សណ្ឋាគារ និង អាផាតមិន POULO WAI បើកដំណើរការហើយ!
- ភ្នំពេញ
រាជធានីភ្នំពេញ ៖ សណ្ឋាគារ និង អាផាតមិន POULO WAI បានប្រកាសបើកដំណើរ និងទទួលភ្ញៀវចាប់ពីពេលនេះតទៅ។ ដោយមាន…
រាជធានីភ្នំពេញ ៖ សណ្ឋាគារ និង អាផាតមិន POULO WAI បានប្រកាសបើកដំណើរ និងទទួលភ្ញៀវចាប់ពីពេលនេះតទៅ។ ដោយមាន…
រាជធានីភ្នំពេញ ៖ សណ្ឋាគារ និង អាផាតមិន POULO WAI បានប្រកាសបើកដំណើរ និងទទួលភ្ញៀវចាប់ពីពេលនេះតទៅ។ ដោយមាន ១៦៥បន្ទប់ មានអាងហែលទឹក, មានបន្ទប់ប្រ ជុំទទួលបានរហូតដល់១៥០នាក់, កន្លែងស្ទីម, សោណា, ស្ប៉ា និងកន្លែងហាត់ប្រាណ ព្រមទាំងមានភោជនីយដ្ឋាន ដល់ទៅ ២កន្លែង ជាពិសេសមានស្កាយបារនៅជាន់ទី ២២ ជាមួយនឹងអាហារដែលរសជាតិ អាហារដ៏ឈ្ងុយឆ្ងាញ់ថែមទៀតផងនោះ សណ្ឋាគារ និង អាផាតមិន POULO WAI នេះមានទីតាំងស្ថិតនៅអគារលេខ ៧១-៧៣ ផ្លូវលេខ ១៧៤ សង្កាត់ ផ្សារថ្មី ៣ ខណ្ឌដូនពេញ រាជធានីភ្នំពេញ ដោយបានធ្វើកម្មពិធីបើកដំណើរការ កាលពីថ្ងៃទី ២០ខែកុម្ភៈ ឆ្នាំ ២០២០ កន្លងមកនេះ ដោយមានវត្តមានភ្ញៀវកិត្តិយសចូលរួម ជាច្រើននាក់ ។
អ្នកស្រី លី លីនដា នាយកផ្នែកលក់ និងទីផ្សាររបស់សណ្ឋាគារ និង អាផាតមិន POULO WAI បានឱ្យដឹងថា សណ្ឋាគារនេះ មានលក្ខណៈពិសេសក្នុងការទាក់ទាញភ្ញៀវដោយសារ មានទីតាំងល្អ គឺនៅចំទីប្រជុំជនកណ្តាលទីក្រុងភ្នំពេញតែម្តង។ ហើយបន្ទប់សណ្ឋាគារ នីមួយៗមានបំពាក់នូវសម្ភារៈ និងឧបករណ៍ទំនើបៗដូចជា ទូរទស្សន៍៤៣អ៊ីង (Smart TV) ដែលអាចភ្ជាប់ជាមួយវាយហ្វាយ (Wi-Fi) ល្បឿនលឿនក្នុងសណ្ឋាគារ ចំណែកបន្ទប់ទឹកបានបែងចែក អាងត្រាំទឹក និង ទឹកផ្កាឈូកដាច់ដោយឡែកពីគ្នា។ ជញ្ជាំងកញ្ចក់គ្រប់បន្ទប់បានអនុញ្ញាតិអោយ ភ្ញៀវអាចគយគន់ទេសភាពដ៏ស្រស់ត្រកាលនៃទីក្រុងភ្នំពេញ និងទេសភាពទន្លេចតុមុខដ៏ជក់ចិត្ត។
ក្រៅពីភ្ញៀវជាតិ សណ្ឋាគារបានផ្តោតទៅលើភ្ញៀវ សំខាន់ៗពីរធំៗទៀត គឺភ្ញៀវដែលមកធ្វើជំនួញនៅកម្ពុជា និងភ្ញៀវទេសចរ ដូច្នេះហើយទើប សណ្ឋាគារមានរៀបចំបន្ទប់ខ្លះសម្រាប់ភ្ញៀវដែលចង់មកស្នាក់នៅក្នុងរយៈពេលយូរថ្ងៃ ដែលបំពាក់នូវឧប្បករណ៍ សម្ភារ:ផ្ទះបាយ មានទាំងម៉ាស៊ីនបោកគក់ និងទូរទឹកកកខ្នាតធំ។
លើសពីនេះ ស្កាយបារ (White Lounge Restaurant and Bar) នៅជាន់ទី២២ ក្រៅពីមានភេសជ្ជ: និងម្ហូបឆ្ងាញ់ៗដែលចាប់បើកពីម៉ោង១១ព្រឹកដល់ម៉ោង១១យប់ ក៏ជាកន្លែងលំហែរពីការនឿយហត់ កំដរដោយខ្យល់រំភើយ និងទេសភាពផ្លូវថ្នល់ អគារ និង ទន្លេបួនមុខលាតសន្ធឹងល្វឹងល្វើយនៅពីមុខយើង។
អ្នកស្រីបញ្ជាក់ថា ក្នុងរយ:ពេលប្រូម៉ូសិន ៣ខែដំបូង គឺខាងសណ្ឋាគារ ផ្តល់ជូនតម្លៃពិសេសទាំងបន្ទប់ស្នាក់នៅ និង ភោជនីយដ្ឋានស្កាយបារ។
ក្រៅពីនេះសណ្ឋាគារ និង អាផាតមិន POULO WAI គឺបានចូលរួមក្នុងការអភិវឌ្ឍន៍ប្រទេសជាតិយើងទាំងវិស័យទេសចរណ៍ និង វិស័យវិជ្ជាជីវ: ដោយផ្តល់ការងារជូនប្រជាជនខ្មែររហូតដល់ទៅ ២២០ នាក់៕
សម្រាប់ព័ត៌មានបន្ថែម ០២៣ ២១១ ៦៦៦ ឬអ៊ីម៉េល bookroom@poulowaihotel.com។ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ