រាជធានីភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានអះអាងថា នឹងបញ្ជូលមន្ត្រីពីក្រសួងមហាផ្ទៃ ដើម្បីចុះតាមមូលដ្ឋានបើកវេទិការបណ្តុះបណ្តាល ពង្រឹងភូមិ…
រាជធានីភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានអះអាងថា នឹងបញ្ជូលមន្ត្រីពីក្រសួងមហាផ្ទៃ ដើម្បីចុះតាមមូលដ្ឋានបើកវេទិការបណ្តុះបណ្តាល ពង្រឹងភូមិ ឃុំមាន សុវត្ថិភាពនៅពេលខាងមុខនេះ ។
សម្តេច ស ខេង បានថ្លែងក្នុងពិធីបើកសន្និបាតត្រួតពិនិត្យការងារ ឆ្នាំ២០១៩ លើកទិសដៅការងារឆ្នាំ២០២០ របស់ក្រសួងមហាផ្ទៃ នាព្រឹកថ្ងៃទី២០ ខែកុម្ភៈយ៉ាងដូច្នេះថា៖«ថ្នាក់ដឹកនាំក្រសួងមហាផ្ទៃនឹងចាត់ឲ្យមន្ត្រីក្រសួងចុះទៅធ្វើវេទិការសាធារណៈទាក់ទង និងការអនុវត្តគោលនយោបាយភូមិ ឃុំមានសុវត្ថិភាពដែលជាប្រធានបទមួយប៉ុណ្ណោះ» ។ សម្តេចបន្តថា ៖យើងយកតែប្រធានបទមួយនេះទេ ចំណែកប្រធានបទផ្សេងទៀតក្រុមការងារថ្នាក់ខេត្តដើម្បីធ្វើការងារនេះ អីញ្ចឹងសូមឲ្យមានការសហការគ្នាព្រោះថា រឿងភូមិ ឃុំមានសុវត្ថិភាពជារឿងសំខាន់ណាស់ ។
សម្តេចក្រឡាហោម បានគូសបញ្ជាក់ថា ៖«រឿងមូលដ្ឋានជារឿងគន្លឹះមួយដែលចាំបាច់ណាស់ កន្លងមកមានអង្កការអូស្ត្រាលីបានវាយតម្លៃថា ការអនុវត្តន៍ជាង៨០ភាគរយ យ៉ាងណាថ្នាក់ដឹកនាំក្រសួងមហាផ្ទៃ រដ្ឋលេខាធិការ អនុរដ្ឋលេខាធិការ ប្រធាននាយករដ្ឋាន អនុប្រធាន ត្រូវសហការគ្នាធ្វើវេទិការសាធារណៈ ទាក់ទងនិងរឿងភូមិឃុំមានសុវត្ថិភាពហ្នឹងដាក់តែប៉ុណ្ណឹង ។ យើងពង្រឹងអាហ្នឹងចំពោះការចូលរួមពីក្រសួងផ្សេងទៀតយើងស្វាគមន៍ » ។
ជាមួយគ្នានោះដែរសម្តេចក៏បានជំរុញឲ្យសមត្ថកិច្ចធ្វើកិច្ចសហប្រតិបត្តិការគ្នាក្នុងបង្ក្រាប និងទប់ស្កាត់បទល្មើសគ្រឿងញៀន បទល្មើសជួញដូរមនុស្ស និងល្មើសការជួញដូរផ្លូវភេទ និងបទល្មើរការជួញដូរផលិតផលក្លែងក្លាយឲ្យបានម៉ឹងម៉ាត់ និងឲ្យមានប្រសិទ្ធិភាព ។ សម្តេច ស ខេង គូសញ្ជាក់ ៖«បញ្ហាគ្រឿងញៀននេះកន្លងទៅយើងបានធ្វើបានច្រើន ដោយសមត្ថកិច្ចនគបាលយុត្តិធម៌បានបង្គ្រាបគ្រឿងញៀន ដោយមានការសហការពីសមត្ថកិច្ចរាជធានី ខេត្ត ដែលចាប់ពីយុត្តិធម៌នាការណ៍មកចាប់បានជាង១តោនហើយ ៕
ចែករំលែកព័តមាននេះ