ខេត្តកណ្តាល ៖ ស្ទើរជារៀងរាល់ថ្ងៃ បុរសម្នាក់បានក្រោយពីដំណេកពីព្រលឹមស្រាង ដើម្បីរៀបចំសម្ភា រៈមានខ្សែ និងកណ្តៀវយកទៅច្រូតស្មៅគោលក់ ដើម្បីបានប្រាក់ផ្តត់ផ្គង់ ចឹញ្ចឹម គ្រួសារជាប្រចាំងថ្ងៃ ។
បុរសម្នាក់វ័យប្រមាណ៤០ឆ្នាំ បុរស់ម្នាក់សុំមិនបញ្ចេញឈ្មោះតែមានប្រព័ន្ធឈ្មោះ ស៊ី ណេត និងមានកូនក្នុងបន្ទុកគ្រួសាររស់នៅក្នុងភូមិព្រែថី ឃុំរកាខ្ពស់ ស្រុកស្អាង ខេត្តកណ្តាលបានឲ្យដឹងលោកបានក្រោយពីដំណេកតាំងពីម៉ោង៥ព្រឹក ដើម្បីច្រូតស្មៅគោយកទៅលក់បោះឲ្យម៉ូយជាប្រចាំ ។ ខណៈដែលកំពុងច្រូតស្មៅយ៉ាងញាប់ដៃ លោកក៏បានឲ្យដឹងថា ក្នុងមួយថ្ងៃលោកច្រូតស្មៅបានចន្លោះពី៦០ ទៅ១០០ដុំ ដើម្បីយកទៅលក់ឲ្យម៉ូយដាក់ឡានយកទៅលក់បន្តដោយស្មៅមួយដុំមានតម្លៃពី១៤០០រៀលទៅ១៥០០រៀល ។
លោកបញ្ជាក់ថា ៖«របរច្រូតស្មៅគោលក់ ល្អម្យ៉ាងដែរ អាចចឹញ្ចឹមកូន ឬផ្គត់ផ្គងកូនទៅរៀនបានខ្លះ ដោយក្នុងមួយថ្ងៃអាចលក់បានពីជាង១០ម៉ឺន ទៅ២០ម៉ឺនរៀលដែរ ប៉ុន្តែតាមការចង់បានរបស់ម៉ូយផងដែរ» ។ លោកក៏បានឲ្យដឹងថា ទៀតថា ស្មៅដែលលោកកំពុងច្រូតជាស្មៅដាំ ដោយពេលច្រូតរួចលោកបានបាចជីសក្នុងមួយខែម្តង ដើម្បីឲ្យវាឆាប់លូតវែង និងឆាប់ច្រូតលក់ទៀត ។ លោកថា ម៉ូយអាចកុម្មង់ស្មៅ ដើម្បីយកទៅលក់ ឬឲ្យគោស៊ីរាលថ្ងៃបានព្រោះថា បើអស់ស្មៅដែលលោកដាំនេះ លោកនឹងដើរច្រូតតាមកន្លែងផ្សេងៗ ដើម្បីយកមកលក់ផង ។
បុរសដដែលក៏បានលើកឡើងទៀតថា តម្លៃស្មៅបានលក់ខុសគ្នារវាងរដូវប្រាំង និងរដូវវស្សាដោយនៅរដូវប្រាំងស្មៅចងដុំតូច ប៉ុន្តែលក់បានថោកជារដូវវស្សា គឺរដូវស្សាចង់ ដុំធំលក់បានមួយដុំពី១៧០០រៀលទៅ១៨០០រៀល ។ លោកថា នៅរដូវវស្សាស្មៅដែលច្រូតលក់នោះពេលខ្លះដាំ និងពេលទៅច្រូតនៅបឹងដោយដាក់ដឹកទូកទៅច្រូត ។
ចំណែកអ្នកមីងម្នាក់ដែលប្រកបរបទិញស្មៅលក់នៅភូមិ ឃុំខាងលើបានឲ្យដឹងថា អ្នកមីងបានទិញស្មៅពីគេមកលក់បន្ត ដោយយកលក់ក្នុងមួយដុំចំណេញ១ ឬ២រៀលប៉ុណ្ណោះ ។ ក្នុងមួយថ្ងៃអ្នកមីងលក់បានប្រមាណចន្លោះពី១០០ដុំ ទៅ២០០ដុំ ឬច្រើនជាងនេះ បើមានគេកុំម្ម៉ង់ ។ អ្នកមីងបានឲ្យដឹងទៀតថាស្មៅដែលអ្នកមីងទិញមកពីអ្នកភូមិដើរច្រូតតាមភូមិ ឬស្មៅដាំតាមដីចម្ការរបស់គេ ។
សូមជម្រាបថា បច្ចុប្បន្ននេះគេសង្កេតឃើញថា ចំនួនសត្វគោចិញ្ចឹមតាមផ្ទះមានការថយចុះជាងកាលពីប្រមាណ១០ឆ្នាំមុន ព្រោះថា ប្រជាកសិករមួយចំនួនបានបោះបង់ចោលការចិញ្ចឹម គោ ដើម្បីភ្ជួររាស់ដី ដាំដំណាំ ដោយបែរជានាំគ្នារមកប្រើកម្លាំងម៉ាស៊ីនគោយន្តជំនួសវិញ ៕
ចែករំលែកព័តមាននេះ