រាធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ចៅក្រមស៊ើបសួរសាលាដំបូងរាជធានីភ្នំពេញ គឺលោកស្រី យ៉ិច ឈាណាវី បានសម្រេចឃុំខ្លួនជនជាតិជប៉ុនម្នាក់ ដាក់ពន្ធនាគារជាបណ្តោះអាសន្ន បន្ទាប់ពីតំណាងអយ្យការបានធ្វើការចោទប្រកាន់ជនជាតិជប៉ុនរូបនោះពីបទ.ជួញដូរ…
រាធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ចៅក្រមស៊ើបសួរសាលាដំបូងរាជធានីភ្នំពេញ គឺលោកស្រី យ៉ិច ឈាណាវី បានសម្រេចឃុំខ្លួនជនជាតិជប៉ុនម្នាក់ ដាក់ពន្ធនាគារជាបណ្តោះអាសន្ន បន្ទាប់ពីតំណាងអយ្យការបានធ្វើការចោទប្រកាន់ជនជាតិជប៉ុនរូបនោះពីបទ.ជួញដូរ និងដឹកជញ្ជូនគ្រឿងញៀនឆ្លងដែនដោយខុសច្បាប់ ។
សូមរំលឹកថា កាលពីយប់ថ្ងៃទី១៥ ខែកុម្ភៈ ឆ្នាំ២០២០ កម្លាំងសមត្ថកិច្ចគយ និងរដ្ឋាករ សហការជាមួយនគរបាលច្រកទ្វារ នឹងកម្លាំងជំនាញមន្ទីរប្រឆាំងគ្រឿងញៀន រួមសមត្ថកិច្ចពាក់ព័ន្ធ ប្រចាំអាកាសយានដ្ឋានអន្ដរជាតិភ្នំពេញ បានធ្វើឃាត់ខ្លួនជនជាតិជប៉ុនម្នាក់ បម្រុងនាំថ្នាំញឿនជាង១គីឡូ ក្រាមឆ្លងដែនទៅក្រៅប្រទេស ។
លោក លឹម សម្បត្តិ ប្រធានការិយាល័យគយ និងរដ្ឋាករ ប្រចាំអាកាសយានដ្ឋានអន្ដរជាតិភ្នំពេញ បានថ្លែងប្រាប់អ្នកសារព័ត៌មាននៅព្រឹកថ្ងៃទី១៧ ខែកុម្ភៈ នេះថា ជនសង្ស័យជាជនជាតិជប៉ុនដែលត្រូវឃាត់ខ្លួនឈ្មោះ NONAKA SHUNICHI ភេទប្រុស អាយុ៧២ឆ្នាំ កាន់លិខិតឆ្លងដែនលេខ TK 5670834 ធ្វើដំណើរតាមជើងយន្ដហោះលេខ KE 690 (ភ្នំពេញ-សេអ៊ូល) និងបន្ដដំណើរតាមជើងយន្ដហោះ KE 767 (សេអ៊ូល-អាម៉ូរី) ជាគោលដៅចុងក្រោយទៅកាន់ប្រទេសជប៉ុន ។
លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀនបានថ្លែងតាមរយៈទូរស័ព្ទឲ្យដឹងថា បុរសជនជាតិជប៉ុនដែលបម្រុងនាំថ្នាំញឿនឆ្លងដែនទៅចេញទៅប្រទេសក្រៅនោះ កំពុងស្ថិតក្នុងការសាកសួរនៅការិយាល័យទី១០ នៃមន្ទីរប្រឆាំងគ្រឿង ។
យ៉ាងណាក្តីជនសង្ស័យ នឹងវត្ថុតាងថ្នាំញៀនប្រភេទមេតំហ្វេតាមីន ប្រមាណជិត២ គីឡូក្រាម សមត្តកិច្ចរបស់លោក នឹងបញ្ជូនទៅកានសាលាដំបូងរាជធានីភ្នំពេញ នៅព្រឹកថ្ងៃទី ១៨ ខែកុម្ភៈ ក្រោយពីបញ្ចប់ការសាកសួរនោះ ។
លោក ឡឹក វណ្ណៈ អះអាងថា ជនសង្ស័យមានគោលដៅនាំថ្នាំញៀនពីប្រទេសកម្ពុជា ទៅកាន់ប្រទេសជប៉ុនយ៉ាងពិតប្រាកដ ដោយប្រើរូបភាពបង្កប់ក្នុងវ៉ាលិសដាក់ខោអាវ ៕ (កែសម្រួលដោយ ៖ បុប្ផា)
ចែករំលែកព័តមាននេះ