ប្រទេសចិន ៖ ចិនបានខិតខំប្រឹងប្រែងគ្រប់បែបយ៉ាង ដើម្បីព្យាបាលបណ្ដាអ្នកជំងឺឆ្លងវីរុសCOVID-19 នៅវូហាន ជាចំណុចកណ្ដាលនៃការឆ្លងខណៈចំនួនគ្រែពេទ្យសម្រាប់អ្នកជំងឺបង្កើនដល់ប្រមាណជា៤០.០០០គ្រែហើយបុគ្គលិកពេទ្យ មានដល់ជាង៣០.០០០នាក់។
ឧបនាយលរដ្ឋមន្ត្រីចិនលោកស្រីSUN CHUNLAN ជាប្រមុខនៃក្រុមមួយរបស់រដ្ឋាភិបាលកណ្ដាល ដែលដឹកនាំការត្រួតពិនិត្យការឆ្លងនៅលើទីលាន បានទៅសួរសុខទុក្ខបណ្ដាបុគ្គលិកសុខាភិបាល ដែលស្ថិតនៅជួរមុខក្នុងក្រុងវូហាន ហើយបានផ្ដល់ការណែនាំលើការព្យាបាល បណ្ដាអ្នកជំងឺឲ្យអស់ពីកម្លាំងកាយចិត្ត។
លោកស្រីអំពាវនាវដល់បណ្ដាបុគ្គលិកពេទ្យឲ្យធ្វើការខិតខំប្រឹងប្រែងដើម្បីព្យាបាល បណ្ដាអ្នកជំងឹធ្ងន់សំដៅកាត់បន្ថយអត្រាអ្នកបាត់បង់ជីវិត។
ប្រធានាធិបតីចិនលោកស៊ីជីនពីងបានអំពាវនាវឲ្យមានការយកចិត្តទុកដាក់ខ្លាំង ដល់ការការពារនិងព្យាបាលបណ្ដាបុគ្គលិកសុខាភិបាលដើម្បីធានា ឲ្យពួកគេមានសុខភាពល្អហើយនៅតែមានថាមពល សំដៅតតាំងឲ្យបានឈ្នះប្រឆាំងវីរុស។
ដោយចាត់ទុកបណ្ដាបុគ្គលិកសុខាភិបាលថាជាឆ្អឹងខ្នង ក្នុងសង្គ្រាមប្រឆាំងការឆ្លង លោកស៊ីបានសង្កត់ធ្ងន់លើភាពចាំបាច់ ផ្ដល់ដល់ពួកគេនូវការគាំទ្រជាសកល ដើម្បីធានាដល់ការលើកទឹកចិត្ត និងបង្កើនថាមពលរបស់ពួកគេ។
លោកស៊ីគូសបញ្ជាក់ពីការខិតខំប្រឹងប្រែងនានា ដើម្បីជួយសម្រាលការបាក់ទឹកចិត្តរបស់បុគ្គលិកពេទ្យ ផ្ដល់ឲ្យពួកគេបណ្ដាផលិតផលដែលចាំបាច់ និងគ្រោងឲ្យមានពេលសម្រាកនិងជួយលើកទឺកចិត្ត។
តាំងពីចាប់ផ្ដើមការឆ្លងរាលដាលនៃវីរុសCOVID-19មក បណ្ដាបុគ្គលិកពេទ្យបានធ្វើការទាំងថ្ងៃទាំងយប់លើរណសិរ្ស។ ពួកគេច្រើននាក់បានឆ្លងហើយមួយចំនួនបានពលីជីវិតដោយសារជួយបណ្ដាអ្នកជំងឺ៕ ដកស្រង់ចេញពីវេបសាយ ៖ xinhuanet (កែសម្រួលដោយ ៖ បុប្ផា)
ចែករំលែកព័តមាននេះ