រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបញ្ជាក់ជាថ្មី រហូតមកដល់ពេលនេះមិនទាន់មានជនជាតិខ្មែរម្នាក់ឆ្លងជំងឺកូវីដ (COVID-19)នោះទេ ។ ថ្លែងក្នុងសន្និសីទសារព័ត៌មាន…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបញ្ជាក់ជាថ្មី រហូតមកដល់ពេលនេះមិនទាន់មានជនជាតិខ្មែរម្នាក់ឆ្លងជំងឺកូវីដ (COVID-19)នោះទេ ។ ថ្លែងក្នុងសន្និសីទសារព័ត៌មាន ព្រឹកថ្ងៃទី២៤ ខែកុម្ភៈនេះ នៅវិមានសន្តិភាព សម្តេចតេជោ បានអះអាងថា រហូតមកដល់ពេលនេះមិនទាន់មានពលរដ្ឋខ្មែរណាម្នាក់ ឆ្លងជំងឺកូវីដថ្មី (COVID-19) ទេ ។
អីញ្ចឹងលំហសម្រាប់ភ្ញៀងទេសចរមកកម្ពុជា នៅតែទុកចិត្ត ។ អីញ្ចឹងករណីម៉ាឡេស៊ីបានប្រកាសថា ស្ត្រីជនជាតិអាមេរិកកាំងម្នាក់គ្មានរោគសញ្ញាទាក់ទិននឹងរោគកូវីដ ១៩ ហើយអាមេរិកក៏បានបញ្ជាក់ថា ស្ត្រីរូបនោះអត់មានជំងឹនេះទេ គឺបានផ្តល់នូវជំនឿនទុកចិត្តចំពោះភ្ញៀវទេសចរមកកម្ពុជាថែមទៀត ។ ទន្ទឹមនឹងនេះប្រទេសជាច្រើនក្នុងតំបន់មានមេរោគរួចជាស្រេចទៅហើយ ។ ដោយសារតែមានរឿងការលើកឡើងអំពីករណីឆ្លងជំងឹកូវីដ១៩នេះ សម្តេចតេជោបានបញ្ជាក់ថា ៖« ខ្ញុំឃើញប្អូនស្ត្រីម្នាក់បង្ហោះហ្វេសប៊ុកថា នៅពេលទៅទទួលកូនស្រីពីប្រទេសចិនមិនបានទទួលបានការពិនិត្យនោះទេ រួចហើយគាត់ប្រើពាក្យថា «ឱកម្ពុជាខ្ញុំអើយ! » អាឡូវខ្ញុំសុំជម្រាបជូនថា សូមប្អូនស្រី ប្អូនធ្វើដំណើរទៅព្រលានយន្តហោះទៅវិញ ព្រោះនៅព្រលានយន្តគេបានដាក់ប្រដាប់ពិនិត្យរួចហើយ ចំនែកអ្នកដែលមិនបានពិនិត្យដោយរបស់ស្ទង់គំដៅនោះ គឺជាកន្លែងមិនបានដាក់ឧបករណ៍ស្គែនទេ ។ អីញ្ចឹងទេសង្ឃឹមថា ពលរដ្ឋមានការយល់ដឹងច្រើនព្រោះថា នៅតាមព្រលានយន្តហោះ និងច្រកចេញចូលសំខាន់ៗ សុទ្ធតែមានម៉ាស៊ីនស្គែន ដោយមិនចាំយកប្រដាប់ទៅស្ទង់ដូចជាកៃកាំភ្លើងផ្ជង់ក្បាលមនុស្សនោះទេ» ។
សម្តេចតេជោបានបន្តថា ម៉ាស៊ីនដែលដាក់ស្គែននៅព្រលានយន្តហោះបានធ្វើការពិនិត្យគ្រប់មនុស្សទាំងអស់ មិនមានមនុស្សណាមួយរួចខ្លួននោះទេ ហើយមានការសង្ស័យគេចាប់មនុស្សនោះធ្វើការត្រួតពិនិត្យភ្លាម ។ សម្តេចបានអះអាងថា រាជរដ្ឋាភិបាលមានការទទួលសុខចំពោះសុខភាពរបស់ប្រជាពលរដ្ឋណាស់ ពោល គឺមិនដូចជា ការលើកឡើងរបស់ប្អូនស្រី ប្អូនប្រុសដែលបង្ហោះនោះទេ ។ ក្រសួងសុខាភិបាលបានធ្វើការងារនេះយ៉ាងសកម្មណាស់ ក្នុងការទប់ស្កាត់ និងស្វែងរកជំងឺកូវីដនេះ ៕
ចែករំលែកព័តមាននេះ