ខេត្តព្រះសីហនុ ៖ នាព្រឹកថ្ងៃទី២១ ខែកុម្ភៈ ឆ្នាំ២០២០ នៅអធិការដ្ឋានគរបាលស្រុកព្រៃនប់ មានបើកកិច្ចប្រជុំផ្សព្វផ្សាយផែនការសកម្មភាពការរឹតបន្តឹងអនុវត្តច្បាប់ចរាចរណ៍ផ្លូវគោកឆ្នាំ២០២០ ដល់នគរបាលជំនាញក្នុងស្រុកទាំង៣គឺស្រុកកំពង់សិលា ស្រុកព្រៃនប់ និងស្រុកស្ទឹងហាវ…
ខេត្តព្រះសីហនុ ៖ នាព្រឹកថ្ងៃទី២១ ខែកុម្ភៈ ឆ្នាំ២០២០ នៅអធិការដ្ឋានគរបាលស្រុកព្រៃនប់ មានបើកកិច្ចប្រជុំផ្សព្វផ្សាយផែនការសកម្មភាពការរឹតបន្តឹងអនុវត្តច្បាប់ចរាចរណ៍ផ្លូវគោកឆ្នាំ២០២០ ដល់នគរបាលជំនាញក្នុងស្រុកទាំង៣គឺស្រុកកំពង់សិលា ស្រុកព្រៃនប់ និងស្រុកស្ទឹងហាវ ក្រោមវត្តមានលោកឧត្តមសេនីយ៍ត្រីអុី សុខា ស្នងការងទទួលការងារផែនសណ្តាប់ធ្នាប់និងចរាចរណ៍នៃស្នងការដ្ឋាននគរបាលខេត្តព្រះសីហនុ ។
លោកឧត្តមសេនីយ៍ស្នងការរងថ្លែងថា ដោយមានការណែនាំជាពិសេសពីលោកឧត្តមសេនីយ៍ទោជួន ណារិន្ទ ស្នងការនគរបាលខេត្តព្រះសីហនុ អោយកងកម្លាំងនគរបាលជំនាញ ត្រួតពិនិត្យនិងអនុវត្តន៍ វិធានការច្បាប់ និងផ្សព្វផ្សាយទូលំទូលាយអំពីច្បាប់ចរាចណ៍ផ្លូវគោក ទាំងគោលការណ៍រួម ការយល់ដឹងពីច្បាប់ និងនីតិវិធីតុលាការ ការប្រាស្រ័ទាក់ទងជាមួយប្រជាពលរដ្ឋដើម្បីកាត់បន្ថយគ្រោះថ្នាក់ចរាចរណ៍។
កិច្ចប្រជុំខាងលើនេះក៏មានការពិភាក្សាផងដែរ ក្នុងនោះអធិការនគរបាលតាមបណ្តាស្រុកទាំង៣ក៍បានលើកឡើងពីបញ្ហាប្រឈមមួយចំនួនពាក់ព័ន្ធគ្រោះថ្នាក់ចរាចរណ៍ ដើម្បីរួមគ្នាដោះស្រាយ ព្រមជាមួយនឹងការផ្សព្វផ្សាយពីភារៈកិច្ចរបស់សមត្ថកិច្ចនគរបាលចរាចរណ៍ និងនិតិវិធីតុលាការ ឧទ្ទេសនាមដោយលោកវរសេនីយ៍ឯកព្រហ្ម ពៅ នាយការិយាលយ័នគរបាលចរណ៍ផ្លូវគោក ខេត្តព្រះសីហនុ ៕ (កែសម្រួលដោយ ៖ ធីតា)
ចែករំលែកព័តមាននេះ