រាជធានីភ្នំពេញ ៖ ដើម្បីឲ្យស្គាល់កន្លែងទេសចរណ៍ក្នុងស្រុកឲ្យអស់ប្រមុខរាជរដ្ឋាភិបាលបានអំពាវនាវដល់អ្នកដែលចូលចិត្តធ្វើទេសចរណ៍នៅក្រៅប្រទេសងាកមកធ្វើទេសចរណ៍ក្នុងស្រុកវិញ ។ ថ្លែងក្នុងសន្និសីទសារព័ត៌មាន នាព្រឹកថ្ងៃទី២៤ ខែកុម្ភៈ សម្តេចបញ្ជាក់ថា ៖«ខ្ញុំគិតថា ខ្ញុំនឹងបើកិច្ចប្រជុំគណៈរដ្ឋមន្ត្រីនៅខេត្តសៀមរាប…
រាជធានីភ្នំពេញ ៖ ដើម្បីឲ្យស្គាល់កន្លែងទេសចរណ៍ក្នុងស្រុកឲ្យអស់ប្រមុខរាជរដ្ឋាភិបាលបានអំពាវនាវដល់អ្នកដែលចូលចិត្តធ្វើទេសចរណ៍នៅក្រៅប្រទេសងាកមកធ្វើទេសចរណ៍ក្នុងស្រុកវិញ ។ ថ្លែងក្នុងសន្និសីទសារព័ត៌មាន នាព្រឹកថ្ងៃទី២៤ ខែកុម្ភៈ សម្តេចបញ្ជាក់ថា ៖«ខ្ញុំគិតថា ខ្ញុំនឹងបើកិច្ចប្រជុំគណៈរដ្ឋមន្ត្រីនៅខេត្តសៀមរាប ដើម្បីឲ្យខេត្តសៀមរាបអាចទទួលបានភ្ញៀវទេចរក្នុងស្រុករបស់យើងផងដែរ ។ ជួនកាលប្រឹក្សាពិគ្រោះ និងផ្តល់យោបល់ទើបការប្រជុំ នៅសៀបរាមតែម្តង ដើម្បីសណ្ឋាគារ ឬផ្ទះសំណាក់ទទួលបានភ្ញៀវទេចរផងដែរ» ។
សម្តេចតេជោ ក៏បានលើកឡើងថា សម្រាប់អ្នកធ្វើការខាងវិស័យទេសចរណ៍ទៅបរទេស មួយចំនួនបានផ្អាកជើងហោះហើរ ដោយសារជំងឺកូវីដនៅតាមប្រទេសដែលកំពុងស្ថិតក្នុងការប្រុងប្រយ័ត្ន ដូច្នេះសុំបងប្អូនប្រជាពលរដ្ឋដែលធ្លាប់ទៅក្រៅប្រទេសក្នុងមួយឆ្នាំជាង១លាននាក់បកមករិះរកការធ្វើដំណើរក្នុងស្រុកយើងវិញទៅកាន់តំបន់ទេសចរណ៍នានាវិញ ក្នុងនោះខេត្តសៀមរាប និងព្រះសីហនុ ដើម្បីសន្សំរូបិយប័ណ្ណ និងស្គាល់ប្រទេសខ្លួនបានច្បាស់លាស់ផង ។
សម្តេចថា៖«នេះជាការអំពាវនាវរបស់ខ្ញុំ ដើម្បីជួយស្រោចស្រង់វិស័យទេសចរណ៍របស់យើង តាមរយៈនៃការធ្លាក់ចុះនៃទេសចរណ៍បរទេស ប៉ុន្តែទេសចរណ៍ក្នុងស្រុកមានកំណើនតាមវិស័យសណ្ឋាគារ និងម្ចាស់ផ្ទះសំណាក់ ។ ខ្ញុំក៏សុំអំពាវនាវដល់ម្ចាស់សណ្ឋាគារ ផ្ទះសំណាក់ ធ្វើការបន្ធូរបន្ថយថ្លៃ តាមលទ្ធភាពដែលអាចធ្វើបានជាងទុកបន្ទប់ចោល ។ អីញ្ចឹងទេឧទាហរណ៍ តម្លៃ៥០ដុល្លារក្នុងមួយបន្ទប់ ក្នុងមួយថ្ងៃចុះមកត្រឹម៣០ ឬ២៥ដុល្លារ គឺសមហេតុសមផលហើយ» ។
សម្តេចបន្ថែមថា បើសិនបន្ទប់ឡើងថ្លៃហើយគ្មានទៅជួយដេកនោះជាសិទ្ធិរបស់គេ ព្រោះយើងមិនអាចចាប់បង្ខំអ្នកណាបាននោះទេ ។ គឺលើកលែងតែរដ្ឋាភិបាលមួយប៉ុណ្ណោះ ដែលមានលទ្ធភាពបើកកិច្ចប្រជុំទីនោះ ហើយសមាជិករាជរដ្ឋាភិបាលនឹងទៅទីនោះ ។ ជាមួយគ្នានោះដែរប្រមុខរាជរដ្ឋាភិបាលក៏បានបង្កើតឲ្យមានប្រសិទ្ធភាពក្នុងការធ្វើដំណើរតាមផ្លុវគោក ផ្លូវទឹក និងផ្លូវអាកាស ជាពិសេសនោះជាមួយប្រទេសជិតខាងដូចជា បាំងកក -សៀបរាម ហូជីមិញ- សៀមរាប ពិសេសនោះតាមរយៈរថយន្តផ្ទាល់ខ្លួន ដោយដោះស្រាយនូវប្រសិទ្ធភាពដែលជាបញ្ហាប្រឈមដែលកើតឡើងក្នុងនោះការឆ្លងកាត់ព្រំដែន និងបញ្ហាពាក់ព័ន្ធដ៏ទៀតទេ ។
ប្រមុខរដ្ឋាភិបាលបានអះអាងនឹងធ្វើយ៉ាងណាខិតខំទាក់ទាញឲ្យភ្ញៀវទេសចរមកទស្សនានៅអង្គរវត្ត ។ ក្នុងឱកាសនោះដែរ សម្តេចតេជោហ៊ុន សែន នាយករដ្ឋមន្ត្រីបានស្នើមានឲ្យមានការកាត់បន្ថយចំនួន មន្ត្រីរាជការ ទៅចូលរួមប្រជុំនៅក្រៅប្រទេស ដើម្បីសន្សំថវិកា ។ ជាងនេះត្រូវមានការបើកកិច្ចប្រជុំនៅតាមបណ្តាខេត្ត ពិសេសនោះនៅខេត្តសៀបរាម និងខេត្តព្រះសីហនុជាដើម ៕
ចែករំលែកព័តមាននេះ