អ្នកចាត់ការក្រុម Man Utd ចេញមកបញ្ជាក់ពីស្ថានភាពរបួសរបស់ Marcus Rashford
តាមប្រភពព័ត៌មានពី BBC បានឱ្យដឹងថា បើតាមការបញ្ជាក់ពីលោក Ole Gunnar Solskjær អ្នកចាត់ការក្រុមបិសាចក្រហម Manchester United…
តាមប្រភពព័ត៌មានពី BBC បានឱ្យដឹងថា បើតាមការបញ្ជាក់ពីលោក Ole Gunnar Solskjær អ្នកចាត់ការក្រុមបិសាចក្រហម Manchester United បានបញ្ជាក់ថា បញ្ហារបួសរបស់ខ្សែប្រយុទ្ធ Marcus Rashford គឺធ្ងន់ធ្ងរជាងការរំពឹងទុករបស់ក្លិប ហើយវានឹងកាន់តែប៉ះពាល់ខ្លាំង ប្រសិនបើគេបង្ខំចិត្តលេងម្តងទៀតនៅរដូវកាលនេះ។
គួររំលឹកថា កីឡាករ Rashford បានរងរបួសខ្នងកំឡុងពេលប្រកួតពានរង្វាន់ FA Cup ជុំទី៣ ទល់នឹងក្រុម Wolves កាលពីថ្ងៃទី១៥ ខែមករាកន្លងទៅ។ អ្នកចាត់ការទូទៅវ័យ៤៦ឆ្នាំបាននិយាយថា «យើងមិនអាចបង្ខំក្នុងដំណើរការព្យាបាលរូបគេបានឡើយ។ យើងគ្រាន់តែសង្ឃឹមថាគេនឹងអាចលេងម្តងទៀតនៅរដូវកាលនេះ»។
លោកបានបន្ថែមទៀតថា «គេបានស្កេនហើយវាធ្ងន់ធ្ងរជាងអ្វីដែលយើងបានរំពឹងទុក។ នៅពេលដែលគេជាសះស្បើយគេនឹងរឹងមាំជាងនេះ ដូច្នេះយើងមិនអាចបង្ខំគេបាននោះទេ» ៕ (កែសម្រួលដោយ ៖ ធីតា)
ចែករំលែកព័តមាននេះ