សុខ សីឡាលីន ជិតក្លាយជានគរបាលហើយ
- ភ្នំពេញ
រាជធានីភ្នំពេញ ៖ តារាចម្រៀងនាង សុខ សីឡាលីន បានសម្តែងក្តីសប្បាយរីករាយ ក្នុងពេលដែលនាងប្រលងជាប់ជាស្ថាពរនូវក្របខណ្ឌមន្ត្រីនគរបាលជាតិ ។ ការប្រឡងនេះកាលពីថ្ងៃទី២៩ ខែធ្នូ…
រាជធានីភ្នំពេញ ៖ តារាចម្រៀងនាង សុខ សីឡាលីន បានសម្តែងក្តីសប្បាយរីករាយ ក្នុងពេលដែលនាងប្រលងជាប់ជាស្ថាពរនូវក្របខណ្ឌមន្ត្រីនគរបាលជាតិ ។ ការប្រឡងនេះកាលពីថ្ងៃទី២៩ ខែធ្នូ…
រាជធានីភ្នំពេញ ៖ តារាចម្រៀងនាង សុខ សីឡាលីន បានសម្តែងក្តីសប្បាយរីករាយ ក្នុងពេលដែលនាងប្រលងជាប់ជាស្ថាពរនូវក្របខណ្ឌមន្ត្រីនគរបាលជាតិ ។ ការប្រឡងនេះកាលពីថ្ងៃទី២៩ ខែធ្នូ ឆ្នាំ២០១៩ និងប្រកាសលទ្ធផលកាលពីថ្ងៃទី១៤ កុម្ភៈ ឆ្នាំ២០២០ ។
សុខ សីឡាលីន បានសម្រេចបំណងធំមួយសម្រាប់ខ្លួនឯង ពិសេសបានធ្វើឲ្យឪពុកម្តាយសប្បាយចិត្ត និងមានមោទនភាព ដោយតារាចម្រៀងស្រីសម្បុរខ្មៅស្រអែមរូបនេះ បានទទួលលទ្ធផលល្អជាទីគាប់ចិត្តក្នុងការប្រឡងចូលក្របខណ្ឌរដ្ឋ ជាប់ជាមន្ត្រីនគរបាលជាតិនៃរាជបណ្ឌិត្យសភាកម្ពុជា ។ នេះអាចចាត់ទុកថា ជាលទ្ធផលមួយដ៏វិសេសវិសាលសម្រាប់ សុខ សីឡាលីន ក៏ដូចជាប៉ាម៉ាក់របស់នាង ។
បន្ទាប់ពីតារាចម្រៀងសុខ សីឡាលីន បានបង្ហោះដំណឹងដ៏រីករាយនេះ គេឃើញថាមានបណ្តាអ្នកគាំទ្រ បានចែកចាយព័ត៌មានរបស់នាងពាសពេញបណ្តាញសង្គម ព្រមទាំងពោលពាក្យសរសើរមិនដាច់ពីមាត់ចំពោះសមត្ថភាពដ៏ពូកែរបស់នាងដែលប្រឡងជាប់នៅលេខរៀងលើគេតែម្ដង ។
ជាការកត់សម្គាល់មួយរយៈចុងក្រោយនេះ ក្រៅពីប្រឡងជាប់មន្ត្រីក្របខណ្ឌនគរបាលជាតិសុខ សីឡាលីន ទទួលបានជោគជ័យយ៉ាងខ្លាំងផងដែរនៅក្នុងអាជីពចម្រៀងរបស់នាង ដោយនាងបានចេញបទចម្រៀងក្នុងផលិតកម្មហង្សមាសជាបន្តបន្ទាប់។
ជាពិសេសនាងត្រូវបានហង្សមាសផ្តល់ឱកាសឲ្យនាងធ្វើជាគណៈកម្មការកាត់សេចក្តីក្នុងកម្មវិធីលំដាប់ពីភពលោក X-Factor Cambodia រដូវកាលទី១ ដែលបានជ្រោងតារារូបនេះឲ្យកាន់តែមានប្រជាប្រិយមិត្តភាព និងមានអ្នកស្គាល់នាងកាន់តែច្រើនឡើង ។
យ៉ាងណាភាពជោគជ័យដែលនាងបានទទួលជាបន្តបន្ទាប់ក្នុងរយៈពេលចុងក្រោយនេះក៏ដោយ ប៉ុន្តែមកទល់ពេលនេះសុខ សីឡាលីន ហាក់នៅមិនទាន់បានបញ្ចេញនូវអត្តសញ្ញាណគូស្នេហ៍របស់នាងណាមួយនៅឡើយ បើទោះបីជាបច្ចុប្បន្ននាងមានវ័យកាន់តែជ្រេបន្តិចក៏ដោយ ៕ (កែសម្រួលដោយ ៖ បុប្ផា)
ចែករំលែកព័តមាននេះ