ដើម្បីបានជាប្រយោជន៍ដល់ការថ្កុំថ្កើងនៃព្រះពុទ្ធសាសនា បរិស័ទទាំងពីរពួកគឺអ្នកបួស និងគ្រហស្ថគប្បីប្រតិបត្តិនូវតួនាទីរបស់ខ្លួនឱ្យបានខ្ជាប់ខ្ជួនដូចតទៅៈ
តួនាទីរបស់អ្នកបួស៥យ៉ាង ១- ហាមចិត្តមិនឱ្យលិចចុះក្នុងអំពើអាក្រក់ ២- ញ៉ាំងចិត្តឱ្យស្ថិតនៅតែក្នុងសេចក្ដីល្អ ៣- ផ្សាយមេត្តាអនុគ្រោះដល់សព្វសត្វដោយទឹកចិត្តដ៏ល្អបរិសុទ្ធ ៤- ទេសនាអប់រំដល់មហាជនឱ្យតម្កល់ចិត្តតែក្នុងសេចក្តីល្អ និង៥- ប្រាប់ផ្លូវទៅកាន់សុគតិភព ។
តួនាទីរបស់ពុទ្ធបរិស័ទ៥យ៉ាងគឺ ១- ធ្វើអ្វីប្រកបដោយមេត្តា ២- និយាយអ្វីប្រកបដោយមេត្តា ៣- គិតអ្វីប្រកបដោយមេត្តា ៤- ធ្វើទានដល់ព្រះសង្ឃ ទុរគតជន និង៥- ប្រគេនរបស់ដែលសមគួរដល់ព្រះសង្ឃ ។
តួនាទីទាំងអស់នេះបើលោកអ្នកបានអានរាល់ថ្ងៃរហូតដល់ចេះចាំចំណាំបាន នោះរមែងកើតបញ្ញា និងបើបានអនុវត្តផងរឹតតែប្រសើរដល់ដំណើរជីវិតរបស់ខ្លួន ។ សាន សារិន
ចែករំលែកព័តមាននេះ