រាជធានីភ្នំពេញ ៖ បុរសម្នាក់ដែលតុបតែងខ្លួនធ្វើជាខ្ទើយ ហើយឡាយរូបភាពបង្ហោះលក់ខ្លួនតាមបណ្ដាញ Bigo Live ដែលមានតម្លៃចាប់ពី៣០-៦០ដុល្លាររហូតដល់១០០ដុល្លារអាមេរិកក្នុង១យប់ ត្រូវបាននគរបាលខណ្ឌទួលគោក ចាប់ខ្លួនបញ្ជូនទៅសាលាដំបូងរាជធានីភ្នំពេញ កាលពីរសៀលថ្ងៃទី២២…
រាជធានីភ្នំពេញ ៖ បុរសម្នាក់ដែលតុបតែងខ្លួនធ្វើជាខ្ទើយ ហើយឡាយរូបភាពបង្ហោះលក់ខ្លួនតាមបណ្ដាញ Bigo Live ដែលមានតម្លៃចាប់ពី៣០-៦០ដុល្លាររហូតដល់១០០ដុល្លារអាមេរិកក្នុង១យប់ ត្រូវបាននគរបាលខណ្ឌទួលគោក ចាប់ខ្លួនបញ្ជូនទៅសាលាដំបូងរាជធានីភ្នំពេញ កាលពីរសៀលថ្ងៃទី២២ ខែកុម្ភៈ ដើម្បីចាត់ការតាមផ្លូវច្បាប់ ។ បុរសកែភេទជាស្រីនេះឈ្មោះ ម៉ន អុីវ៉ា អាយុ២៦ឆ្នាំ ជាប្រុសលក់ខ្លួនពេលយប់ ស្នាក់នៅផ្ទះជួលក្នុងខណ្ឌទួលគោក ។
ទាក់ទងនឹងករណីខាងលើនេះ លោកវរសេនីយ៍ទោ សុខ ហេង អធិការនគរបាលខណ្ឌទួលគោក បានឲ្យ
ដឹងថា កាលពីរសៀលថ្ងៃទី២០ ខែកុម្ភ: ឆ្នាំ២០២០ កម្លាំងនគរបាលខណ្ឌទួលគោក ដោយបានការឯកភាពពីគណៈបញ្ជាការឯកភាពខណ្ឌ និងសម្របសម្រួលពីស្ថាប័នយ្យការអមសាលាដំបូងរាជធានីភ្នំពេញ បានឃាត់ខ្លួនបុរសម្នាក់តែងខ្លួនធ្វើជាខ្ទើយពាក់ព័ន្ធនឹងករណីថតឡាយវីដេអូលក់ខ្លួនតាម Bigo Live យកទៅសាកសួរពីបទបង្ហោះរូបភាព និងសម្ភារអាសអាភាស យោងតាមមាត្រា៣៨-៣៩នៃច្បាប់ប្រឆាំងការជួញដូរមនុស្ស និងការពារអនីតិជនដែលបទល្មើសនេះជនជាប់ចោទត្រូវមានទោសចាប់ពី១ខែទៅ១ឆ្នាំ ។
លោកអធិការបន្តថា ទង្វេីដែលឈ្មោះ ម៉ន អុីវ៉ា បានធ្វេីនេះ ពិតជាធ្វេីឲ្យប៉ះពាល់ដល់ទំនៀមទម្លាប់ប្រពៃណី ជាពិសេសប៉ះពាល់យ៉ាងធ្ងន់ធ្ងរដល់កិត្តិយស និងតម្លៃរបស់ស្ត្រីខ្មែរថែមទៀតផង ។ មកដល់ព្រឹកថ្ងៃទី២៣ ខែកុម្ភៈ ជនសង្ស័យកំពុងស្ថិតនៅដំណាក់កាលស្ថាប័នអយ្យការធ្វើការសាកសួរនៅឡើយ ៕
ចែករំលែកព័តមាននេះ