មហាសេដ្ឋី Tesla និយាយអ្វីពេលលោក Bill Gates ទិញរថយន្ត Porsche ?
លោកមហាសេដ្ឋី ប៊ីល ហ្គេតស៍ (Bill Gates) និង អ៊ីឡុន ម៉ាស (Elon Musk)…
លោកមហាសេដ្ឋី ប៊ីល ហ្គេតស៍ (Bill Gates) និង អ៊ីឡុន ម៉ាស (Elon Musk)…
លោកមហាសេដ្ឋី ប៊ីល ហ្គេតស៍ (Bill Gates) និង អ៊ីឡុន ម៉ាស (Elon Musk) មានទស្សនៈខុសគ្នាយ៉ាងខ្លាំងក្នុងវិស័យបច្ចេកវិទ្យា ។ ជាក់ស្តែង អ្នកទាំងពីរសុទ្ធតែជាស្គ្រិន និងមហាសេដ្ឋីដែលត្រូវបានមនុស្សទទួលស្គាល់ជុំវិញពិភពលោក ប៉ុន្តែទស្សនៈដែលអ្នកដទៃមានលើអ្នកទាំងពីរគឺស្ទើរតែផ្ទុយគ្នាទាំងស្រុង ។
ក្នុងពេលថ្មីៗនេះ លោក ហ្គេតស៍ បានសម្រេចចិត្តទិញរថយន្ត Porsche Taycan និងបានចែករំលែកថា «វាជារថយន្តដែលមានតម្លៃខ្ពស់ពិតមែន តែវាពិតជាឡូយណាស់! វាជារថយន្តអគ្គិសនីដំបូងរបស់ខ្ញុំ ហើយខ្ញុំពិតជាចូលចិត្តវាណាស់» ។
ការសម្រេចចិត្តនេះបានធ្វើឲ្យលោកមហាសេដ្ឋី ម៉ាស មិនពេញចិត្តឡើយព្រោះ Porsche ប្រៀបបានជាដៃគូប្រកួតប្រជែងធំមួយក្នុងវិស័យរថយន្តអគ្គិសនី ។ ជាលទ្ធផល ពេលដែលមានការចង្គុលបង្ហាញថា ការសម្រេចចិត្ត និងប្រសាសន៍របស់លោក ហ្គេតស៍ អាចធ្វើឲ្យអតិថិជនងាកចេញពី Tesla របស់លោក ម៉ាស ព្រោះមនុស្សគិតថាលោក ហ្គេតស៍ ជាបុរសដ៏ឆ្លាតវៃ លោក ម៉ាស បានឆ្លើយតបលើ Twitter របស់លោកថា ការសន្ទនាដែលលោកមានជាមួយនឹងលោក ហ្គេតស៍ គ្មានអ្វីអស្ចារ្យទេ ដែលដូចជាចង់ប្រាប់ថាលោក ហ្គេតស៍ មិនមែនជាមនុស្សដែលឆ្លាតវៃដូចអ្នកដទៃគិតឡើយ ។
ការឆ្លើយតបនេះអាចក្លាយជាមេរៀនសំខាន់មួយសម្រាប់អាជីវករដែលចង់ជោគជ័យ ។ មេរៀននោះគឺ អ្នកមិនគួរខ្វល់ខ្វាយពីជម្រើសរបស់អតិថិជនម្នាក់ដែលបានជ្រើសរើសផលិតផលរបស់ដៃគូប្រកួតប្រជែងរបស់អ្នកឡើយ ជាពិសេសនៅពេលដែលអតិថិជនម្នាក់នោះក៏បានកោតសរសើរផលិតផល និងក្រុមហ៊ុនរបស់អ្នកដែរ ។
ហើយក្នុងនាមជាសហគ្រិនមួយរូប វាអាចជាកំហុសឆ្គងដ៏ធំមួយពេលដែលអ្នកអនុញ្ញាតឲ្យរឿងបែបនេះប៉ះពាល់ដល់មុខមាត់របស់អ្នក ។ ប្រាកដណាស់ អ្នកមានសិទ្ធិក្នុងការអាក់អន់ចិត្ត តែអ្នកមិនគួរបង្ហាញវាឲ្យសាធារណជនដឹងឡើយ ៕
ចែករំលែកព័តមាននេះ