ប្រទេសចិន ៖ អាជ្ញាធរសុខាភិបាលចិនរាយការណ៍នាថ្ងៃទី២៤ កុម្ភៈថា តុល្យការនៃការឆ្លងរាលដាលវីរុសCOVID-19 អ្នកបាត់បង់ឡើងដល់២.៥៩២នាក់នៅចិនដីគោក ក្រោយការប្រកាសពីមនុស្សបាត់បង់ជីវិត១៥០នាក់ថែមទៀត។ ចំណែកចំនួនអ្នកឆ្លងថ្មីត្រូវបានអះអាងថាចុះថយ ដោយមានត្រឹម៤០៩នាក់។ សរុបមនុស្ស៧៧.១៥០នាក់ឆ្លងវីរុសនេះក្នុងប្រទេស។…
ប្រទេសចិន ៖ អាជ្ញាធរសុខាភិបាលចិនរាយការណ៍នាថ្ងៃទី២៤ កុម្ភៈថា តុល្យការនៃការឆ្លងរាលដាលវីរុសCOVID-19 អ្នកបាត់បង់ឡើងដល់២.៥៩២នាក់នៅចិនដីគោក ក្រោយការប្រកាសពីមនុស្សបាត់បង់ជីវិត១៥០នាក់ថែមទៀត។ ចំណែកចំនួនអ្នកឆ្លងថ្មីត្រូវបានអះអាងថាចុះថយ ដោយមានត្រឹម៤០៩នាក់។ សរុបមនុស្ស៧៧.១៥០នាក់ឆ្លងវីរុសនេះក្នុងប្រទេស។
អ្នកបាត់បង់ជីវិតថ្មីស្ទើរទាំងអស់ក៏ដូចជាអ្នកឆ្លងថ្មី គឺក្នុងខេត្តហ៊ូប៉ី ចំណុចកណ្ដាលនៃការឆ្លង។ តំណាង១រូបនៃក្រុងវូហាន ប្រកាសកាលពីថ្ងៃទី២៤កុម្ភៈ តាមបណ្ដាញសង្គមWECHATថា បណ្ដាមនុស្សដែលមានសុខភាពល្អ ក្នុងក្រុងនោះ នឹងអនុញ្ញាតឲ្យចាកចេញពីទីក្រុង សម្រាប់សកម្មភាពសំខាន់ៗ។ ខេត្តជាច្រើនរបស់ចិនគូសបញ្ជាក់ថា ច្រើនថ្ងៃជាប់ៗគ្នាពុំមានរកឃើញអ្នកឆ្លងថ្មីណាមួយឡើយក្នុងដែនដីពួកគេ។
មន្ត្រី១រូបនៃក្រសួងហិរញ្ញវត្ថុចិន ក្នុងសន្និសីទសារព័ត៌មានមួយនាទីក្រុងប៉េកាំងថ្លែងថា ចិនបានបញ្ចេញប្រាក់ជាង១៤ពាន់លានដុល្លារ សម្រាប់តស៊ូប្រឆាំងការឆ្លងរាលដាលនៃវីរុស។
អ្នកឆ្លងប្រមាណជាង១៥០០នាក់និងអ្នកបាត់បង់ជីវិត២៦នាក់ ត្រូវបានជម្រឿនឃើញនៅក្រៅចិនដីគោក ក្នុងប្រទេសនិងដែនដីជាង២៥។ កន្លែងថ្មីៗនៃការឆ្លងនៅអឺរ៉ុបនិងមជ្ឈឹមបូព៌ា នាំឲ្យមានការព្រួយបារម្ភ។ ការព្រួយបារម្ភចំពោះការឆ្លងវីរុសនៅអ៊ីរ៉ង់ ដែលមានអ្នកឆ្លងជាង៤០នាក់និងអ្នកបាត់៨នាក់នាំឲ្យរដ្ឋជាច្រើនដែលនៅជាប់ជិតខាង បិទព្រំដែនពួកគេឬរិតត្បិតការផ្លាស់ប្ដូរជាមួយប្រទេសនេះ។ នៅមជ្ឈឹមបូព៌ា ក្រៅពីអ៊ីរ៉ង់ បារ៉ែនទើបរាយការពីមនុស្សឆ្លងវីរុសម្នាក់ ហើយគុយវ៉ែតអះអាងថាមានអ្នកឆ្លង៣នាក់។
នៅអ៊ីតាលីនារីចំណាស់ម្នាក់ដែលកើតមហារីកស្រាប់ ហើយឆ្លងវីរុសថ្មីនោះបានស្លាប់កាលពីថ្ងៃទី២៣កុម្ភៈ ធ្វើឲ្យចំនួនអ្នកបាត់បង់ជីវិតឡើងដល់៣នាក់ក្នុងប្រទេសនេះ ដែលមានមនុស្សយ៉ាងតិច១៥២នាក់ឆ្លង។ ជាការបង្ការអ៊ីតាលីបានចាត់វិធានការរិតត្បិត ដាក់ទីក្រុង១១នាភាគខាងជើងប្រទេសឲ្យនៅដាច់ពីគេ។
នៅកូរ៉េខាងត្បូងមានអ្នកឆ្លងឡើងដល់៧៦៣នាក់និងអ្នកបាត់បង់ជីវិត៧នាក់ ដោយចំនួនអ្នកឆ្លងថ្មីមានការកើនឡើងខ្លាំង រយៈពេលប៉ុន្មានថ្ងៃចុងក្រោយនេះ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ