ដើម្បីបានជាប្រយោជន៍សម្រាប់កុលបុត្រយកទៅប្រតិបត្តិប្រចាំថ្ងៃ ព្រះពុទ្ធសាសនាបានបង្ហាញនូវតួនាទីនីមួយៗដូចតទៅ ។
តួនាទីរបស់មាតាបិតា៥យ៉ាងគឺៈ ១- ហាមមិនឲ្យកូនធ្វើសេចក្ដីអាក្រក់ ២- ឲ្យកូនតាំងនៅក្នុងសេចក្ដីល្អ ៣- ឲ្យកូនសិក្សាសីល្ប៍វិជ្ជាផ្សេងៗ ៤- រកភរិយាស្វាមីដែលសមគួរឲ្យកូន ៥- ប្រគល់ទ្រព្យឲ្យកូនក្នុងសម័យដ៏សមគួរ ។
តួនាទីរបស់បុត្រធីតា ៥ យ៉ាង ១- ត្រូវចិញ្ចឹមថែរក្សាមាតាបិតា ២- ត្រូវជួយធ្វើកិច្ចការរបស់មាតាបិតា ៣- តាំងរក្សាវង្សត្រកូលឲ្យល្អ ៤- ប្រព្រឹត្តខ្លួនឲ្យជាអ្នកគួរទទួលមត៌ក ៥- កាលមាតាបិតាអស់ជីវិតហើយគប្បីធ្វើបុណ្យឧទ្ទិសឲ្យលោក ។
សូមសាធុជនយកចិត្តទុកដាក់ក្នុងការអានតួនាទីរបស់ខ្លួនដោយក្ដីគោរពចុះ ។ សាន សារិន
ចែករំលែកព័តមាននេះ