ព្រះពុទ្ធសាសនាមិននិយាយថា មានតែពុទ្ធសាសនិកប៉ុណ្ណោះដែលទទួលផលនៅជាតិក្រោយនោះទេ ។ តាមព្រះពុទ្ធសាសនា កន្លែងណាដែលយើងនឹងកើតទៀតបន្ទាប់ពីជាតិនេះ មិនមែនអាស្រ័យលើសាសនានោះទេ ។ តាមពិតគ្មានតម្រូវការដើម្បីបួងសួង គោរព ឬសូម្បីតែមានជំនឿលើព្រះសម្មាសម្ពុទ្ធក៏នឹងនាំឲ្យល្អទៅជាតិក្រោយនោះក៏ទេដែរ ។
អ្វីដែលកើតឡើងចំពោះយើងទាំងអស់គ្នានៅជាតិក្រោយ គឺវាអាស្រ័យលើយើងទាំងអស់គ្នា ប្រព្រឹត្តធ្វើនូវអំពើយ៉ាងណានៅក្នុងបច្ចុប្បន្នជាតិនេះតែប៉ុណ្ណោះ ។ មាគ៌ាទៅកាន់ឋានសួគ៌ គឺមិនមែនដោយសារជំនឿ ឬការគោរពបូជានោះទេ ប៉ុន្តែតាមរយៈការធ្វើនូវអំពើល្អ ហើយចៀសវាងការធ្វើនូវអំពើអាក្រក់ ។
ព្រះសម្មាសម្ពុទ្ធទ្រង់មិនបានសម្ដែងថា ការគោរពចំពោះព្រះតថាគត អ្នកនឹងត្រូវបានសោយនូវសេចក្ដីសុខនោះឡើយ ។ ព្រះអង្គទ្រង់មិនបានគំរាមកំហែងដាក់ទណ្ឌកម្មនរណាម្នាក់ថា អ្នកត្រូវតែជឿព្រះអង្គ ឬត្រូវតែធ្វើតាមពាក្យប្រៀនប្រដៅរបស់ព្រះអង្គក៏ទេដែរ សាងល្អបានសុខ សាងបាបនាំទុក្ខ នេះជារឿងពិតនៃលោក ។ សាន សារិន
ចែករំលែកព័តមាននេះ