រាជធានីភ្នំពេញ ៖ ក្នុងពេលដែលលដែលធ្លាយដំណឹងថា តារាសម្តែង គៀត សុវណ្ណាឡាង និងលឹម ជាឡាយ បានរួមត្របាញ់គ្នាក្នុងភាពស្និតស្នាល ធ្វើឱ្យក្លាយជាការតាមដានយ៉ាងខ្លាំង។ អ្នកចូលចិត្តចង់ដឹងរឿងតួល្បីៗ ខ្លះកំពុងគិតថា ចំណងស្នេហ៍តារាសម្តែងមួយគូនេះ ដើរដល់ភាគទីប៉ុន្មានហើយ ពេលណាធ្លាយដំណឹងពិត។
មកទល់ពេលនេះ អាចនឹងមានដំណឹងខ្យល់ក៏ថាបាន ព្រោះរឿងរ៉ាវរវាង សុណ្ណាឡាង និងជាឡាយ ដូចមិនដើរទៅមុខតាមការរំពឹងឡើយ។ ជាពិសេសកាន់តែចង់ជឿជាក់ ក្រោយពេល សុវណ្ណា ឡាង បោះពាក្យមិនចង់ឱ្យគេនិយាយរឿងភ្ជាប់ពាក្យ។ មូលហេតុនាងជាស្ត្រីមានបង មានប្អូនវង្សត្រកូល ដែលធាតុពិតមិនអាចឈានដល់រឿងផ្លូវការ អាចប៉ះពាល់កិត្តិយសណាស់។
ប្រសិនបើចឹងមែននោះ មិនក្លាយជារឿងស្នេហាខ្យល់ទៀតហើយ ព្រោះមុននេះគេដឹងថា តារាលំដាប់កំពូលច្រៀងនៅហង្សមាស ក៏បានបង្កាត់ឆាកស្នេហ៍ស្រពិចស្រពិលជាមួយ តារាប្រុសសង្ហារផ្នែកសម្តែងម្នាក់ ធ្វើឱ្យហ្វេនតាមចង់ខ្យល់គ ពេលណាកាឭតែថា មើលចិត្តៗសិន។
បើតាមសម្តីរបស់ គៀត សុវណ្ណាឡាង នៅពេលនេះ មិនត្រឹមតែធ្វើឱ្យអ្នកគាំទ្ររបស់នាង ខកចិត្តនោះទេ ព្រោះតែពួកគេធ្លាប់តែជំរុញឱ្យស្រីស្រស់ប្រុសសង្ហាររៀបការជាមួយគ្នា ប៉ុន្តែបែរជាខាងស្រីថា មិនអាចទៅរួចនោះទេ។
គៀត សុវណ្ណាឡាង បានអះអាងយ៉ាងច្បាស់ៗថា នាងមិនបានភ្ជាប់ពាក្យ ឬត្រៀមរៀបការជាមួយ លឹម ជាឡាយ ដូចការលេចឮនាពេលកន្លងមកនោះទេ។ នាងថា នោះជាដំណឹងផ្តេសផ្តាសមួយដែលនាងមិនអាចទទួលយកបានទេ ព្រោះវាថែមទាំងរំខានដល់នាងក្នុងការជ្រើសរើសគូស្រករទៀតផង។ ប៉ុន្តែទោះជាគេនិយាយយ៉ាងណា ទំនាក់ទំនងរវាងនាង និងជាឡាយ គឺនៅតែបន្តដូចមុនដដែល គឺការរាប់អានគ្នាជាធម្មតាដោយគ្មានអ្វីប្រែប្រួលនោះទេ។
គៀត សុវណ្ណាឡាង បន្តថា «ខ្ញុំមានដែលធ្លាប់ភ្ជាប់ពាក្យជាមួយគាត់ (ជាឡាយ) ឯណាបង? ហើយក៏មិនដែលមានគម្រោងរៀបការជាមួយគ្នាដែរ។ ខ្ញុំអត់ទាន់ចង់រៀបការទេ ហើយក៏មិនដឹងជារៀបការជាមួយអ្នកណាដែរ បើអត់គូអីចឹង»។
ប្រការបែបនេះអាចមកពីគិតថា ការជ្រើសរើសគូអនាគត មិនមែនជារឿងសម្តែងកុន ត្រូវរើសឱ្យបានច្បាស់លាស់ ។ កត្តាបែបនេះហើយ ទើបធ្វើឱ្យសុវណ្ណាឡា ងហាក់នៅឆ្ងាយពីអ្វីដែលហៅថាស្នេហាជិតដិត បើទោះជានាងមិនប្រកាន់រឿងថតរូបកៀកកិតជាមួយជាឡាយ ព្រោះនោះជាការរាប់អាន ពេលរួមការងារ។ ហើយមិនដឹងថា នាងមានអ្នកក្នុងចិត្ត ហើយឬអត់នោះទេ? បានជាប្រកែករហ័សបែបនេះ។ (កែសម្រួលដោយ ៖ បុប្ផា)
ចែករំលែកព័តមាននេះ