប្រភេទ គឺ​ទី​១.​មាន​មន្ត្រី​ដឹក​ផ្លែ​ល្ពៅ​មក តែ​ខាង​កងការពារ​មិន​ឲ្យ​ចូល​ក៏​មក​ទូល​ព្រះមហាក្សត្រ​ថា មិន​ឲ្យ​ដឹង​ល្ពៅ​ចូល​មក ។ ទី​២.​មន្ត្រី​ថា​ល្ពៅ​ខ្លួន​ក៏​ផ្លែ​តែ​មិន​បាន​បេះ​មក ទី​៣. មន្ត្រី​ថា បាត់​ពូជ​ល្ពៅ​ដែ ល​ព្រះមហាក្សត្រ​ប្រគល់​ជូន និង​ទី​៤. ដាំ​មិន​ដុះ​ទេ គឺ​គ្រាប់​ល្ពៅ​ស្ងោរ ។

សម្តេច​តេ​ជោ បាន​វាយតម្លៃ​ចំពោះ​មន្ត្រី​ប្រភេទ​ទី​៤ ថា​ជា​មន្ត្រី​ស្មោះត្រង់ ដោយ​ហ៊ាន​ប្រាប់​ស្មោះត្រង់ ។ មន្ត្រី​បែប​នេះ គឺជា​មន្ត្រី​ដែល​ត្រូវ​បាន​ហ្វឹកហាត់ និង​ដំឡើង​ស័ក្តិ ។ ចំពោះ​មន្ត្រី​ប្រភេទ​ទី​៣ វិញ​គួរតែ​យក​ទៅ​ធ្វើការ​អប់រំ ដោយ​ប្រាប់​ថា ថ្ងៃក្រោយ​ត្រូវ​បង្ហាញ​ភាព​ស្មោះត្រង់ ។ មន្ត្រី​ប្រភេទ​២ ក៏​គ្រាន់បើ​ដែរ ប៉ុន្តែ​មន្ត្រី​ប្រភេទ​ទី​១​វិញ មិន​អត់ឱន​នោះ​ទេ ដោយសារ​បោក​ព្រះមហាក្សត្រ និង​ចង់​ឲ្យ​ស្លាប់​កងការពារ​ព្រះរាជវាំង​ទៀត ។

សម្តេច​តេ​ជោ​ក៏​បាន​ផ្តាំ​ទៅ​កាន់​មន្ត្រី​ទាំងអស់​កុំ​យក​គំរូ​តាម​មន្ត្រី​គ្រាប់​ល្ពៅ​ប្រភេទ​ទី​១​ឲ្យ​សោះ ។ ភាព​មិន​ស្មោះ​ណាមួយ​ធ្វើ​ឲ្យ​អ្នកដឹកនាំ​ធ្វើការ​វិនិច្ឆ័យ​ខុស ហើយ​អ្នកដឹកនាំ​ត្រូវ​វិនិច្ឆ័យ​ឲ្យ​ច្បាស់លាស់ ដោយ​កុំ​ឲ្យ​ព័ត៌មាន​បំភ្លៃ​បោកប្រាស់​ខ្លួន​បាន ផ្ទុយ​ទៅ​វិញ​បើ​គេ​បោកប្រាស់​បាន​យើង​ត្រូវ​កែតម្រូវ​ភ្លាម ។ សម្តេច​បន្ថែម​ថា អ្វី​ដែល​សម្តេច​លើក​ឡើង​នេះ ដើម្បី​ដាស់តឿន​ដល់​មន្ត្រី​ទាំងអស់​ត្រូវ​យកចិត្តទុកដាក់​ក្នុង​ការ​បំពេញការងារ និង​បង្កើន​សមត្ថភាព​ជា​ប្រចាំ​ផង​ដែរ ៕ កែសម្រួល​ដោយ ៖ សុ​ឃា​ក់

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ