ខេត្តកំពង់ឆ្នាំង ៖ មានករណីអគ្គិភ័យឆេះជញ្ជ្រាំងស្រូវអស់ជិត៥ហិកតា និងរាលដាលចូលភូមិ បង្កការភ្ញាក់ផ្អើលដល់រថយន្តពន្លត់អគ្គីភ័យបាញ់ទឹកពន្លត់ទាន់ពេលវេលា ។ ពាក់ព័ន្ធនឹងករណីនេះ គេមិនទាន់ដឹងពីមូលហេតុនៅឡើយទេ ។ ហេតុការណ៍ខាងលើនេះបានកើតឡើងកាលពីវេលាម៉ោង១០និង៣០នាទីព្រឹកថ្ងៃទី២១…
ខេត្តកំពង់ឆ្នាំង ៖ មានករណីអគ្គិភ័យឆេះជញ្ជ្រាំងស្រូវអស់ជិត៥ហិកតា និងរាលដាលចូលភូមិ បង្កការភ្ញាក់ផ្អើលដល់រថយន្តពន្លត់អគ្គីភ័យបាញ់ទឹកពន្លត់ទាន់ពេលវេលា ។ ពាក់ព័ន្ធនឹងករណីនេះ គេមិនទាន់ដឹងពីមូលហេតុនៅឡើយទេ ។
ហេតុការណ៍ខាងលើនេះបានកើតឡើងកាលពីវេលាម៉ោង១០និង៣០នាទីព្រឹកថ្ងៃទី២១ ខែកុម្ភៈ ឆ្នាំ២០២០ នៅចំណុចវាលស្រែក្នុងភូមិទួលទ្រា ឃុំស្វាយជ្រុំ ស្រុករលាប្អៀរ ។
លោក អៀរ ប៊ុនធឿន ស្នងការរងនគរបាលខេត្តកំពង់ឆ្នាំង បានឱ្យដឹងថា ពេលគ្រោះអគ្គីភ័យឆាបឆេះជញ្ជ្រាំងស្រូវយ៉ាងសន្ធោសន្ឋៅ និងរាលដលមកដល់ភូមិ ធ្វើឲ្យអ្នកភូមិមានការព្រួយបារម្ភខ្លាចឆេះឆ្លងមកដល់លំនៅដ្ឋានរបស់ពួកគាត់ ហើយក៏រាយការណ៍ដល់នគរបាលឲ្យជួយអន្តរាគមន៍ ទើបរថយន្តពន្លត់អគ្គីភ័យរបស់ស្នងការដ្ឋាននគរបាលខេត្តកំពង់ឆ្នាំងបានចេញទៅជួយអន្តរាគមន៍បាញ់ទឹកពន្លត់ ដោយប្រើប្រាស់រថយន្តពន្លត់អគ្គិភ័យអស់ចំនួន៦គ្រឿង ទើបគ្រប់គ្រងសភាពការណ៍បាន ។
លោកស្នងការរងនគរបាលខេត្តបានបញ្ជាក់ថា អគ្គីភ័យបានឆេះជញ្ជ្រាំងស្រូវអស់ប្រមាណជាជិត៥ហិកតា ហើយលោកសំណូមពរដល់ប្រជាពលរដ្ឋ សូមប្រុងប្រយ័ត្នអោយបានខ្ពស់បំផុត ព្រោះពេលនេះជារដូវរាំងស្ងួតងាយនឹងកើតមានគ្រោះអគ្គិភ័យណាស់ ៕ (កែសម្រួលដោយ ៖ ធីតា)
ចែករំលែកព័តមាននេះ