ចៅហ្វាយនាយល្អជាចៅហ្វាយនាយចេះលើកទឹកចិត្តកូនចៅ ស្រឡាញ់រាប់អានដោយស្មើៗមុខ និងមិនប្រកា ន់ទោសអូសដំណើរក្នុងការងារផ្សេងៗ ចំណែកអ្នកបម្រើ ឬហៅថាកម្មករនិយោជិតក៏គប្បីមានចិត្តស្មោះត្រង់នឹងម្ចាស់ ស្មោះត្រង់នឹងអង្គភាពស្ថាប័ន បម្រើការឱ្យអស់ពីលទ្ធភាព នោះអ្នកទាំងពីរពួកនឹងបានសុខជានឹងគ្នារហូតទៅ ។
តួនាទីរបស់ចៅហ្វាយនាយ៥យ៉ាងគឹ ១- ដាក់ការងារឱ្យសមគួរដល់កម្លាំង និងត្រូវតាមចំណេះជំនាញ ២- ផ្តល់អាហារនិងរង្វាន់លើកទឹកចិត្ត ៣- រក្សាព្យាបាលពេលមានជំងឺ ៤- ចែកអាហារមានរសប្រណីតឲ្យបរិភោគ និង៥- អនុញ្ញាតឲ្យឈប់សម្រាក ដើរលេងក្នុងសម័យដ៏សមគួរ ។
តួនាទីរបស់អ្នកបម្រើឬកម្មកនិយោជិត៥យ៉ាងគឺ ១- ក្រោកឡើងធ្វើការងារមុនចៅហ្វាយនាយ ២- ឈប់ធ្វើការងារក្រោយចៅហ្វាយនាយ ៣- កាន់យកតែរបស់ដែលចៅហ្វាយនាយឲ្យ ៤- ធ្វើការងារឲ្យបានល្អប្រសើរឡើង ៥- ពោលសរសើរគុណរបស់ចៅហ្វាយនាយ ។
អ្នកប្រាជ្ញពោលថា រវាងចៅហ្វាយនាយ និងអ្នកបម្រើដែលមានចិត្តស្មោះស្មើដូចគ្នា ជាប្រភពនាំមកនូវការសាមគ្គីរឹងមាំ និងសេចក្តីចម្រើនអស់កាលជាអង្វែង ។ សាន សារិន
ចែករំលែកព័តមាននេះ