បុរសម្នាក់ដែលបច្ចុប្បន្នកំពុងបម្រើការងារជាកម្មកររោងចក្រកាត់ដេរនៅម្ដុំជម្ពូវ័ន១ សង្កាត់ចោមចៅ១ សង្កាត់ពោធិ៍សែនជ័យ រាជធានីភ្នំពេញ មានសំណាងបានត្រូវរង្វាន់១០០លានរៀលពីភេសជ្ជៈប៉ូវកម្លាំងខារ៉ាបាវ។ បុរសដែលមានសំណាងម្នាក់នេះមានឈ្នោះ កុយ វណ្ណា អាយុ ២៨ឆ្នាំ…
បុរសម្នាក់ដែលបច្ចុប្បន្នកំពុងបម្រើការងារជាកម្មកររោងចក្រកាត់ដេរនៅម្ដុំជម្ពូវ័ន១ សង្កាត់ចោមចៅ១ សង្កាត់ពោធិ៍សែនជ័យ រាជធានីភ្នំពេញ មានសំណាងបានត្រូវរង្វាន់១០០លានរៀលពីភេសជ្ជៈប៉ូវកម្លាំងខារ៉ាបាវ។
បុរសដែលមានសំណាងម្នាក់នេះមានឈ្នោះ កុយ វណ្ណា អាយុ ២៨ឆ្នាំ បច្ចុប្បន្នស្នាក់នៅបន្ទប់ជួលនៅសង្កាត់កំបូល ខណ្ឌកំបូល រាជធានីភ្នំពេញ និងបម្រើការងារជាកម្មកររោងចក្រកាត់ដេរ ។
នៅចំពោះមុខក្រុមការងារ ជាអ្នកតំណាងក្រុមហ៊ុនចុះទៅប្រគល់ទឹកប្រាក់ចំនួន ១០០លានរៀល ដល់កន្លែងស្នាក់នៅដែលស្ថិតនៅទីតាំងភូមិសាស្ត្រខាងលើនេះ លោក កុយ វណ្ណា បានរៀបរាប់ប្រាប់ឱ្យដឹងថា ដោយសារតែកម្រិតជីវភាពមានការខ្វះខាត និងមានកូនស្រីម្នាក់នៅក្នុងបន្ទុកផងនោះ បច្ចុប្បន្ន លោកបានសម្រេចចាកចេញពីស្រុកកំណើតនៅឯភូមិកន្លង់ជុំ ឃុំផុស ស្រុកបសេដ្ឋ ខេត្តកំពង់ស្ពឺ មករស់នៅរាជធានីភ្នំពេញ ដោយបម្រើការងារជាកម្មកររោងចក្រកាត់ដេរ។
លោកបានបន្តទៀតថា ជារៀងរាល់ថ្ងៃ នៅពេលដែលទៅធ្វើការនៅរោងចក្រកាត់ដេរ ហើយអស់កម្លាំង លោកតែងទិញភេសជ្ជៈប៉ូវកម្លាំង ខារ៉ាបាវ ទទួលទានជាប់ជាប្រចាំ។ ដោយឡែក ស្រាប់តែកាលពីចុងសប្ដាហ៍កន្លងទៅនេះ បន្ទាប់ពីសម្រាកពីការងាររោងចក្រ លោកក៏ពឹងបងស្រីដែលរស់នៅ និងធ្វើការជាមួយគ្នាឱ្យជួយទិញភេសជ្ជៈខារ៉ាបាវចំនួនមួយកំប៉ុងសម្រាប់ទទួលទាននៅពេលត្រឡប់ទៅផ្ទះវិញ។
លុះពេលគាស់ក៏ស្រាប់តែឃើញមានរង្វាន់១០០លានរៀលនៅនឹងក្រវិលកំប៉ុងតែម្ដង។ ភ្លាមនោះលោកពិតជារីករាយ និងរំភើបជាខ្លាំង ហើយក៏ស្រែកហៅអ្នកជិតខាងឱ្យជួយមើល និងទូរស័ព្ទប្រាប់ដំណឹងដល់ក្រុមហ៊ុនតែម្ដង ។
លោកបានបញ្ជាក់ថា ក្រោយពីទទួលបានប្រាក់រង្វាន់ធំ ១០០លានរៀលនេះ លោកនឹងយកមួយចំនួនសាងសង់ផ្ទះសម្រាប់រស់នៅឯស្រុកកំណើតឱ្យបានសមរម្យ ហើយនឹងឈប់សម្រាកពីការងារជាកម្មកររោងចក្រកាត់ដេរ ទៅបង្កើតមុខរបរថ្មីសម្រាប់ផ្គត់ផ្គង់ជីវភាពគ្រួសារ និងការសិក្សារបស់កូនស្រីទៅថ្ងៃអនាគត ។
សូមបញ្ជាក់ផងដែរថា ជាការថ្លែងអំណរគុណចំពោះអតិថិជន ក្រុមហ៊ុន ភេសជ្ជៈប៉ូវកម្លាំង ខារ៉ាបាវ បានបង្កើនរង្វាន់យ៉ាងសន្ធឹកសន្ធាប់នូវចំនួនទឹកប្រាក់សុទ្ធ ១០០លានរៀល កើនឡើងដល់ ១០០ រង្វាន់ , បន្ថែមទឹកប្រាក់ចំនួន ១០ លានរៀល ចំនួន១០០ រង្វាន់, ទឹកប្រាក់ ១លានរៀលចំនួន ១០០០រង្វាន់ , ម៉ូតូ HONDA Dream កើនឡើងដល់ ១០០ រង្វាន់ , ទូរស័ព្ទដៃ iPhone កើនឡើងដល់ ១០០ រង្វាន់ រួមជាមួយការផ្តល់ជូនរង្វាន់1កំប៉ុង រាប់លានកំប៉ុង ដោយគ្មានការកំណត់នោះទេ ។
សូមចំណាំ ៖ សម្រាប់រង្វាន់ពិតប្រាកដ គឺមានតែនៅសម្បកកំប៉ុង ដែលមានអក្សរខ្មែរជាសញ្ញាសម្គាល់តែប៉ុណ្ណោះ ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ