រាជធានីភ្នំពេញ ៖ អ្នកនាងឌួង ហ្សូរីដា បានស្ដីឲ្យក្រុមហ៊ុនលក់រថយន្តមួយដែលមិនគោរពកិច្ចសន្យា បន្ទាប់ពីនាងបញ្ជាទិញរថយន្តថ្មីមួយគ្រឿងមិនបាន ។ ដូច្នេះហើយនាងប្តូរចិត្តទិញរថយន្តថ្មីផ្សេងវិញ ។ ដោយមិនបញ្ចេញឈ្មោះក្រុមហ៊ុនណាមួយ…
រាជធានីភ្នំពេញ ៖ អ្នកនាងឌួង ហ្សូរីដា បានស្ដីឲ្យក្រុមហ៊ុនលក់រថយន្តមួយដែលមិនគោរពកិច្ចសន្យា បន្ទាប់ពីនាងបញ្ជាទិញរថយន្តថ្មីមួយគ្រឿងមិនបាន ។ ដូច្នេះហើយនាងប្តូរចិត្តទិញរថយន្តថ្មីផ្សេងវិញ ។
ដោយមិនបញ្ចេញឈ្មោះក្រុមហ៊ុនណាមួយ ឌួង ហ្សូរីដា បានចោទប្រកាន់ថា មិនមានភាពទទួលខុសត្រូវ ។ នាងចំអកបុគ្គលថ្នាក់ក្រោមមួយចំនួនទៀតដែលហាក់មិនចេះធ្វើការងារជុំវិញបញ្ហាដែលបានកើតឡើងចំពោះនាងនាពេលនេះ ។
ឌួង ហ្សូរីដា បានសរសេរសារពាក់ព័ន្ធបង្ហោះលើហ្វេសប៊ុកថា «ក្រុមហ៊ុនមួយ…ដែលធ្លាប់ជិះឡានគាត់ជិត៦ឆ្នាំ ប្តូរសេ៊រីសុទ្ធតែបកពីកេស ២ឡានហើយ តែត្រូវស្មាលាឈប់ជិះ និងសូមផ្តាំផ្ញើទៅអ្នកទិញដទៃទៀត ប្រយត្ន័ប្រយែង ត្រឹមឡានផលិតនៅ…សោះ…! ហើយអាណិតថៅកែណាស់ ដែលមានបុគ្គលិកតាំងពីថ្នាក់ក្រោមដល់លើ គ្មានចេះធ្វើការ គ្មានការទទួលខុសត្រូវ និយាយត្រលប់ត្រឡិន កក់លុយយកឡានស៊េរីថ្មី ២០២០ តាំងពីខែធ្នូ ២០១៩ ដល់ឡានយើងមកដល់ លក់ឲ្យគេផ្សេងទៀត ពន្យារមួយខែហើយមួយខែទៀត។ មានលុយទិញឡានហើយ ម្តេចក៏មានអារម្មណ៍ថា អត់តម្លៃសោះអ៊ីចឹង សំខាន់មិនមែនជាតារាទាមទារការបញ្ចុះតម្លៃដើម្បីថតផ្សាយឲ្យក្រុមហ៊ុនទេណា…! ខ្ញុំទិញតម្លៃដូចគេ ឯងតើលោក….! »។
សាររបស់ឌួង ហ្សូរីដា ដែលបានបង្ហោះនាពេលនេះបានធ្វើឡើងបន្ទាប់ពីនាងបានបង្ហាញរថយន្តថ្មីមួយគ្រឿង ដែលនាងទើបតែទិញ ដើម្បីទុកជាកាដូជូនម្តាយរបស់នាងដែលមានតម្លៃប្រមាណជិត៧ម៉ឺនដុល្លារ ។ រថយន្តថ្មីនេះទំនើប និងកំពុងពេញនិយមសម្រាប់គ្រួសារដែលទាន់សម័យ ។
យ៉ាងណាក៏ដោយឌួង ហ្សូរីដា បានអះអាងថា រថយន្តថ្មីមួយនេះនាងមិនបានទិញប្រើប្រាស់សម្រាប់ខ្លួននាងផ្ទាល់នោះទេ ពោលគឺនាងទិញជាកាដូសម្រាប់ម្តាយរបស់នាង សម្រាប់ជិះទៅចូលរួមកម្មវិធីផ្សេងៗ ក្នុងពេលដែលនាងនៅតែប្រើប្រាស់នូវរថយន្តចាស់របស់នាងដដែល ។
ឌួង ហ្សូរីដា គឺជាតារាមួយរូបដែលត្រូវបានគេកត់សម្គាល់ឃើញថា រស់នៅក្នុងជីវភាពដ៏ហ៊ឺហា ដោយមានផ្ទះវីឡា និងឡានទំនើបសម្រាប់ប្រើប្រាស់មិនចាញ់តារាមួយចំនួនទៀតឡើយ បើទោះបីជាពេលនេះនាងហាក់មានការយាលច្រើនពីការងារសិល្បៈ ។
នាងមានមុខជំនួញផ្នែកសម្អាងការដ៏ធំទុនរាប់ម៉ឺនដុល្លារ ហើយជា រឿយៗគេក៏តែងឃើញវត្តមានរបស់នាងចូលរួមក្នុងកម្មវិធី ផ្សេងៗទាំងផ្នែករដ្ឋ និងឯកជន ជាពិសេសនាងឧស្សាហ៍បង្ហាញខ្លួនជួយការងារសង្គមជាបន្តបន្ទាប់ ។ យ៉ាងណាក៏ដោយ បើទោះបីជាទទួលភាពជោគជ័យទាំងសិល្បៈ ជំនួញ និងការងារបែបនេះក្តី ប៉ុន្តែរហូតមកទល់ពេលនេះ ឌួង ហ្សូរីដា ហាក់មិនទាន់បានបញ្ចេញអត្តសញ្ញាណគូស្នេហ៍ណាមួយពិតប្រាកដនៅឡើយទេ ក្នុងពេលដែលវ័យរបស់នាងហាក់កាន់តែជ្រេបន្តិចទៅហើយ ៕ (កែសម្រួលដោយ ៖ បុប្ផា)
ចែករំលែកព័តមាននេះ