រាជធានីភ្នំពេញ ៖ វិស័យសំណង់ និងអចលនទ្រព្យកម្ពុជាចូលមកដល់ដើមឆ្នាំ២០២០ គេសង្កេតឃើញក្រុមហ៊ុនរកស៊ីឈានមុខក្នុងវិស័យនេះ បង្ហាញតួលេខចង់បានធនធានមនុស្សជាច្រើន ដើម្បីធ្វើជាភ្នាក់ងាររបស់ខ្លួនសម្រាប់ផ្តល់ភាពងាយស្រួល និងទំនុកចិត្តទៅដល់បណ្តាវិនិយោគិនសន្តានុពលដែលបណ្តាក់ទុនវិនិយោគនៅកម្ពុជា ខណៈវិស័យសំណង់ និងអចលនទ្រព្យនេះកំពុងរងឥទ្ធិពលផលប៉ះពាល់ពីវិរុសកូរ៉ូណាថ្នាក់តំបន់ និងពិភពលោក ។
បើតាមនាយិការ ក្រុមហ៊ុន Century 21 Cambodia មានផែនការត្រូវការភ្នាក់ងារអចនទ្រព្យរហូតដល់ជិត៤.០០០នាក់នៅពេលបច្ចុប្បន្ននិងអនាគត។
លោកស្រី ហ្គ្រែស រចនីហ្វុង អគ្គនាយិកាក្រុមហ៊ុន Century 21 Cambodia ដែលជាក្រុមហ៊ុនមេគ្រប់គ្រងសិទ្ធធ្វើអាជីវកម្មលើម៉ាកយីហោ Century 21 នៅកម្ពុជាបានឱ្យដឹងក្នុងសិក្ខាសាលាស្តីពីការបណ្តុះភាពជោគជ័យក្នុងវិស័យអចលនទ្រព្យ កាលពីថ្ងៃទី១៩ កុម្ភៈថា នៅពេលគាត់ (ពលរដ្ឋ) បានចូលនៅក្នុងចង្កោមដែលជាតម្រូវការរបស់ពួកយើងពួកគាត់មិនមែនជាភ្នាក់ងារធម្មតាទេ ពួកគាត់អាចក្លាយជាម្ចាស់ក្រុមហ៊ុនតំណាងក្រុមហ៊ុននៅតាមឃុំ (តំបន់) នីមួយៗគាត់ទទួលបានការបណ្តុះបណ្តាលពីអ្នកជំនាញមកពីខាងក្រៅប្រទេស និងអ្នកជំនាញខាងក្នុងប្រទេស ។
បើតាមនាយិការូបនេះ ក្រុមហ៊ុនមានតម្រូវការភ្នាក់ងាអចលនទ្រព្យច្រើនយ៉ាងនេះ ដោយសារក្នុងប្រទេសកម្ពុជាមានការវិនិយោគច្រើនមកពីខាងក្រៅប្រទេសដែលកំពុងចាប់អារម្មណ៍ខ្លាំង គឺប្រទេសជប៉ុន, ប្រទេសចិន, ប្រទេសសិង្ហបុរី,កោះតៃវ៉ាន់ និងប្រទេសកូរ៉េ ។ ដូច្នេះបណ្តាប្រទេសផ្សេងទាំងនេះនៅពេលគាត់ចូលមកវិនិយោគនៅកម្ពុជាគាត់ចង់បានភ្នាក់ងារអចលនទ្រព្យដែលមានចំណេះដឹង ជំនាញនិងចង់បានក្រុមហ៊ុនដែលមានអាជ្ញាបណ្ណទទួលស្គាល់ពីក្រសួងជំនាញរបស់កម្ពុជា» ។
លោកស្រី ហ្គ្រែស រចនីហ្វុង លើកឡើងថា «នេះវាជាមុខមាត់មួយរបស់ប្រទេសកម្ពុជា នៅពេលមានវិនិយោគិនបរទេសបានមកវិនិយោគនៅកម្ពុជា ព្រោះពួកគាត់មានការវិនិយោគក្នុងទំហំទឹកប្រាក់ច្រើន ។ ដូច្នេះអ្នកវិនិយោគត្រូវការមនុស្សដែលមានជំនាញ និងមានទំនុកចិត្តបង្ហាញទីតាំងណាដែលល្អដីដែលគ្មានជំលោះជួយដល់ការវិនិយោគរបស់ពួកគេទទួលបានប្រាក់ចំណេញទាំងអ្នកវិនិយោគនិងអ្នកទិញក្នុងស្រុក» ៕
ចែករំលែកព័តមាននេះ