ខេត្តព្រះសីហនុ ៖ សារពីប្រជាពលរដ្ឋ សូមលោកចៅសង្កាត់លេខ៤ មេត្តាអញ្ជើញមើលសំរាម នៅមុខសាលាសង្កាត់តែម្ដង ។ នេះបើយោងតាមផេកប្រជាជន ខេត្តព្រះសីហនុ បានផ្សព្វផ្សាយមុននេះបន្តិច ។
ដោយលោកបានសរសេរបន្តថា តើលោកចៅសង្កាត់រាល់ថ្ងៃរវល់អ្វីដែរ ទើបសូម្បីមុខសង្កាត់ខ្លួនក៏មើលមិនឃើញ ? ថ្នាក់ដឹកនាំខិតខំ និងយកចិត្តទុកដាក់ណាស់បញ្ហានេះ ដូច្នេះសូមលោកចៅសង្កាត់ មេត្តាសកម្មនឹងការងារបន្ដិច ធ្វើជាគំរូសម្រាប់បងប្អូនប្រជាពលរដ្ឋផង ។
លោក គួច ចំរើន ៖ ចាប់ពីពេលនេះ ម៉ោងនេះ គឺសុំ លោកចៅសង្កាត់/មេឃុំ សកម្មនឹងការងារ ក្នុងនាមតំណាងប្រជាពលរដ្ឋ ដឹកនាំធ្វើយ៉ាងណា ឱ្យឃុំ/សង្កាត់របស់ខ្លួន ក្លាយជាឃុំ/សង្កាត់គំរូ ហើយជាមេឃុំ/ចៅសង្កាត់ ដែលប្រជាពលរដ្ឋគោរពស្រឡាញ់ និងគាំទ្រ ។ ចំពោះឃុំ/សង្កាត់ ដែលអសកម្មការងារក៏នឹងឧស្សាហ៍បានឃើញក្នុងផេកច្រើនហើយ និងសូមកុំភ្លេច អភិក្រមទាំង៥ របស់ប្រមុខរាជរដ្ឋាភិបាល សម្ដេចតេជោ ហ៊ុន សែន ។
បញ្ជាក់ ៖ បច្ចុប្បន្ននេះខេត្តព្រះសីហនុកំពុតែរៀបចំកែច្នៃ ធ្វើយ៉ាងណាឲ្យទេសភាពស្អាត និងបរិស្ថានមានភាពស្រសស់បំព្រង ហើយទាក់ទាញភ្ញៀវទេសចរផងដែរ ដើម្បីឲ្យពលរដ្ឋរកប្រាក់ចំណូលសម្រាប់គ្រួសាររបស់ខ្លួន ៕
ចែករំលែកព័តមាននេះ