រំពឹងប្រាក់ខែប្តីសងបំណុលគេ ! តែបែរជាមកដោះបំណុលបានដោយសារ វើក WURKZ ១កំប៉ុងទៅវិញ
- ភ្នំពេញ
អ្នកស្រី វ៉ាត ភី កសិករនៅស្រុកសណ្តាន់ ខេត្តកំពង់ធំ បានគាស់ឈ្នះរង្វាន់ ៥០លានរៀលពីភេសជ្ជៈប៉ូវកម្លាំង វើក WURKZ កាលពីថ្ងៃ…
អ្នកស្រី វ៉ាត ភី កសិករនៅស្រុកសណ្តាន់ ខេត្តកំពង់ធំ បានគាស់ឈ្នះរង្វាន់ ៥០លានរៀលពីភេសជ្ជៈប៉ូវកម្លាំង វើក WURKZ កាលពីថ្ងៃ ១៣ ខែកុម្ភៈកន្លងទៅ ធ្វើឱ្យម្តាយដែលមានកូនបីនាក់ក្នុងបន្ទុករូបនេះ អាចយកប្រាក់ទៅសងថ្លៃដី ដែលទើបនឹងទិញមិនទាន់បានមួយខែស្រួលបួលផងនោះ ។
អ្នកស្រីបានឱ្យដឹងថា៖ «ប៉ុន្តែ ៥០លានបានពី វើក នេះ ខ្ញុំនឹងយកទៅសងបំណុលដីទំហំ ២ហិចតាកន្លះ ដែលទើបទិញនៅខ្វះលុយគេប្រហែល ៥០០០ដុល្លារ ។ ហើយសល់ប៉ុន្មាននឹងទិញដីស្រែ ១ហិចតាទៀត ទុកចែកឱ្យកូនតែម្តង ព្រោះនេះរាប់ថា ជាទ្រព្យសំណាងប្រចាំជីវិតហើយ»។
អ្នកស្រីរំឭកអំពីមូលហេតុនៃការឈ្នះរង្វាន់នេះថា៖ «ខ្ញុំឱ្យកូនទៅទិញ វើក WURKZ ១កំប៉ុង ពេលដំបូងកូនគាស់អ៊ុតមើលនៅផ្ទះលក់ចាប់ហួយ ដល់តែឃើញលេខ ៥០ ស្រាប់តែកូនវារត់មកផ្ទះវិញស្រែកហៅខ្ញុំឱ្យមកជួយអ៊ុត ។ ដល់តែគាស់ដាច់ប៉ាច់ចេញ ៥០លានរៀល ។ ខ្ញុំធ្លាប់តែរំពឹងប្រាក់ខែប្តី ដែលទៅធ្វើការនៅម៉ាឡេស៊ីយកមកសងគេ តែដឹងអីបែរជា ១កំប៉ុងពី វើក WURKZ ជាអ្នកដោះបន្ទុកនេះទៅវិញ» ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ