ទីបំផុត ថៃ ស្រីនាង ត្រូវបញ្ជូនទៅតុលាការហើយ (មានវីដេអូ)
- ភ្នំពេញ
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ទីបំផុត សមត្ថកិច្ចនគរបាលខណ្ឌទួលគោក នារសៀលថ្ងៃទី២០ ខែកុម្ភៈ ឆ្នាំ២០២០នេះ បានបញ្ជូនអ្នកស្រី វ៉ែន…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ទីបំផុត សមត្ថកិច្ចនគរបាលខណ្ឌទួលគោក នារសៀលថ្ងៃទី២០ ខែកុម្ភៈ ឆ្នាំ២០២០នេះ បានបញ្ជូនអ្នកស្រី វ៉ែន រចនា ហៅ ថៃ ស្រីនាង ជាអ្នកលក់ផលិតផលតាមអនឡាញ ទៅកាន់សាលាដំបូងរាជធានីភ្នំពេញហើយ ពាក់ព័ន្ធបទល្មើស ផុសរូបភាព និងសម្ភារៈអាសអាភាស យោងតាមមាត្រា៣៨ និងមាត្រា៣៩ ច្បាប់ស្តីពីការប្រឆាំងការជួញដូរមនុស្ស និងការពារអនីតិជន ។
សេចក្តីរាយការណ៍បន្តថា បទល្មើសខាងលើនេះ ជនជាប់ទោសអាចជាប់ពន្ធនាគារចាប់ពី ១ខែដល់១ឆ្នាំ ។
សូមបញ្ជាក់ថា កាលពីទី១៨ ខែកុម្ភ: ឆ្នាំ២០២០ ថៃ ស្រីនាង ត្រូវបានសមត្ថកិច្ចនាំខ្លួនយកមកធ្វើការអប់រំ ណែនាំ និងធ្វើកិច្ចសន្យា ចំពោះកំហុសឆ្គងដែលគាត់បានផុសរូបភាព និងវីដេអូឃ្លីប ដែលធ្វើឱ្យប៉ះពាល់ដល់ទំនៀមទម្លាប់ប្រពៃណី ជាពិសេសប៉ះពាល់យ៉ាងធ្ងន់ធ្ងរដល់កិត្តិយសរបស់ស្ត្រីខ្មែរ និងបានយល់ព្រមថតជាវីដេអូ ដើម្បីសុំទោសជាសាធារណៈនូវកំហុសរបស់គាត់ ។
បន្ទាប់ពីធ្វើកិច្ចសន្យា និងសារភាពកំហុសរួច នៅវេលាម៉ោង១១និង៣០នាទី ក៏បានអនុញ្ញាតឱ្យត្រឡប់ទៅផ្ទះវិញ ។ ស្រាប់តែម៉ោង២និង៣៥នាទីរសៀលថ្ងៃដដែល ថៃ ស្រីនាង នៅតែមិនរាងចាល ថែមទាំងផុសរូបអាក្រាតកាយ ដែលស្លៀកតែខោលីអូ ។ ខណៈពេលនេះ សំណុំរឿងគឺស្ថិតនៅតំណាងអយ្យការកំពុងធ្វើការសាកសួរ ៕ (កែសម្រួលដោយ ៖ បុប្ផា)
ចែករំលែកព័តមាននេះ